Tuna ‘hedh në treg’ foto seksi

Tuna ‘hedh në treg’ foto seksi





Hiti i parë. Këngëtarja bionde nga Shkupi, Altuna Sejdiu - Tuna, këtë vit ka lansuar dy hite të reja gjatë verës duke u bërë shumë aktive sa i përket karrierës së saj. Njëra është kënga e saj me reperin e Vig Popa, të cilët në fillim të verës lansuan "single"- in dhe klipin e këngës "E boj nxehtë".
Hiti i dytë. Ndërkaq më vonë ajo lëshoi edhe këngën "Dua" duet i saj me Medën dhe Getin e Tingullit 3NT. Dhe vërtetë, sikur me të parën, ashtu edhe me bashkëpunimin shumë interesant ka arritur të jetë mjaft e pëlqyer


Tuna e mbaroi sezonin e koncerteve të verës por nuk mbaroi me surprizat e saj. Foto të nxehta sa vetë kjo verë që po lëmë pas, ka arritur të shkrepë grupi i fotografëve që e ka ndjekur nga pas. Dhe ka menduar të bëjë pushime vërtet të paharruara. Pikërisht në Kubë, plazhet e saj të famshme, të ëndërruara nga amerikanët dhe kanadezët, pa dyshim dhe nga evropianët. Tuna tani po pushon dhe shijon rrezet e diellit në plazhet e njohura të Kubës, por bashkë me të dashurin e saj, kanë vendosur që njëkohësisht të vizitojnë edhe vendlindjen e Çe Guevarës.


Në kubë për pushime dhe një klip të nxehtë.
Por të tilla pushime, sigurisht kanë shpenzime, dhe jo pak. Ndaj Tuna ka vendosur që me "një gur të vrasë dy zogj". Teksa shëllihet në diellin e magjishëm të plazheve havaneze, Tuna pushimet atje do t'i shfrytëzojë edhe për xhirimin e një klipi të nxehtë në vendet dhe plazhet më atraktive të Kubës. Çifti ka fiksuar pikërisht hotelin luksoz "Paradisus" - Princesha e detit, ku dhjetë ditë në vazhdim, janë veçse pushime dhe argëtim. Për t'u kthyer nga mesi i shtatorit.