Vaksina e HIV-it 'redukton infektimin'

Vaksina e HIV-it 'redukton infektimin'

Rreth 33 milionë vetë janë të infektuar me HIV në botë.



Ambasadori amerikan në Tajlandë dhe Ministri tajlandez i Shëndetësisë, 24 shtator 2009

Shkencëtarët thonë se kanë prodhuar një vaksinë që pakëson me mbi 30 përqind gjasat e infektimin me HIV.
Kjo është hera e parë që një vaksinë ofron qoftë dhe këtë mbrojtje të kufizuar ndaj virusit që shkakton AIDS-in.
"Kjo është baza mbi të cilën ne do të vazhdojmë punën," i tha BBC-së kreu I Inisiativës Ndërkombëtare për Vaksinën e AIDS-it, Seth Berkley.
Organizata Botërore e Shëndetësisë thotë se ky zhvillim është premtues për të ofruar një vaksinë të sigurt për njerëzit në mbarë botën.
Vaksina u testua tek 16 mijë vullnetarë në Tajlandë si një pjesë e programi të financuar nga Ushtria Amerikane.
Rezultatet u njoftuan pas një pune kërkimore që zgjati 6 vjet.
Hap i parë
Korrespondentja e BBC-së për Çështjet e Shëndetit thotë se ato kanë shkaktuar ngazëllim sepse studimet për prodhimin e një vaksine kundër virusit të HIV-it kishin mbetur në vend gjatë viteve të fundit.
Rezultatet e tij sugjerojnë se personat që e vaksinuar, kanë gjasa 30 përqind më të vogla për t'u infektuar nga virusi.
Vaksina u bazua tek shtamat e virust që qarkullojnë rëndom në Tajlandë.
Ekspertët kanë nënvizuar se personat e përfhsirë në analizat përfundimtare ishin të paktë, kështu që do të duhet të mësohet më shumë mbi mekanizmin mbi të cilin funksionon vaksina.
Për këtë arsye, thotë korrespondentja e BBC-së, shkencëtarët duan të analizojnë rezultatet dhe të zhvillojnë më tej testimin.
Krahasuar me atë që duhet të arrihet, zhvillimi i fundit, shton ajo, është vetëm hapi i parë.
Rreth 33 milionë vetë janë të infektuar me HIV në mbarë botën.