Fushata parazgjedhore:Mimoza Kusari hapi zyrtarisht fushtatën zgjedhore

Mimoza Kusari hapi zyrtarisht fushtatën zgjedhore

Fillimin e fushatës, znj, Kusari – Lila ja kushtoj nderimit për dëshmorët dhe martirët e luftës, që ranë për lirinë e vendit. Pas homazheve dhe vendosjes së luleve në varrezat e dëshmorëve në Gjakovë, znj. Kusari –... Lila së bashku me delegacionin e Aleancës Kosova e Re dhe stafin e kabinetit vazhdoj për homazhe në varrezat e dëshmorëve në Koshare, ku vendosi buqeta me lule dhe nderoi të rënët e betejës së Koshares.

“Unë zgjodha që hapjen e fushatës ta bëjë me nderimin e të rënëve për liri për dy arsye, e para për të treguar që asnjëherë nuk bën të harrohen ata që derdhen gjakun për liri, dhe e dyta për tu betuar para tyre që ashtu siç e dëshiruan ata lirinë e vendit, ne do të vazhdojmë zhvillimin dhe mirëqenien e banorëve” – theksoi znj. Kusari – Lila.
Më pas delegacioni vazhdoj me homazhe edhe tek varrezat e martirëve të luftës në fshatrat Korenicë dhe Meje, për të përfunduar vizitën në varrezat e martirëve në Çabrat ku u takua edhe me familjar të viktimave që kishin ardhur për tu takuar me znj. Mimoza Kusari – Lila.

Koalicioni AKR-LDD filloi fushatën zgjedhore

Daci: LDD dhe AKR udhëhiqen nga akademia e shkencave dhe biznesit Pacolli:AKR LDD do të punoi për interesa të qytetarëve





Me një atmosferë festive Aleanca Kosova e Re dhe Lidhja Demokratike e Dardanisë filluan fushatën zgjedhore në sheshin Nëna Terezë në Prishinë. Liderët e këtyre dy partive Nexhat Daci dhe Begjet Pacolli, kërkuan nga elektorati që të votojnë për këtë koalicion i cili do të punojë për të përmisuar jetën e qytetarëve në komuna.
"Dil në zgjedhje të 15 nëntorit dhe voto LDD dhe AKR.
Për çka duhet ta bësh këtë, sepse LDD dhe AKR udhëhiqen nga dy akedemi, njëra e shkencës dhe e dijes dhe tjetra e biznesit. Janë parti të fjalës parti e vizionit dhe besimit, parti e vlrave tradicionale dhe atyre moderne. LDD dhe AKR kanë lidership të dëshmuar profesional dhe politik dhe është alternativë që mund ta transformoj për të mirë çdo komunë, tha akademik Nexhat Daci.
Kryetari i Aleancës Kosova e Re, Begjet Pacolli, tha se bashkimi i energjive të këtyre dy partive do të punoj për një të ardhme të ndritshme për të gjithë qytetarët.
"Ju garantoj që gjithë stafi i këtyre dy partive do të punoj vetëm për interesin e qytetarit të Kosovës, ne kemi punuar me punë jemi pasuruar nuk kemi nevoj të kryejm mandatin tonë si hajna dhe të korruptuar, ne kemi punuar me sinqeritet prandaj qytetar me 15 nëntor votoni, por kësaj radhe mos u mashtroni votoni për ata që e meritojnë", tha kryetari i AKR-së, Begjet Pacolli.
AKR dhe LDD para elektoratit të tyre prezantuan edhe kandidatët që do të garojnë nëpër komuna të Kosovës. Në komunën e Prishtinës kandidati i AKR-së, Vegim Gashi i cili do të mbështetet edhe nga elektorati i LDD-së, premtoi qeverisje lokale në interes të qytetarëve të Prishtinës.

Mustafa: Kemi dhënë bazat e Prishtinës moderne




Bota sot
Duke folur për periudhën e kaluar dyvjeçare, Mustafa vlerësoi se bashkë me ekipin e tij i ka dhënë bazat e Prishtinës moderne dhe metropolitane.

