AAK-ja vlerëson se qeveria po e dikton Kuvendin

AAK-ja vlerëson se qeveria po e dikton Kuvendin




Ardian Gjini


Prishtinë, 2 tetor
Ardian Gjini, shef i Grupit Parlamentarë të Aleancës për Ardhmërinë e Kosovës, vazhdoi të kritikojë qeverinë e vendit, derisa të premten akuzoi sikur po dikton agjendën e Kuvendit të Kosovës, duke pasur parasysh heqjen nga rendi i ditës të disa çështjeve në Kuvend dhe ndërprerjes së seancës së parafundit, për shkak të mungesës së kuorumi. Ai kritikoi qeverinë për injorim të Kuvendit, pasi gjithnjë e më shumë mungojnë ministra dhe zyrtarë të tjerë qeveritarë në seancat e Parlamentit gjatë kësaj jave. Prandaj, sipas tij, kjo ka ndikuar që të shtyhen seancat parlamentare dhe të pamundësohet shqyrtimi i shumë çështjeve të rëndësishme, siç është debati për korrupsionin apo tërheqja e disa ligjeve. “Në këtë mënyrë ne shohim si një zënie peng të sistemit të shtetit në Kosovë. Demokracitë parlamentare nuk funksionojnë nëse qeveria e mbisundon kuvendin e Kosovës, siç është përmendur edhe nga zyrtarë të lartë ndërkombëtarë. Ne mendojmë se duhet të ketë edhe reagim të shoqërisë kosovare, përpos partive në opozitë. Duhet të ketë reagim të mungesës se kuorumit në momente kyçe”, theksoi Gjini.
Ardian Gjini tha se koalicioni qeverisës i ka shndërruar deputetët në makina votimi.
“Çështja më e rëndësishme për një ministër dhe vendet me demokracitë parlamentare është që të çelet në kuvend kur organi më i lartë që merr vendime. Me këtë konstalacion forcash, me këtë mangësi të qeverisjes nuk besoj që do të ketë ndryshim të kësaj çështje, mund të ketë deklarata të zyrtarëve qeveritar por studioni se çka do të merrni” theksoi Gjini.
F. Zeka