Shtypet me makinë lojtari i kombëtares

nga **Agim Gashi** Tue Sep 22, 2009 2:05 pm

Nga Altin Latifi

Ishte 20 vjeç dhe ëndërronte fanelën e ko mbëtares së Shqipërisë. Por, të premten në mbrëmje ëndrra e Brian Filipit, sulmuesit nga Lezha që aktivizohej në radhët e Ravenës në Serinë C italiane, është prerë në mes. Futbollisti i përfaqësueses Shpresa është shtypur nga një makinë në Çervia, pak pas orës 23 të dy ditëve më parë. Ai ishte bashkë me shokun e skuadrës Stefano Skapini dhe një makinë që po kalonte me shpejtësi tejet çdo limiti, e ka përplasur disa metra tutje. Vetura më pas u karambolua me një rresht makinash të parkuara, të cilat i ka dëmtuar rëndë. Sulmuesi i ri shqiptar është dërguar menjëherë në urgjencën e spitalit, por çdo gjë ka qenë e kotë. Mjekët nuk kanë mundur t’i shpëtojnë jetën, pasi goditja ishte vërtetë e fuqishme. Lajmi i vdekjes së tij u bë publik në të gjitha mediat italiane pak orë më vonë, duke tronditur skuadrën dhe ambientin futbollistik. Thuajse të gjitha klubet e mëdha kanë shprehur hidhërimin për humbjen e 20 vjeçarit, ndërsa skuadra e Ravenës ka kërkuar nga Federata shtyrjen e ndeshjes së sotme ndaj Foxhias, e cila tashmë do të luhet më 30 shtator. Brian Filipi ishte vetëm 20 vjeç dhe kishte luajtur 23 ndeshje sezonin e kaluar në Serinë C të Italisë, duke shënuar edhe 5 gola. Konsiderohej një talent dhe jo më kot, ishte në fokusin e disa skuadrave të Serisë A. Pasi nuk mundi të përfshihej në operacionin Suçi për të kaluar te Palermo, Filipi u kërkua nga Kievo e Torino. “Brian është gati për një skuadër të nivelit të lartë”, pati thënë drejtori sportiv i Ravenës Xhorxhio Bufone. Filipi ishte futbollist bazë edhe në formacionin e kombëtares Shpresa, ku mungoi vetëm në sfidat e fundit për shkak të një dëmtimi.

Dëshmia

Në krah të Brian Filipit, në momentin e aksidentit, ishte shoku i tij i skuadrës Stefano Skapini, i cili është i huazuar te Ravena. Duke folur për “Gazzetta Dello Sport”, ai ka treguar momentin e aksidentit. Skapini ka treguar se makina ishte me një shpejtësi shumë të lartë. “Edhe mua më preku pak pjesa e prapme dhe më pas, pashë Brianin që fluturoi në ajër”, ishin fjalët e tij. Sa i përket autorit, ajo ishte një grua 52 vjeçare, e cila zotëronte një aktivitet tregtar në zonën e Çervias. Në fakt, ajo ka rezultuar negative në testet e alkoolit, por tashmë priten edhe analizat toksikologjike, që do të tregojnë nëse ka përdorur drogë apo jo. Gruaja është shtruar gjithashtu në spitalin e Çervias për shkak të plagëve të lehta, ndërkohë që aty është krijuar jo pak tension nga familjarët dhe të afërmit e viktimës. Në spital nuk ka munguar as presidenti i Ravenës Xhani Fabri. Ndërkohë, i gjithë opinioni në Ravena ka qenë i tronditur nga vdekja e tmerrshme e Brian Filipit, e ndodhur në orët e para të ditës së shtunë. Fytyrat e futbollistëve të kësaj skuadre ishin të shokuara në seancën stërvitore të paradites në fushën e Ordonas. Më pas, të gjithë kanë shkuar në shtëpinë e lojtarit shqiptar, i ndarë nga jeta në një moshë fare të re. Kapiteni Toni D’Amiko ishte i vetmi që foli në emër të skuadrës, duke thënë se “jeta është e tillë dhe është e vështirë të kthehesh mbrapa”.

G. Shqiptare

nga **Agim Gashi** Tue Sep 22, 2009 9:42 pm

Itali, vdekja e futbollistit, të hënën varrimi

Brian Filipi u shtyp nga një makinë që ecte me shpejtësi të madhe në Çervia, të premten pas orës 23 të mbrëmjes. Pas ceremonisë arkivoli do të niset drejt Italisë ku dhe do të bëhet varrimi i tij.

Shtypet me makinë lojtari i kombëtares Bri

Shtypet me makinë lojtari i kombëtares Bri

Do të zhvillohen të hënën në orën 15.30 minuta në Cervia ceremonia mortore e Brian Filipit, sulmuesit shqiptar i cili vdiq të premten në mbrëmje në një aksident rrugor. Futbollisti i përfaqësueses Shpresa është shtypur nga një makinë në Çervia, pak pas orës 23 të dy ditëve më parë. Ai ishte bashkë me shokun e skuadrës Stefano Skapini dhe një makinë që po kalonte me shpejtësi tejet çdo limiti, e ka përplasur disa metra tutje. Vetura më pas u karambolua me një rresht makinash të parkuara, të cilat i ka dëmtuar rëndë. Sulmuesi i ri shqiptar është dërguar menjëherë në urgjencën e spitalit, por çdo gjë ka qenë e kotë. Mjekët nuk kanë mundur t’i shpëtojnë jetën, pasi goditja ishte vërtetë e fuqishme. Pas ceremonisë arkivoli do të niset drejt Italisë ku dhe do të bëhet varrimi i tij.
Thuajse të gjitha klubet e mëdha kanë shprehur hidhërimin për humbjen e 20 vjeçarit, ndërsa skuadra e Ravenës ka kërkuar nga Federata shtyrjen e ndeshjes së sotme ndaj Foxhias, e cila tashmë do të luhet më 30 shtator. Brian Filipi ishte vetëm 20 vjeç dhe kishte luajtur 23 ndeshje sezonin e kaluar në Serinë C të Italisë, duke shënuar edhe 5 gola. Konsiderohej një talent dhe jo më kot, ishte në fokusin e disa skuadrave të Serisë A.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30