Kryetari i Prishtinës dhe kandidati për kryetar të kryeqytetit, Dr. Isa Mustafa, në hapje të ceremonisë zyrtare të fushatës elektorale tha mbrëmë se, pas shpalljes së pavarësisë dhe aprovimit të Kushtetutës, po e hap për herë të parë fushatën në një gjendje kur Prishtina është shpallur kryeqytet i Republikës së Kosovës, kur duhet menduar ndryshe dhe kur duhet vazhduar me aktivitetet e projektet në mënyrë që Prishtina të ngritet në një kryeqendër metropolitane.
Fjala e kryetarit të Prishtinës, Isa Mustafa
Të nderuar bashkëpunëtor të mi me të cilët kam punuar dhe kam bërë përgatitjet që ti qasemi kësaj fushate parazgjedhore. Unë kam nderin që sonte të shpalli hapjen e fushatës për Prishtinën veçmas e konsiderojë si nder të veçante, sepse këtë fushatë po e fillojmë për të parën herë pas shpalljes së pavarësisë dhe aprovimit të Kushtetutës së Republikës së Kosovës, po e hapim në një gjendje kur Prishtina është shpallur kryeqytet i Republikës së Kosovës me Kushtetutën e Republikës së Kosovës, kur ne duhet të mendojmë ndryshe dhe kur ne duhet të vazhdojmë aktivitete tonë, duhet të vazhdojmë projektet tona, në mënyrë që Prishtinën ta ngrisim në një krye qendër metropolitane, Prishtinën ta ngrisim në qytet ashtu siç ne e dëshirojmë, në një qytet qysh e dëshirojnë të gjithë qytetarët e Kosovës dhe të Prishtinës. Gjatë dy viteve të kaluara bashkë me ekipin tim kam dhënë bazat e Prishtinës moderne dhe metropolitane. Kanë mbetur edhe shumë punë për tu bërë në mënyrë që të arrijmë vizionin tonë për një Prishtinë Evropiane. Unë në këtë fushat ju siguroj se kemi bërë të gjitha përgatitjet e nevojshëm , e kam ekipin, i cili është profesional, i cili ka përgatitur programin tim së bashku me mua dhe i cili së bashku me mua do të jetë në përcjellje edhe në organizim të tërë fushatës dhe besojmë thellë dhe këtë po e shihni edhe sonte se ne jemi organizuar, ne do të fitojmë zgjedhjet dhe ne do ta udhëheqim Prishtinën. Ne kemi plane konkrete, të cilat ofrojnë zgjidhjen më të mira për zhvillimin ekonomik të Prishtinës, ofrojmë zgjidhjet më të mira për punësim, ofrojmë perspektiven më të madhe për të rinjtë, ofrojmë zgjidhet më të mira për zhvillimin urban të Prishtinës, ofrojmë zgjidhje më të mira për ngritjen e cilësisë në arsim dhe për përgatitjen e njerëzve tanë që ata të jenë konkurrent në botë dhe konkurrent Evropë, është kjo detyrë e jona dhe është mision i jonë që ta bëjmë dhe ne jemi të përgatitur që ta kryejmë këtë mision .

