Topi: Senca e re e Kuvendit me 7 shtator

Topi: Senca e re e Kuvendit me 7 shtator

Seanca e parë e legjislaturës së XVIII të Kuvendit të Republikës së Shqipërisë të dalë nga zgjedhjet e 28 qershorit do të zhvillohet me 7 shtator.




Presidenti, Bamir Topi
PD dhe LSI kanë rënë dakord për të bashkuar votat në Kuvend dhe për të bashkëqeverisur vendin në katër vitet në vazhdim.

Në mbështetje të neneve 67, pika 1 dhe 93 të Kushtetutës së Shqipërisë, Presidenti i Republikës Bamir Topi dekretoi sot datën 7 shtator për thirrjen e Kuvendit të dalë nga zgjedhjet e 28 qershorit. Në njoftimin për shtyp të presidencës thuhet:
"Mbledhja e parë e legjislaturës së XVIII të Kuvendit të Republikës së Shqipërisë, thirret ditën e hënë, datë 07 shtator 2009, ora 18.00. Dekretik me nr 6226 hyn në fuqi menjëherë".
Pas thirrjes se Kuvendit, partia fituese në zgjedhjet e 28 qershorit do të mandatohet nga Presidenti i Republikës për krijimin e qeverisë së re. Partia Demokratike dhe aleatet e e saj e LSI do të nisin zyrtarisht bisedimet për qeverinë e rë që do të drejtojë vendin.
Mandati i deputeteve te parlamentit aktual perfundon ne 2 shtator për tia lene vendin trupes se re parlamentare prej 140 deputetesh te zgjedhur nga votat e 28 qershorit.
Seanca e parë e Parlamentit pritet të drejtohet nga kryeministri Sali Berisha, i cili për një ditë do të jetë njëkohësisht dhe kryetar Parlamenti.
Kryetari i Partisë Demokratike është njëkohësisht dhe deputeti më i vjetër për këtë legjislaturë në krahasim me 139 deputetët e tjerë. Rregullorja e funksionimit të brendshëm të Kuvendit, në pikën 1 të nenit 1 të saj, e përcakton qartë se drejtuesi i seancës së parë plenare është deputeti më i vjetër në moshë. Kësisoj, në zbatim të rregullores së Kuvendit, shefit të qeverisë do t’i duhet të drejtojë punimet plenare deri në zgjedhjen e kryetarit të ri të Parlamentit.
Në rastin hipotetik të mospranimit të drejtimit të kësaj seance nga Berisha, atëherë deputeti që do drejtojë seancën e parë do të jetë socialisti Et’hem Ruka, i datëlindjes 8 dhjetor 1947.
Më pas ndiqet procedura e verifikimit të mandateve të deputetëve të zgjedhur, që kryhet nga Komisioni i Përkohshëm për Verifikimin e Mandateve të anëtarëve të Kuvendit. Pas verifikimit të mandateve deputetët ftohen të bëjnë betimin, Punimet e seancës të legjislaturës së re pasohen me zgjedhjen e Kryetarit dhe të Byrosë së Kuvendit.
Në Kuvendin e ri për katër vitet e ardhshme priten ndryshime edhe në numrin e grupeve parlamentare. Kështu nga 10 grupe kuvendore që funksionuan gjatë mandatit 2005-2009 në legjislaturën e re pritet të jenë vetëm tre të tilla, përkatësisht grupi i Partisë Demokratike, grupi i Partisë Socialiste dhe grupi i Lëvizjes Socialiste për Integrim. Kjo e fundit në zgjedhjet e fundit mundi të sigurojë 4 deputetë, të cilëve do t'i bashkangjiten dhe 3 deputetë të tjerë për të krijuar grupin prej 7 deputetësh që kërkon rregullorja parlamentare.