Akademia e Kosovës reagon ndaj botimit të Akademisë së Maqedonisë

Nga Isak Ramadani, Shkup
Zëri i Amerikës
20-09-2009
Akademia e Shkencave dhe e Arteve të Kosovës ka reaguar sot ndaj një botimi të Akademisë së Shkencave dhe Arteve të Maqedonisë, ku përdoren referenca përçmuese dhe fyese për shqiptarët si dhe fakte të padëshmuara historike.

Akademia e Kosovës thotë se shpërdorimi i Enciklopedisë për llogari të paragjykimeve etnike mund të jetë vetëm rezultat i urrejtjes. Kryesia e Akademisë së Shkencave dhe e Arteve të Kosovës shkruan se kishte besuar se qëndrimet antishqiptare të një pjese të Akademisë Maqedonase kishin marrë fund para disa vitesh me largimin e ish-Kryetarit të saj që kishte kërkuar ndarjen e vendit dhe shpërngulje të popullatave.

"Gafat elementare në paraqitjen e historisë,vlerësimet primitive shoviniste të popullit tjetër të kujtojnë kohë të kaluara e të errëta", thonë më tej akademikët e Kosovës, të cilët shtojnë se ky skandal i pashembullt për nivelet akademike shtyn të mendohet me tërë seriozitetin për pozitën e shqiptarëve në Maqedoni.

Akademia e Maqedonisë publikoi një enciklopedi para pak ditësh ku në pjesën për shqiptarët përdor termat "arbanasi", "arnautë", "shiptari" me interpretimin se shqiptarët janë njerëz të ardhur nga malet. Më tej thuhet se shqiptarët në Maqedoni janë dyndur në shekullin e 16-të dhe 18-të e deri pas luftës së Dytë Botërore duke e ngushtuar popullatën maqedonase, duke e terrorizuar atë dhe dëbuar nga vatrat e tyre.

Përpjekje anakronike



Alternativa Demokratike e Kosovës (ADK), reagon lidhur me të pa vërtetë mbi shqiptarët të paraqitura në botimin e “Enciklopedia e Maqedonisë”, të Akademisë së Shkencave dhe Arteve të Maqedonisë. “Përpjekjet për të shtrembëruar historinë mbi shqiptarët janë anakronike dhe siç është dëshmuar deri tani janë të pasuksesshme. Një vepër e tillë me synime për të denigruar shqiptarët, po ashtu cenon marrëdhëniet ndëretnike dhe nuk i kontribuon qëllimeve për të ndërtuar një paqe të qëndrueshme dhe respekt midis kombeve të rajonit dhe në radhë të parë në vet shtetin e Maqedonisë. Në shekullin njëzetë e një, kur tashmë i lëmë pas historitë e hidhura, një hap i tillë gjason si riciklim i mentatlitetve shtypëse dhe diskriminuese, që do të duhej ti takonin të kaluarës”, thuhet në reagimin e ADK-së.
Alternativa Demokratike e Kosovës, fton qytetarët dhe të gjitha institucionet në Maqedoni që të distancohen nga qëndrimet dhe veprat pseudo-akademike të autorëve të kësaj enciklopedie. Po ashtu ftojmë institucionet përgjegjëse, që të ndërmarrin hapa konkret që të ndalohet ky botim dhe të bëhen përmirësimet adekuate.
ADK urgjentisht kërkon që akademikët shqiptar, që ishin bashkautor të këtij botimi të turpshëm të japin dorëheqje, ndërsa të gjithë akademikët shqiptarë të cilët janë pjesë e kësaj akademie që ka nxjerr këtë dokument, të distancohen publikisht nga kjo akademi deri në rastin kur ky institucion të mos kërkoj falje publike mbarë kombit shqiptar.
“I`a kujtojmë të gjithëve në Maqedoni dhe më gjerë, se historia shqiptare e Ballkanit është e vërtetuar nga pothuajse të gjithë shkencëtarët që janë marrë me Ballkanin, andaj tentimi që përmes farsave të tilla të pambështetura në të vërteta shkencore e historike e shohim si përpjekje të tyre të dështuara që mbi të pavërteta të krijojnë historinë e vetes”, thuhet në reagimin e ADK-së.