AAK-ja premton vizion të ri qeverisës

Kandidati i AAK-së, Besnik Tahiri hapi sot fushatën parazgjedhore




Aleanca për Ardhmërinë e Kosovës ka mbajtur të enjten manifestimin qendror të fushatës, me ç’rast ka shpalosur programin e saj për zgjedhjet lokale të vitit 2009.
Kryetari i AAK-së, Ramush Haradinaj ka ftuar qytetarët e Kosovës që të votojnë për partinë e tij, nëse duan ta shohin një shtet stabil. “Nuk mund të jetë shteti i Kosovës stabil me gjithë këto ngecje në krijimin e shtetit demokratik. Nuk mund të jetë shteti i Kosovës me perspektivë me gjithë këta qytetarë të papunë, të mërzitur dhe të zhgënjyer”, ka thënë Haradinaj.
Kryetarja e Forumit të Grave të AAK-së, Donika Kada-Bujupi ndërkaq, ka thënë se kjo klasë politike që tashmë po qeverisë me Kosovën duhet patjetër të ndryshojë.
“Duke pasur parasysh dështimin e kësaj klase politike, e cila në fatkeqësinë e të tjerëve erdhi në pushtet, duke dëgjuar nga ju, nga qytetarët e Kosovës për hallet dhe problemet e tyre, unë sikurse edhe ju jam e shqetësuar për të ardhmen e fëmijëve të mi dhe fëmijëve e të gjithë qytetarëve të Kosovës”, ka thënë ajo.
Votën e qytetarëve në fjalimet e tyre e kanë kërkuar edhe nënkryetari i parë i AAK-së, Blerim Shala, dhe këshilltari i Haradinajt Steve Schook.
Kandidati i AAK-së, Besnik Tahiri hapi sot fushatën parazgjedhore
Me këtë rast janë prezantuar kandidatët e AAK-së për kryetarë të komunave të Kosovës.
Ardhmërinë e Kosovës, Besnik Tahiri, hapi sot fushatën parazgjedhore duke bërë homazhe tek shtatorja e Heroit dhe Komandantit të Ushtrisë Çlirimtare të Kosovës, Zahir Pajaziti, dhe tek varri i ish Presidentit historik të Kosovës, Dr. Ibrahim Rugova.
Me këtë rast, z. Tahiri tha se, e fillon fushatën parazgjedhore me respektin me të madh për figurat kombëtare të Kosovës, të cilat dhanë çdo gjë nga vetja e tyre që ne sot të jetojmë dhe punojmë të lirë.
"Prej këtu them që shumë prishtinas nuk kemi pasur fatin që të jemi pjesëtar të Ushtrisë Çlirimtare të Kosovës. Por, me rasti e fitores sime, unë do të kujdesem që veteranët, invalidët e luftës së UÇK së dhe familjet e dëshmorëve të kenë një tretman të veçantë dhe një përkujdesje institucionale edhe nga pushteti lokal", tha Tahiri.
Po ashtu z. Tahiri, bërë homazhe edhe tek varri i ish Presidentit të Kosovës, Dr. Ibrahim Rugova, ku ndër të tjera tha se, përkulemi më respekt pranë varrit të Presidentit historik të Kosovës, Dr. Ibrahim Rugova, i cili është një nga më meritorit për atë që ne sot po e gëzojmë.
Me këtë rast, Kandidati për kryetar të Prishtinës, nga Aleanca për Ardhmërinë e Kosovës, Besnik Tahiri, tha se Prishtina, si Kryeqytet i Kosovës, duhet patjetër ta ketë një park përkujtimor, në të cilin do të përmblidhet historia jonë kombëtare.

Thaçi: Ne kemi kandidat që mund ta ndryshojë Prishtinën

Partia Demokratike e Kosovës ka hapur fushatën e saj zgjedhore për Prishtinën. Kryetari i PDK-së dhe njëherësh kryeministri Thaçi tha se Prishtinës i duhet udhëheqja e PDK-së, për shkak se nën udhëheqjen e PDK-së në nivel qendror Kosova ka ecur përpara ndërkaq, Prishtina ka ngecur prapa.



Kryetari i PDK-së, Hashim Thaqi


Partia Demokratike e Kosovës ka hapur fushatën e saj zgjedhore për Prishtinën, me premtimin se edhe kryeqendrën e Kosovës do ta shndërrojë në një qendër zhvillimi, ashtu siç e ka shndërruar gjithë Kosovën në nivel qendror.
Në konventën kryesore të mbajtur në Sallën e Kuqe të Pallatit të Rinisë, në të cilën u bë prezantimi i kandidatit për kryetar të Prishtinës, Astrit Salihu dhe kandidatëve për asamblenë e re komunale, krerët e PDK së kanë shprehur bindjen për fitore të thellë, duke theksuar se Prishtinës i duhet ndryshimi.
Kryeministri i Kosovës, njëherësh kryetar i PDK së, Hashim Thaçi përmendi të gjitha të arriturat gjatë kësaj periudhe, duke nisur nga shpallja e pavarësisë, ndërtimi i shkollave, ngritja e pagave të arsimtarëve, ndërtimi i rrugëve anekënd Kosovës, përderisa ka theksuar se për të qenë qeveria më e suksesshme, duhet të ketë partner në qeverisjen lokale.
Duke folur për kandidatin Astrit Salihun, Thaçi ka shprehur bindjen e thellë se ai i njeh më së miri problemet, nevojat dhe kërkesat e njerëzve të Prishtinës.
Ai ka premtuar përkrahjen e plotë të PDK së dhe të tijën personale për kandidatin Salihu, ndërkaq ka kërkuar mbështetjen e plotë edhe të shumicës së qytetarëve të Prishtinës.
Ndërkaq, kandidati i PDK së në garën për kreun e komunës, Astrit Salihu, në fjalën e tij ka përsëritur disa herë se ai është qytetar i Prishtinës dhe se bashkëjeton me problemet e Prishtinës, andaj ai ka kërkuar mbështetjen e qytetarëve për ndryshime.

