Në Maqedoni ligji pengon përdorimin adekuat të gjuhës shqipe

Në Maqedoni ligji pengon përdorimin adekuat të gjuhës shqipe

Për shkak të mangësive që ka Ligji për Përdorimin e Gjuhës Shqipe në Maqedoni, shqiptarët nëpër shumë institucione shtetërore obligon të komunikojnë njëri me tjetrin në gjuhën maqedonase. ...

Përdorim të duhur zyrtar gjuha shqipe zë vetëm nëpër komunat ku shqiptarët përbëjnë shumicën. Ekspertet e kësaj fushe theksojnë domosdoshmërinë e nxjerrjes së një Ligji, me të cilin gjuha shqipe do të ketë vendin e merituar.
Një shembull eklatant cenimit të përdorimit të gjuhës amtare – shqipe, nga qytetarët, mund të haset madje edhe në Tetovë, konkretisht në Gjykatën e Tetovës, qytetit me shumicë më të madhe shqiptare në Maqedoni.Pavarësisht faktit se gjykatësi, prokurori, mbrojtësi dhe pala, që të gjithë mund të jenë shqiptare, gjatë seancave gjyqësore janë te obliguar të komunikojnë në gjuhen maqedonase.Kjo ndodhë për shkak të mangësive që ka Ligji për përdorimin e
gjuhës shqipe në Maqedoni.Pala mund te flas ne gjuhen shqipe, vetëm në rast se gjykata ka përkthyes.Përdorimi i gjuhës shqipe nuk zë vend të duhur edhe nëpër institucione Më të larta shtetërore.Në Qeveri, ministrat shqiptarë në prezantimet zyrtare janë të obliguar të flasin në gjuhën maqedonase. Në Kuvend, mbledhjet, sipas ligjit udhëhiqen në gjuhën maqedonase
edhe nëse ato drejtohen nga kryetar, apo nënkryetar nga radhët e shqiptarëve. Deputetet shqiptarë gjate mbledhjeve te Kuvendit flasin ne gjuhën shqipe. Ne rast se kryetarët e komisioneve parlamentare janë shqiptarë, kanë të drejtë që seancat e komisioneve t’i udhëheqin edhe në gjuhën amtare.Analisti politik, Mersel Bilalli pohon se ne aspektin juridiko-kushtetues gjuha shqipe është zyrtare në Maqedoni, ndërsa praktikisht zyrtare është vetëm ne komunat me shumice shqiptare.Në të gjitha komunat ku popullsia shqiptare është mbi 20 për qind,administrata udhëhiqet në gjuhën shqipe, krahas asaj maqedonase. Në këtë mënyrë zhvillohet komunikimi edhe në njësitë rajonale të ministrive. Por, në komunat ku popullsia shqiptare është nën 20 përqind, nuk lejohet përdorimi zyrtar i gjuhës shqipe. Ligji mohon që komandat, në kuadër të policisë dhe mbrojtjes, të jepen edhe në gjuhën shqipe.Mangësi të përdorimit të gjuhës shqipe vihen re edhe në mbishkrimet para institucioneve shtetërore. Të gjitha ministritë i kane mbishkrimet e shkruara vetëm në gjuhën maqedonase, ndërsa gjuha shqipe është e pranishme vetëm para institucioneve të pushtetit lokal, ku shqiptaret janë shumice. Vërejtje rreth nivelit të përdorimit të gjuhës shqipe ne Maqedoni ka shprehur edhe Komisioni Evropian. Ndërsa, shqiptaret në këtë vend theksojnë nevojën e zyrtarizimit të gjuhës shqipe ne nivel shtetëror, njëjtë siç e kanë të rregulluar këtë çështje edhe shume shtete të
botës.