Barroso rizgjedhet kryetar i Komisionit Evropian

Barroso rizgjedhet kryetar i Komisionit Evropian

Në votimin e 736 deputetëve të asamblesë së Parlamentit Evropian, 382 votuan pro liderit 53 vjeçar të qendrës së djathtë, ndërsa 219 votuan kundër. Pjesa tjetër e deputetëve abstenuan ose nuk morën pjesë në seancë. Ky është mandati i dytë i Barroso në krye të administratës së Brukselit.


Parlamenti Evropian e ka rizgjedhur Jose Manuel Barroson për kryetar të Komisionit Evropian.

Parlamenti Evropian votoi për t’i dhënë një mandat të dytë 5-vjeçar Presidentit të Komisionit Evropian Hoze Manuel Barrozo. Parlamenti prej 736 anëtarësh e zgjodhi zotin Barrozo sot në mëngjes, me 382 vota pro dhe 219 kundër, pjesa tjetër e ligjvënësve abstenoi. Zotit Barrozo i nevojitej vetëm shumica e thjeshtë e votave për t’u rizgjedhur.
Zoti Barrozo, një politikan i krahut të djathtë, ish-kryeministër i Portugalisë, kishte siguruar mbështetjen nga të gjitha qeveritë e Bashkimit Evropian prej 27 anëtarësh dhe ishte kandidati i vetëm për këtë post. Në një fjalim që mbajti dje në Parlamentin turk, zoti Barrozo premtoi se do të ruajë vlerat sociale dhe demokratike evropiane, do të mbrojë vendet e punës dhe do të eliminojë hendekun gjinor në pagesë dhe do të reformojë sektorin financiar.
Ai po ashtu premtoi ta ndryshojë strukturën e Komisionit, duke caktuar komisionerë për drejtësinë, të drejtat themelore dhe liritë civile. Ligjvënësit e Aleancës Progresive të Socialistëve dhe Demokratëve nuk e mbështetën zotin Barrozo dhe patën bërë thirrje për një ndryshim të drejtimit në Bashkimin Evropian.//lk