Thaqi: Fitues i zgjedhjeve shteti dhe qytetarët




Hashim Thaçi


Me rastin e fillimit zyrtar të fushatës zgjedhore, kryeministri i Kosovës Hashim Thaçi ka uruar të gjitha subjektet politike pjesëmarrëse në këtë proces, ndërkohë që ka shprehur bindjen e thellë, se do të ketë fushatë fer, fushatë të konkurrencës së vlerave.
Ai ka theksuar se fillimi i fushatës elektorale, zgjedhjeve të para në Kosovën e pavarur ka filluar mbarë.
"Me lejoni që në emër të Qeverisë së Kosovës, t'i uroj gjithë spektrit politik të Kosovës për fillimin e mbarë të fushatës elektorale, t'i uroj gjithë spektrit politik, kandidatëve, gjithë qytetarëve, për këtë mundësi të re për zhvillimin e demokracisë së re. Ne duam të besojmë fuqishëm se do të kemi një fushatë fer, të konkurrencës së vlerave, të një përfaqësimi sa më të madh të spektrit politik, por edhe qytetarëve të Kosovës”, ka thënë ai.
Kryeministri, ka vlerësuar pjesëmarrjen e madhe të subjekteve politike në përgjithësi dhe atyre serbe në veçanti, duke thënë se është certifikim rekord i pjesëmarrjes në zgjedhje.
Thaçi ka shprehur besimin e plotë në zgjedhje të suksesshme, ndërkaq ka theksuar se fitues mbi të gjitha duhet të jetë shteti i Kosovës dhe qytetarët e saj.
Procesi zgjedhor, sipas Thaçit, nuk do të ndikojë aspak në agjendën shtetërore dhe qeveritare, përkundrazi ballafaqimi i vlerave vetëm sa do ta forcojë angazhimin për implementimin e prioriteteve tona.

Lubjanë: LDK-ja pritet të bëjë kthim të fuqishëm

Prishtina vazhdon të llogatitet bastion i LDK-së, parti e Presidentit aktual Fatmir Sejdiu dhe e liderit historik të shqiptarëve të Kosovës Ibrahim Rugova.



