Berisha publikoi emrat e ministrave të rinj

Berisha publikoi emrat e ministrave të rinj





Vetëm disa orë pasi presidenti i Shqipërisë, Bamir Topi mandatoi Sali Berishën si kryeministër, lideri i Partisë Demokratike, doli përpara gazetarëve për të paraqitur kabinetin e tij të ri qeveritar.
Ministër i Drejtësisë në kabinetin Berisha do të jetë Bujar Nishani, ministër i Financave Ridvan Bode, ministër i Brendshëm Lulzim Basha, ministër i Bujqësisë Genc Ruli, ministër i Mbrojtjes Arben Imami, ministër i Transporteve Sokol Olldashi, ministër i Arsimit Myqerem Tafaj, ministër i Punës dhe Çështjeve Sociale, Spiro Ksera, i Turizmit, Kulturës, Rinisë dhe Sporteve Ferdinand Xhaferri, ministër i Shtetit dhe Marrëdhënieve me Parlamentin Genc Pollo dhe ministre e Integrimit Majlinda Bregu.
Siç dihej më herët, nga LSI-ja, zëvendëskryeministër dhe ministër i Jashtëm do të jetë Ilir Meta, ministër i Shëndetësisë Petrit Vasili, ministër i Ekonomisë Dritan Prifti, nga republikanët Fatmir Mediu do të mbajë postin e mjedisit.
Kryeministri Berisha, ka saktësuar se listën e kabinetit nesër do t’ia çojë për dekretim presidentit te Republikës Bamir Topi