Manifestime të shumta artistike në Bienalen e Shkupit

Manifestime të shumta artistike në Bienalen e Shkupit




Të gjitha ngjarjet mbahen në më shumë se 20 lokacione të qytetit, ndërsa hyrja është falas


Ekspozitat e shumta nëpër kryeqytet që janë shfaqur me rastin e Bienales së 14 të artistëve të rinj, sot i vizitoi presidenti i Maqedonisë Gjorgje Ivanov. Ai në muzeun e artit bashkëkohor në Shkup tha se artistët e vendit tonë me veprat e tyre po tregojnë se janë pjesë e kulturës Evropiane.
“Maqedonia jeton me artin bashkëkohor, i përcjell trendet dhe artistët tonë po marrin pjesë në bienalen në mënyrë të barabartë me kolegët e tyre evropianë”, theksoi Gjorgje Ivanov, president i Maqedonisë.
Një javë pas fillimit të Bienales ndërkombëtare në të cilën po marrin pjesë 700 artistë prej 48 vende të Evropës dhe Mesdheut, organizatorët shprehën kënaqësinë për organizimin e këtij manifestimi kulturor.
“Mendoj se kjo ngjarje për Maqedoni është shumë e rëndësishme pasi shteti duhet të ndërtoj lidhje me Evropën dhe ju vet dini se integrimi i parë po ndodhë në kulturë, posaçërisht në sferën e artistëve të rinj”, tha Luixhi Retklif, kryetar i bienales së 14 të artistëve të rinj.
“Më pëlqejnë ekspozitat posaçërisht arti bashkëkohor dhe vendet me trashëgiminë kulturore, kjo është shumë e bukur dhe më pëlqen organizimi në përgjithësi”, tha nj[ delegate nga Kina.
Adhuruesit e artit deri në 12 shtator do të mund të vizitojnë ekspozita, koncerte dhe punëtori të shumta të cilët po mbahen në kuadër të bienales së artistëve të rinj.
Të gjitha ngjarjet mbahen në më shumë se 20 lokacione të qytetit, ndërsa hyrja është falas.alsat