Shqipëri: Parlamenti rinis punimet pa opozitën

Shqipëri: Parlamenti rinis punimet pa opozitën

Partia Demokratike lëshoi sinjale kompromisi për socialistët, duke i ftuar ata të hyjnë në parlament.




Opozita vazhdon sërish të bojkotojë punimet e Kuvendit për shkak të zgjedhjeve

Kuvendi i Shqipërisë sot ka rinisur punimet pa praninë e deputetëve të opozitës.
Në punimet e sotme të Kuvendit dhe në grupin parlamentar të ekonomisë dhe financave, po diskutohet për ndryshimet në buxhetin e shtetit. Partia Demokratike lëshoi sinjale kompromisi për socialistët, duke i ftuar ata të hyjnë në parlament.Kryetari i Grupit Parlamentar të Pd-së, Astrit Patozi ,tha se shumica mbetet e hapur për të diskutuar për kërkesat e opozitës brënda kuadrit ligjor.
Edhe Kryetarja e Kuvendit, Jozefina Topalli ripërsëriti ftesën drejtuar opozitës për tu futur në parlament dhe për të bashkëpunuar për reformat që integrojnë vëndin drejt Be-së.Kuvendi ka kaluar më pas në tërësi ndryshimet për buxhetin e shtetit që kanë të bëjnë me rialokimin e 10 miliardë lekëve.
Ndërkohë në një reagim të saj opozita ka ripërsëritur kërkesën e saj për ngritjen e një komisioni të posaçëm që do të rinumërojë votat.
Hapja e kutive të votimit dhe rinumërimi i votave është kushti kryesor, që opozita të rikthehet në Kuvend, ka deklaruar kryetari në detyrë njëherësh dhe në garë për kreun e PS-se ,Edi Rama. Kuvendi i ri i dalë nga zgjedhjet e 28 qershorit, por dhe komisionet parlamentare kanë nisur punën pa praninë e opozitës.