Ndëpritet greva e urisë

Ndëpritet greva e urisë

Bota sot
Familjaret e personave të pagjetur e kanë ndëprerë sot grevën e urisë, pas një takimi që kanë zhvilluar me presidentin e Kosovës, Fatmir Sejdiu dhe ministren e Drejtësisë, Nekibe Kelmendi.


Familjaret e të pagjeturve ndërpresin grevën pas takimit me Presidentin Sejdiu dhe ministren Kelmendi


Familjaret e të pagjeturve, të cilat tash më shumë se dy javë kanë qenë në grevë, ndërsa nga e hëna edhe në grevë urie, e kanë ndërprerë grevën e tyre, pas një takimi që kanë zhvilluar sot me Presidentin e Republikës së Kosovës, dr.Fatmir Sejdiu, dhe ministren e Drejtësisë, Nekibe Kelmendi.

Kërkesat e familjareve të të pagjeturve, të cilat kanë qëndruar në grevë në një tendë në afërsi të vendit ku mbahen mbetje ende të paidentifikuara të personave të pagjetur, kanë të bëjnë me përshpejtimin e procesit të identifikimit të mbetjeve mortore dhe zbardhjen sa më të shpejtë të fatit të të pagjeturve nga lufta e fundit.
Sikur edhe në vizitën e parë, Presidenti Sejdiu u ka premtuar familjareve të të pagjeturve se përpjekjet e tij dhe të të gjitha institucioneve të Republikës së Kosovës do të jenë maksimale për ndriçimin e fateve të këtyre njerëzve. Unë nga ana ime do të përpiqem, bashkë me institucionet e tjera, të bëjmë punën më të madhe të mundshme, secili sipas kompetencës dhe mundësive të veta. Unë jam me kërkesat e juaja, jam bashkë me dhimbjen tuaj, por nuk jam që shëndetit juaj të keqësohet edhe më, u ka thënë Presidenti pjesëmarrëseve në grevë.