LDK

Lubjanë, Për herë të parë pas shpalljes së pavarësisë, institucioneve të Kosovës u është besuar organizimi i zgjedhjeve, prandaj këto zgjedhje kanë specifikën e vet si kurrnjëherë më parë deri më tash, sepse sytë e tërë komunitetit ndërkombëtar janë drejtuar nga Kosova. Kështu thuhet në një analizë të Institutit për Studime të Lindjes së Mesme dhe të Ballkanit nga Lubjana. Pasi konstatohet se interesi i qytetarëve të Kosovës për të dalë në zgjedhje është në rënie, në këtë analizë theksohet se arsyet janë të shumta, nga shtyrja e vazhdueshme e statusit të pavarërisë, qëndrimi paternalist i UNMIK-ut ndaj qytetarëve dhe institucioneve të Kosovës, deri te puna e pamjaftueshme e qeverisë aktuale me të cilën nuk janë të kënaqur as shqiptarët as pjestërë minoriteteve. Qeveria e Kosovës nuk ka luftuar në mënyrë adekuate krimin e organizuar dhe korrupsionin, nuk është përmirësuar standardi jetësor, ndërsa shumica e mediave është nën kontrollin e qeverisë dhe partive politike, të drejtat themelore të njeriut janë në nivel të ulët veçanërisht kur bëhet fjalë për pjesëtarët e minoriteteve. "Njohja e ngadalshme e shtetësisë së Kosovës dhe veprimi joadekuat i qeverisë së Kosovës në drejtim të vazhdimit të procesit të njohjes ndërkombëtare ka krijuar një apati politike te trupi zgjedhor", nënvizohet në këtë analizë të institutit nga Lubjana. Në këtë analizë gjithashtu vihet në pah se lufta kryesore do të zhvillohet për kryeqytetin, Prishtinë, ku jetojnë një e katërta e qytetarëve të Kosovës. Prishtina llogatitet bastion i LDK-së, parti e Presidentit aktual Fatmir Sejdiu dhe e liderit historik të shqiptarëve të Kosovës Ibrahim Rugova. Ndërkaq për PDK-në thuhet se ka pasur mjaft probleme rreth nominimit të kandidatit për prefekt të Prishtinës, i cili do të përballej me prefektin e suksesshëm të nga radhët e LDK-së Isa Mustafa. Gjithashtu në këtë analizë përkujtohet se PDK është e interesuar për kreun e Prishtinës pas dy disfatave të njëpasnjëshme në zgjedhjet e kaluara lokale. Mundësitë e kandidatit aktual të PDK-së Astrit Saliu që të përballet me Isa Mustafën e LDK-së janë shumë të limituara, thuhet në këtë analizë dhe theksohet ai është i papërvojë dhe pa rezultate të veçanta në punën e tij të gjertanishme. Për kandidatët e tjerë thuhet se janë të panjohur për publikun e Prishtinës dhe të papërvjë për të udhëhequr me kryeqytetin. Instituti për Studime të Lindjes së Mesme dhe të Ballkanit nga Lubjana pret që LDK të bëjë një kthim të fuqishëm në komunat, qytetarët e të cilave tradiconalisht kanë mbështetur LDK-në, por që ajo i kishte humbur në zgjedhjet e 2007. Në Prizren, Mitrovicë, Pejë, Gjilan, pritet që në krye të këtyre qyteteve të vijnë kandidatët e LDK-së. Ndërkaq ndryshime më të vogla priten në zonat të cilat tradicionalisht mbështesin PDK-në në Drenisë, kurse AAK në Dukagjin. Por konstatohet se dalja e votuesve të zgjedhje do të ketë ndikim të madh në rezultatet përfundimtare të zgjedhjeve por edhe në konsolodimin e demokracisë në Kosovë. Në pjesën e fundit të kësaj analize theksohet pakënaqësia dhe frustrimi i qartë i qytetarëve me udhëheqjen e shtetit nga ana e PDK-së. "Në nivelin lokal PDK përballet me skandalet për korrupsion ku dy prefektë të saj (Skënderaj dhe Kaçanik) ishin arrestuar për për shkak të aktiviteteve korruptive. Si pasojë e kësaj BE vendosi që të 'ngrijë' mjetet e BE për Skënderaj, ndërsa nuk merren masa serioze për eleminimin e korrupsionit", theksohet në këtë analizë. Gjithashtu thuhet se "PDK çdo ditë humb mbështetjen në nivel shteterëor. "Me gjasë për shkak të elementeve korruptive disa konzorciume të huaja për ndërtimin e termocetralit më të madh 'Kosova e re' kanë tërhequr ofertën. Pritej që ÇEZ-i çek tëë marrë projektin, por në të njëjtën kohë përfaqësuesi i ÇEZ-it në Kosovë është Bajram Rexhepi, prefektt aktual i Mitrovicës njeherësh edhe nënkryetar i PDK-së". Sipas analizës, edhe zyrtarët e tjerë të PDK-së janë akuzuar për pastrim parash.

Behgjet Pacolli gjatë shpërndarjes së librezave partiake (Foto: Fisnik Dobreci)

AKR: Kemi elektorat të ndershëm


Nga Express

Një ditë para fillimit zyrtar të fushatës zgjedhore, Kryetari i AKR’së, Behgjet Pacolli, ka shpërndarë libreza për simpatizantë të partisë së tij. Ai premtoi se do bëjë fushatë korrekte

Kryetari i Aleancës Kosova e Re, Behgjet Pacolli është zotuar se do të nisë një fushatë korrekte, kurse aktivitetet elektorale do t’i zhvillojnë bashkërisht me partnerin e koalicionit, LDD.

Pacolli, i cili doli të martën para zyrave të partisë për të shpërndarë libreza për simpatizantë të AKR’së, tha se partia e tij po zgjerohet dita-ditës.

“Mbi 3 mijë qytetarë të Prishtinës kanë aderuar në AKR dhe jemi në rrugë të mirë në këtë drejtim. Definitivisht qytetarët e Prishtinës kanë kuptuar shpirtin, rrugën dhe programin se ku dërgon AKR’ja”, ka thënë Pacolli.

Ai ka folur edhe për dallimet e elektoratit të AKR’së dhe partive të tjera. “AKR’ja ka një elektorat të ndershëm. Ne nuk kemi elektorat të shpifjeve, të skandaleve, por kemi një elektorat që e ka kuptuar shumë bukur energjinë e AKR’së, ka kuptuar në cilin drejtim dërgon rruga jonë”, ka shtuar ai.

