AAK: Deklarata e PDK-së për kamerat - tallje me opinionin

AAK: Deklarata e PDK-së për kamerat - tallje me opinionin





Deklaratën e PDK-së se janë pro vendosjes së kamerave në vendvotime, Aleanca për Ardhmërinë e Kosovës e ka quajtur tallje me opinionin, qytetarët e Kosovës, Komisionin Qendror Zgjedhor (KQZ), partitë politike, por edhe me vetë simpatizuesit e PDK-së. Sekretari i përgjithshëm i AAK-së, Burim Ramadani, në konferencën për media të dielën, ka thënë se PDK-ja ka frikë nga instalimi i kamerave. "Kamerat nuk janë as të pozitës e as të opozitës kamerat filmojnë procesin çka po ndodh, por filmojnë edhe ata që duan të vjedhin vota nëse dikush dëshiron të vjedhë vota, atëherë frikësohet prej kamerave dhe është e qartë se kush po frikësohet në Kosovë prej kamerave, është vetë PDK-ja", ka thënë Ramadani. Për më tepër, sekretari i përgjithshëm i AAK-së kërkoi që PDK-ja qysh nesër të parashtrojë kërkesën zyrtare në KQZ për vendosjen e kamerave, për të konfirmuar se kërkesa e saj është serioze.