Meta: Pse nuk e pranova ftesën e Ramës për t’u bërë kryeministër

nga **Agim Gashi** Sun Sep 06, 2009 2:30 am

Pse ndryshuat deklaratën tuaj, të bërë dy ditë para zgjedhjeve që nuk do bënit asnjëherë koalicion me PD-në? Mua nuk më ka shkuar mendja që të kishim një koalicion PD-LSI

sepse në të gjitha rastet mendoja që do të ishte i mundur vetëm një koalicion PS- LSI, megjithatë askush nuk mund të më akuzojë sepse nuk ka qenë verdikti i Ilir Metës por ka qenë verdikti i shqiptarëve. Sepse me logjikë fare të ftohtë dhe jashtë emocioneve duhet të jemi të ndërgjegjshëm se zgjedhjet nuk jepnin asnjë mundësi matematikore për një koalicion qeverisës PS- LSI. Në këto kushte kur unë nuk kisha bërë asnjë premtim nga ai që synonim para 28 qershorit, padyshim që kjo është e vetmja zgjidhje që ka qenë e vështirë dhe nuk ka qenë e lehtë, e vetmja zgjidhje që i shërben stabilitetit të Shqipërisë, integrimit dhe lëvizjes së lirë të shqiptarëve.
Nëse ju nuk do nxitoheshit a ishte e mundur qoftë dhe teorikisht që ky koalicion të mos bëhej dhe pse duhet të nxitoheshit kaq shumë?
Ka pasur një marrëveshje PS- LSI, përpara zgjedhjeve por kjo është shkelur në një mënyrë të njëanshme. Qëllimi kryesor ka qenë bashkëpunimi i Ramës me Sali Berishën. Këto përpjekje kanë qenë konstistente për më shumë se një vit, gjatë grevës së urisë, pas grevës së urisë dhe një javë para zgjedhjeve ku unë shtrova tryezën progresiste dhe Edi Rama e injoroi këtë. Unë do t’ju siguroj se vendimi që unë kam marrë për ti thënë po, z. Berisha për një koalicion qeverisës ka ardhur pasi kam qenë mëse i bindur që ishte i pamundur një koalicion PS- LSI, pas ofertës së bërë nga z. Rama, që unë do bëhesha kryeministër dhe do trafikoheshin dy tre deputetë nga PD. Për të shpjeguar se unë isha në dijeni të gjitha përpjekjeve që bëheshin për të më destabilizuar mua dhe për të destabilizuar situatën në vend.
Si u arrit që ju të filloni të bëni këtë kompromis me Berishën?
Ka funksionuar në një mënyrë logjike, duke u referuar fakteve konkrete se cilën forcë politike preferonte PD-ja. PD-ja mund ta bënte qeverinë dhe pa LSI sepse ka pasur shumë deputetë të gatshëm për ta bërë këtë gjë, madje ka pasur edhe deputetë të dhënë hua nga Partia Socialiste vetëm që Berisha të mos bënte koalicion me mua. Berisha më mori në telefon pasi e ka bërë publike në konferencë. Ma ka bërë të ditur që unë do të thërras.
Ishte LSI apo PD më e lumtur që u arrit kjo marrëveshje?
Këtu nuk bëhet fjala për lumturi dhe eufori por për përgjegjësi. Unë jam i kënaqur nga mënyra e hapur e komunikimit deri tani me zotin Berisha, kjo nuk është një mënyrë shumë e stërholluar apo e ngatërruar, është një mënyrë shumë e qartë. Ka edhe çështje për të cilat nuk kemi rënë dakord dhe kjo është normale, por shumica e atyre që u intereson shqiptarëve janë në këtë marrëveshje dhe janë në objektivat kryesore të qeverisë së ardhshme.
Çfarë ju shtyu më shumë të bënit koalicion me PD-në?
Në ditën e zgjedhjeve ka ndodhur një proces korruptim nga strukturat e PS-së për vjedhjen e votave të LSI-së dhe përpjekjet e tyre të çmendura për të eliminuara LSI. Ajo që ka ndodhur atë ditë me votuesit tonë, me strukturat tona, e ka lehtësuar këtë bashkëpunim me partinë demokratike, përveç rezultatit që nuk mund të injorohet.
Ju kur keni qenë kryeministër e keni arrestuar Sali Berishën?
Së pari kryeministri nuk merret me këto gjëra, marrëdhëniet tona kanë qenë te përballta sepse z. Berisha ka qenë agresiv ndaj institucioneve tona. Me Berishën jo vetëm ia vlen të luftosh sepse është kundërshtar që ka vlera por mesa duket edhe ia vlen të bashkëpunosh sepse ka vlera të cilat un nuk i kam parë tek ndonjë politikan tjetër me të cilin kam bashkëpunuar apo që e kam pasur koleg.
Çfarë ndryshimi shihni mes Ramës dhe Berishës gjatë arritjeve të marrëveshjeve?
Nuk kanë asnjë lidhje me njëri tjetrin në drejtim të seriozitetit. Ju e dini që zhgënjimet e mia me z.Rama kanë qenë shumë të hershme. Por pas zgjedhjeve të tij, në krye të PS-së duke qene se ne kemi pasur raport kontradiktor me PS-në u përpoqëm që ti japim një mundësi z. Rama. Ai ishte i interesuar të zgjidhej kryetar Bashkie dhe në këtë drejtim ne bëmë një marrëveshje afatgjatë dhe e vërteta është se sapo u zgjodh kryetar Bashkie ku ne e mbështetëm fuqishëm, ai që në atë moment nuk e thirri me tryezën e koalicionit, ndërsa LSI ishte gati për çdo gjë që ai të fitonte Bashkinë. Të bësh marrëveshje me z.Rama është bezdi. Ndërsa me z.Berisha situata ka qenë krejt ndryshe.
Pse zgjodhët z. Prifti dhe z. Vasili për ministra?
Këto janë kandi9daturat më të përshtatshme dhe më të merituara, në radhë të parë brenda LSI-së sepse kanë patur një përpjekje të madhe për LSI-në, kanë eksperiencës përveç energjive dhe një formim profesional për të përfaqësuar këto fusha. Nuk është tabu të ketë një koalicion midis një force të djathtë dhe një force të majtë, por realizon një ekuilibër të ri.
Marrë me shkurtime nga Ora News

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31