Rama sërish në krye të Partisë Socialiste

Rama sërish në krye të Partisë Socialiste

Të dhënat paraprake të Partisë Socialiste tregojnë se Edi Rama është rizgjedhur në krye të kësaj partie, me afro 93% të votave të të fituara nga anëtarët e PS-së.



Edi Rama


Në Shqipëri Partia Socialiste bëri të ditur se sipas rezultateve paraprake të votimeve të zhvilluara pardje për kryetarin e ri të partisë, Edi Rama kryeson ndjeshëm me 93 përqind kundrejt 6.7 përqind të kandidatit tjetër në garë Maqo Lakrori.Rivali tij, Maqo Lakrori, ka marrë 6.7% të votave. Zgjedhjet u bënë sipas sistemit “një anëtar, një votë”, në shkallë vendi. Pjesëmarrja në këto zgjedhje partiake ishte 65%.Rezultatet e zgjedhjeve i publikoi Komisioni i Zgjedhjeve i Partisë Socialiste.
Në këtë mënyrë ashtu sic edhe pritej Rama praktikisht rikonfirmohet në postin e kryetarit të Partisë Socialiste edhe për katër vite të tjera. Rezultatet e shpërndara sot pasdite i referohen afër 80 përqind të votave të numëruara. Rama ka marrë mbi 51 mijë vota ndërsa kandidati Maqo Lakrori 3.700. Në votime kanë marrë pjesë gati 65 përqind e anëtarësisë së Partisë Socialiste. Një përqindje përgjithësisht e kënaqshme po të kihet parasysh fakti se bëhej fjalë për një garë me një rezultat të pritshëm.