Humbja e dytë radhazi – për brengosje

Humbja e dytë radhazi – për brengosje

Ruzhdi Statovci
Frankfurt: SV Heddernheim – FC Kosova 2:1



Skender Hasani, golashënuesi më i mirë i Kosovës së Frankfurti, autor i golit të vetëm


Skuadra shqiptare nga Frankfurti në ndeshjen e kësaj jave që e zhvilloi si mysafire kundër
SV Heddernheim, pësoi humbje me rezultat minimal 1:2, që brengos ngase është humbja e dytë radhazi. Autor i golit të vetëm ishte Skender Hasani në minutën 51.
FC Kosova: Salihu, Krasniqi, Xhihan, Mazllomaj, Toski, L. Alihajdari, Selmani, Bajraliu, Hasani, Alihjadari dhe Alijaj.
Trajner: Sami Blakçori.
Skuadra që në sezonin e kaluar nuk dinte për humbje dhe që sezonin e ri e filloi siç është më së miri duke fituar dy ndeshjet e para, në ndeshjen e tretë dhe këtë të katërtën pësoi humbje. Derisa humbja e javës së kaluar mund të arsyetohet sepse kundërshtari ishte ekip mjaft cilësor, kjo humbja e re nuk mund të ketë këtë arsyetim. Skuadra kundërshtare që në këtë ndeshje inkasoi tri pikë të reja nuk ishte fare skuadër më e mirë së ajo shqiptare, porse arriti të realizojë dy raste në pjesën e parë dhe në pjesën e dytë vetëm u mbrojtë dhe këtë me sukses ngase futbollistët shqiptarë në këtë ndeshje ishin anemik.
Fajtor për humbjen e skuadrës shqiptare në këtë takim ishte mbrojtja e dezorientuar që luante sikur pa kohë, porse mungesa më e madhe në lojën e kësaj skuadre u pa se mesi i fushës nuk funksiononte kurrësesi. Duhet shpresuar se kjo krizë të ketë kaluar me këto dy humbje dhe skuadra t´u kthehet sërish sukseseve.