SHBA: Ministri Hyseni vazhdon lobimin për njohjen e Kosovës

SHBA: Ministri Hyseni vazhdon lobimin për njohjen e Kosovës

Bota sot, New York
Gjatë qëndrimit nё Nju Jork, Ministri i Punëve tё Jashtme i Republikës sё Kosovës, Skënder Hyseni zhvilloi seri takimesh me homolog nga vende tё ndryshme, kryesisht nga ato qё ende nuk e kanё njohur Kosovёn....


Nga agjenda e takimeve e ministrit Skender Hyseni


Nё kёtё kuadёr, Ministri Hyseni takoi tё premten nё Nju Jork Ministrin e Punёve tё Jashtme tё Principatёs sё Andorёs, Xavier Espot Miró. Nё takimin në fjalë, Ministri Hyseni ka folur pёr pёrparimin e arritur nё Kosovё qё nga shpallja e pavarёsisё e këndej, pёr standardet kushtetuese dhe ligjore nё fushёn e tё drejtave tё njeriut, anёtarёsimin e Republikёs sё Kosovёs nё organizma ndёrkombёtarё, rolin e pazёvendёsueshёm tё pavarёsisё sё Kosovёs pёr paqen dhe stabilitetin nё rajonin e Ballkanit Perёndimor dhe karakterin e veçantё tё rastit tё Kosovёs, si dhe pёr procesin e njohjeve. Edhe nё kёtё takim, Ministri Hyseni ka kёrkuar nga homologu i tij qё tё shqyrtojё njohjen e Kosovёs. Nga ana e tij, Ministri Xavier Espot Miró ka thёnё se janё duke e shqyrtuar njohjen, porse Andora ende nuk ka marrё njё vendim pёrfundimtar.
Ministri Hyseni mori pjesё edhe nё takimin e Presidentit Sejdiu me Presidentin e Malawit, dr. Bingu wa Mutharika dhe me Kryeministrin e Tuvalusё, z. Apisai Lelemia, ku Presidenti dhe Ministri morёn zotimin se çёshtja e njohjes nga kёto dy shtete do tё shtrohet shumё shpejt.
Nё margjinat e zhvillimit tё punimeve tё sesionit vjetor tё Asamblesё sё Pёrgjithshme tё Kombeve tё Bashkuara, Ministri Hyseni u ka bёrё thirrje pёr njohjen e Kosovёs dhe ka marrё zotimet nga njё numёr ministrash tё jashtёm dhe pёrfaqёsuesish tё tjerё se vendet e tyre do tё shqyrtojnё njohjen e pavarёsisё sё Kosovёs. Ministri e ka ngritur çёshtjen e njohjes sё Kosovёs nё takimet qё ai ka zhvilluar me Kryeministren e Bangladeshit, Hasina Wazed dhe Ministren e Punёve tё Jashtme tё kёtij vendi, dr. Dipu Moni, me Ministrin e Punёve tё Jashtme tё Pakistanit, z. Makhdoom Shah Mahmood Qureshi, Zv/Kryeministrin dhe Ministrin e Punёve tё Jashtme tё Kuvajtit, Dr. Mohammad Sabah Al-Salem Al-Sabah, Ministrin e Punёve tё Jashtme tё Libanit, z. Fawzi Salloukh, Ministrin e Punёve tё Jashtme tё Jemenit, z. Abu Baker al-Qirbi, Ministrin e Punёve tё Jashtme tё Kazakistanit, z. Marat Tazhin, Ministrin e Punёve tё Jashtme tё Taxhikistanit, z. Khamrokhon Zaripov, Ministrin e Punёve tё Jashtme tё Sirisё, z. Walid al Muallem, Ministrin e Punёve tё Jashtme tё Sudanit, z. Deng Alor Kuol, dhe Ministrin e Punёve tё Jashtme tё Bosnjё dhe Hercegovinёs, z. Sven Alkalaj.
Nga takimet tjera qё ka zhvilluar Ministri Hyseni tё premten nё Nju Jork, ёshtё edhe takimi me Ambasadoren e Shteteve tё Bashkuara tё Amerikёs nё Kombet e Bashkuara, znj. Susan Rice dhe me Sekretarin e Pёrgjithshёm tё Organizatёs sё Konferencёs Islamike, dr. Ekhmeleddin Ihsanoglu.
Ministri Hyseni, gjithashtu, ёshtё takuar edhe me Ministrin Punёve tё Jashtme tё Afganistanit, dr. Rangin Dadfar Spanta dhe Ministrin e Punёve tё Jashtme tё Malajzisё, Y.B. Datuk Anifah bin Haji Aman, me tё cilёt ka biseduar pёr marrёdhёniet dypalёshe nё mes Republikёs sё Kosovёs dhe kёtyre vendeve.