Gjendet i masakruar biznesmeni 38 vjeçar nga Vlora

Gjendet i masakruar biznesmeni 38 vjeçar nga Vlora

Familjarë të Habazajt, biznesmenit nga Vlora që rezultonte i zhdukur që prej ditës së premte, identifikuan se trupi qe u gjet ne periferi të Fierit i perket djalit të tyre. Mjekët konstatuan se vdekja ka ardhur pasi 39 vjeçari është vrarë e më pas djegur.



U gjet i karbonizuar, Genci Habazaj, 39 vjeç i cili rezultonte i zhdukur që prej datës 28 Gusht.

- Një trup i pajetë, i masakruar dhe i djegur është gjetur në fshatin Povelsh të Fierit. Identifikimi i tij qe i vështirë në fillim por pas kontakteve edhe me Komisariatin e Vlorës, është bërë i mundur identifikimi.
Mësohet se viktima është, Genci Habazaj, 38 vjeçari nga Vlora që dje u deklarua i humbur nga familjarët. Trupi i tij u gjet i masakruar në periferi të Fierit ne nje vend te fshehur ne mes te kallamishteve. gjatë mesnatës nga kalimtarë të rastit të cilët menjëherë kanë njoftuar policinë e Fierit. Sipas burimeve policore nga vendngjarja mësohet se viktima ka shenja dhune ne fytyre dhe shenja djegieje në gjithë trupin, ndaj indetifikimi u be i mundur vetem nga ekspertet e mjekesise ligjore ne Tirane me ndihmen e familjareve që u njoftuan që në orët e para të mëngjesit për gjetjen e një kofome.
Policia po rindërton skenën e krimit dhe njëkohësisht po punon për kapjen e autorëve. Burimet thonë se Habazaj, mund të jete sjellë me një makinë dhe me pas është hedhur dhe djegur në një vend të fshehtë.
Zhdukja
Genci Habazaj, 39 vjeç rezultonte i zhdukur që prej datës 28 Gusht. Policia thotë se kontakti i fundit që Genc Habazaj ka pasur me familjarët ka qenë të premten datë 28 Gusht, rreth orës 20.00, më pas familjarët nuk e kanë parë më 39 vjecarin.
Sipas të dhënave, nga forcat blu, Genc Habazaj kishte vetëm pak ditë që kishte ardhur në Vlorë me familjen e tij, pasi jetonte në Itali. Ai drejtonte një firmë ndërtimi në qytetin Akuila përtej detit Adriatik.
Policia e qytetit bregdetar ka nisur kërkimet dhe po heton në pistën e rrëmbimit të biznesmenit. 39 vjecari kishte dalë nga shtëpia (të premten në darkë) pa dokumentet e tij personale dhe pa makinë.
Genc Habazaj kishte hyrë në Shqipëri më 14 gusht dhe të shtunën e 29 gushtit, së bashku me familjen do të shkonte në Elbasan, për një sebep familjar.
Të shtunën, kur familjarët kanë konstatuar se 39 vjecari nuk po kthehej, kanë denoncuar në polici zhdukjen.
Në kuadër të hetimit policia ka bllokuar numrat e llogarive bankare të biznesmenit Genc Habazaj si dhe numrin italian të telefonit personal të 39 vjecarit.
Hetimet
Policia e Vlores dhe ajo e Fierit ne bashkëpunim me njera-tjetrën kanë nisur hetimet për zbardhjen e ngjarjes dhe gjetjen e vrasësit të autorit. Nuk bëhen ende të ditura pistat ku po hetohet për gjetjen e autorëve të krimit, por Policia konfirmoi se hetimet do të shtrihen edhe në Itali, shtetin ku biznesmeni ushtronte nje aktivitet privat.