Lirohet djali i Fatmir Etemit, që u mor peng pasdite

Lirohet djali i Fatmir Etemit, që u mor peng pasdite






Rrëmbyesit kanë liruar djalin e ish deputetit dhe biznesmenit Fatmir Etemi, i cili u rrëmbye pasdite vonë në Çair të Shkupit, bëri të ditur për ALSAT, zëdhënësi i Ministrisë së Punëve të Brendshme, Ivo Kotevski. Ndërkohë njoftohet se dy nga rrëmbyesit janë arrestuar. Djali 9 vjeçar është liruar në afërsi të restorantit ‘Euroaktiva’ që gjendet në rrugën drejt Kosovës. Tani për tani nuk jepen detaje lidhur me rrethanat e lirimit. 9 vjeçari u rrëmbye pasdite rreth orës 17 nga persona të maskuar me një makinë Fiat Punto të bardhë, në rrugën Xhon Kenedi në Çair, në afërsi të stadiumit. Në ato momente djaloshi së bashku me një shok tjetër ishte duke u shëtitur me biçikletë. Ndryshe babai i djalit të rrëmbyer, biznesmeni Fatmir Etemi ka qenë deputet në Kuvend në periudhën prej vitit 1998 deri në 2002 dhe në zgjedhjet e fundit ishte kandidat i Demokracisë së Re për kryetar të Komunës së Çairit.