"Zgjohu" proteston ne Shkup: Te terhiqet enciklopedia


Levizja qytetare “Zgjohu”, e mbeshtetur nga thuajse te gjitha partite politike shqiptare dhe disa OJQ, permes nje proteste ka kerkuar terheqjen e enciklopedise se re te Maqedonise dhe largimin e redaktorit kryesor te saj, Bllazhe Ristevski nga Akademia e Shkencave.
Perfaqesuesi i levizjes “Zgjohu”, Adrian Limani theksoi se enciklopedia rrezikon karakterin multietnik dhe kushtetues te Maqedonise, nxit urrejtje nderetnike, falsifikon historine e popullit shqiptar dhe perveteson figurat me te rendesishme te ketij kombi, sic eshte Nene Tereza.

OJQ-te dhe partite politike shqiptare kerkuan gjithashtu qe edhe kryeministri i Maqedonise te terhiqet nga enciklopedia, pasi ne te kundert do te thote se ai dhe qeveria i mbeshtesin qendrimet e Akademise Maqedonase te Shkencave.

Ministrat shqiptare distancohen nga Enciklopedia maqedonase

Zëvendëskryeministri Ademi kërkon tërheqjen e menjëhershme të enciklopedisë. Do të kërkohet jo vetëm përgjegjësi morale por edhe juridike nga Akademia e Shkencave dhe Arteve të Maqedonisë pasi në të shtrembërohet ...
... skajshmërisht historia shqiptare që rrezikon acarimin e marrëdhënieve ndëretnike por edhe fqinjësore me shtetin shqiptar dhe Kosovën.

“Në radhë të parë do të paditen për tekstet fyese ndaj shqiptarëve në përgjithësi dhe tekstet fyese dhe trillimet e botuara në këtë tekst për liderin tonë Zoti Ali Ahmetin për të cilin thuhet se kinse ai është i dënuar për krime lufte e cila nuk është e vërtetë.’ Konsiderojmë se çdo institucion në Maqedoni do të duhet të jetë i kujdesshëm gjatë publikimit të teksteve të tilla të cilat ndikojnë në marrëdhëniet ndëretnike në vend, ndikojnë në marrëdhëniet me fqinjët”, deklaroi Abdylaqim Ademi, zëvendëskryeministër.

Derisa ministrat shqiptarë në qeverinë Gruevski distancohen nga enciklopedia dhe kërkojnë përgjegjësi morale dhe juridike nga Akademia e Shkencës dhe Arteve të Maqedonisë, kryeministri nuk komenton. Mbetet në qëndrimin e dhënë para dy ditëve se qeveria nuk ka marrë pjesë në përpilimin e enciklopedisë edhe pse e ka financuar.
“Nuk kam se çfarë të shtoj pas asaj që e thash para ca ditëve dhe qeveria e publikoi. Nuk do të komentoj asgjë, atë që kisha unë për ta thënë e thashë para dy ditëve, më vonë edhe zëdhënësi doli me deklaratë të caktuar, kjo është e tëra”, deklaroi Nikolla Gruevski, kryeministër i Maqedonisë.

Zëdhënësi qeveritar Martin Martinovski dy ditë më parë deklaroi se qeveria e Maqedonisë nuk mban llogari për përmbajtjen e enciklopedisë ndërkohë që përgjegjësinë për këtë e mbajnë qarqet Brenda akademisë së shkencave dhe arteve. Në këtë enciklopedia të promovuar javën e kaluar në pjesën e historisë së shqiptarëve mes tjerash thuhet se në Maqedoni nuk kanë jetuar shqiptarë. Ata nga Shqipëria kanë kolonizuar këto vise pas shekullit 16, dhe emërtohen si Pllaninci apo ‘Të Ardhur nga mali’. Faktet janë shtrembëruese, edhe për krijimin e shtetit të parë shqiptar, gjoja i themeluar në vitin ‘44 nga gjermanët.

Në enciklopedi gjithashtu thuhet se UÇK ishte e trajnuar nga oficerë amerikanë dhe britanikë, që u cilësua si e pavërtetë nga përfaqësitë diplomatike të këtyre vendeve në Maqedoni. (alsat)