U riaktivizua dega e PSHDK-së

U riaktivizua dega e PSHDK-së

Në Baden-Wettingen të Araut

Me iniciativën e Zef Dodës, Prekë Bushajt e Dedë Dodajt u riaktivizue Dega e PSHDK-së për Baden–Wettingen të kantonit Arau të Zvicrës. I pranishëm në Kuvendin e Degës ishte dhe drejtuesi i PSHDK-së, dr. Nikë Gjeloshi, bashk me disa anëtarë të Kryesisë së Bashkësisë së Degëve të PSHDK-së për Zvicër. Kuvendin e Degës e udhëhoqi Prek Bushaj, i cili pos që përkrahu nëvojen e forcimit të PSHDK-së lavdëroi angazhimin që ka bërë Zef Doda nga themelimi i PSHDK-së dhe apeloi që PSHDK-ja të forcohen sa më shumë, që të marrin dhe përgjegjesitë e veta në kuvendet e komunave në zgjedhjet që do të mbahen me 15 nëntor të këtij viti në Kosovë, por dhe të kemi sa më shumë deputetë në Kuvendin e Kosovës në zgjedhjet e ardhshme parlamentare.
Dedë Dodaj apeloi që të jemi sa më të organizuar dhe solidar mes vete. Ai theksoi veçmas se ardhja e dr. Nikë Gjeloshit në krye të PSHDK-së ishte motivi që më ka nxitur përsonalisht të aktivizohem edhe njëherë në PSHDK, prandaj uroj suksese të përbashkëta.
Kryesuesi i PSHDK-së, dr. Gjeloshi falënderoi të pranishmit qe kanë ndarë kohën për t´u takuar dhe për vendosmërinë e tyre që të jenë sërish aktivë në PSHDK si dhe njoftoi të pranishmit për rrugëtimin e vështirë që po bën kjo parti me parime europerëndimore tash e 20 vjet. Ai veçmas theksoi angazhimin që po bën Kryesia qendrore që në zgjedhjet lokale që do të mbahen sivjet PSHDK të dalë sa më e fortë politikisht por dhe interesin tonë të përgjithshëm që PSHDK të jetë sa më e organizuar dhe sa më e fortë ashtu që dhe shtetin e Kosovës ta bëjmë më demokratik dhe më të fortë.
Pas diskutimeve të shumë të pranishmeve kuvendi zgjodhi kryesinë e Degës: Prek Bushaj, Dedë Dodaj, Nikollë Gegaj, Marjan Bushaj, Pal Bushaj, Gazmend Gjini, Fanol Jashari, Arsim Kadrija dhe Gjergj Gega. Kryetar i Degës u zgjodh Prek Bushaj i cili falënderoi të pranishmit dhe potencoi përkrahjen e PSHDK-së që do ta ketë nga diaspora.
Zef Doda