Shqipëri: Ministrat betohen para Presidentit

Shqipëri: Ministrat betohen para Presidentit

Bota sot, Tiranë
Anëtarët e Këshillit të ri të Ministrave bëjnë betimin para Presidentit të Republikës, Bamir Topi.



Pas ekzekutimit të hymnit kombëtar dhe leximit të dekreteve nga Sekretari i Përgjithshëm i Presidencës, Aleksandër Flloko, Kryeministri, Zëvendëskryeministri dhe ministrat e kabinetit qeveritar, me dorë mbi Kushtetutë, bënë betimin para presidentit Topi.

Presidenti i Republikës, Prof. Dr. Bamir Topi u dorëzoi sot dekretet e emërimit anëtarëve të Këshillit të ri të Ministrave, të miratuar dje nga Kuvendi i Shqipërisë me shtatëdhjetë e katër vota. Në ceremoninë zyrtare të betimit të zhvilluar në Presidencë ishin të pranishëm, Kryetarja e Kuvendit, Jozefina Topalli, Kryetari e Gjykatës Kushtetuese, Vladimir Kristo, Kryetarja e Gjykatës së Lartë, Shpresa Beçaj, Kryetari i Grupit Parlamentar të Partisë Demokratike, Astrit Patozi, Prokurorja e Përgjithshme, Ina Rama, Kryetari i Kontrollit të Lartë të Shtetit, Robert Çeku, Avokati i Popullit, Emir Dobjani, Kryetari i SHISH-it, Bahri Shaqiri, Kryetari i ILKP, Adriatik Llalla, Kryetari i Akademisë së Shkencave, Gudar Beqiraj, deputetë dhe anëtarë të kabinetit të Presidentit të Republikës.
Pas ekzekutimit të hymnit kombëtar dhe leximit të dekreteve nga Sekretari i Përgjithshëm i Presidencës, Aleksandër Flloko, Kryeministri, Zëvendëskryeministri dhe ministrat e kabinetit qeveritar, me dorë mbi Kushtetutë, bënë betimin: “Betohem në nderin tim, se do të zbatoj me përpikmëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave.” para Presidentit të Republikës, i cili u dorëzoi dekretet e emërimit duke u uruar njëkohësisht suksese në detyrën e rëndësishme.
Kryeministri Sali Berisha betohet para Presidentit Topi


Presidenti Topi dhe Kryeministri Berisha në ceremoninë e betimit të anëtarëve të Këshillit të Ministrave


Zëvendëskryeministri dhe Ministri i Punëve të Jashtme, Ilir Meta betohet para Presidentit Topi


Ministrja e Integrimit, Majlinda Bregu betohet para Presidentit Topi