Pacolli ka thënë se qëllimi i AKR’së është që gjatë fushatës elektorale të mos ofendojë dhe përçajë askënd.

LDK paraqet vizionin për Kosovën evropiane

Bota sot
LDK, prezanton vizionin evropian të qeverisjes me Prishtinën dhe komunave tjera të Kosovës.



Isa Mustafa

Me një perfomancë moderne vizuele-muzikore, të përgatitur me shije, mbrëmë në Prishtinë në Pallatin e Rinisë dhe Sporteve Lidhja Demokratike e Kosovëse (LDK) promovoi kandidatët e saj për kryetarë komunash. Ishin të pranishëm zyrtarë të lartë partiakë dhe institucionalë nga radhët e LDK-së, por më shumti pati anëtarë dhe simpatizantë të rinj të partisë që kishin mbushur tribunat hallës së sporteve, e të cilët kishin ardhur edhe nga qytete të tjera. I pari që ka folur para mijëra anëtarëve dhe simpatizantëve ka qenë nënkryetari i LDK-së Lufti Haziri, i cili që në fillim të fjalës së tij ka ngritur në këmbë tërë sallën me fjalinë: "Ne, të gjithë, jemi krenarë për realizimin e shtetit të pavarur e demokratik të Republikës së Kosovë, realizimin e ëndrrës së Presidentit historik të Kosovës, Dr. Ibrahim Rugova"! Në vazhdim ai theksoi se sot LDK paraqet për të gjithë qytetarët "vizionin e ri për një Kosovë prosperuese dhe evropiane", dhe se në kohën kur po jetësohet kjo arritje, "LDK është e plotësisht e bindur se do të vazhdoni ta mbështesni në rrugëtimin që e kemi nisur së bashku", porositi Haziri dhe ftoi elektoratin e LDK-së. për të votuar të 26 kandidatët e saj anembanë Kosovës. "Do të punojmë së bashku në realizimin e vlerave të reja për zhvillimin e qeverisjes locale, duke qenë gjithnjë në shërbim dhe pranë qytetarit të Kosovës. Lidhja Demokratike ju ka dëgjuar juve dhe, në këtë fushatë elektorale, ofron zgjidhje për nevojat tuaja", tha Haziri dhe theksoi përkushtimin për vazhdimin e përpjekjeve në luftë kundër korrupsionit dhe për institucionalizimin e qeverisjes së mirë. Duke kërkuar ndihmën e elektoratit në arritjen e qëllimit, ai tha se LDK është e vetmja parti që është e përkushtuar t'i zgjidhë problemet e tyre. "Prandaj bashkuhuni me ne, me Lidhjen Demokratike të Kosovës. Bashkohuni me qëllimin dhe vizionin tonë. Le të krijojmë së bashku një Kosovë prosperuese dhe evropiane. Votoni Lidhjen Demokratike. Votoni numrin 77", porositi Haziri. Ndërkaq kryetari i Forumit Rinor të LDK-së Xhafer Tahiri bëri të qartë se të rinjtë janë e tashmja e Kosovës. "Sot. Jo nesër. Sot", përsëriti ai. Ai vlerësoi se të rinjtë e vendit tonë janë burim i kapaciteteve njerëzore dhe i ndryshimeve shoqërore pozitive, të zhvillimit ekonomik dhe të inovacionit."Imagjinata, idealet, energjia, vizioni jonë janë esenciale për zhvillimin e vazhdueshëm te shoqërisë në të cilën jetojmë", tha Tahiri. Pasi theksoi se baballarët dhe gjyshërit tanë ia dolën që të realizojnë qëllimin dhe vizionin e tyre për Shtetin e Pavarur-Rerpublikën e Kosovës, Tahiri tha se "eshtë koha jonë të vazhdojmë të arijmë qëllime të reja, vizion të ri për vendin tonë". "Qëllimi ynë-një vizion. Vizioni ynë - një vizion. Një vend i zhvilluar e prosperues për të gjithë ne-burra, gra, të rinj, të moshuar, punëtorë, mësues, studentë, doktorë... për secilin që jeton në Kosovë", nënvizoi i pari i të rinjve të LDK-së. Në vazhdim të fjalës së tij Tahiri tha se LDK ka në plan të krijojë vende të punës, internshipe të paguara, të cilat do t'u ndihmojnë punëtorëve të rinj të fitojnë përvojë të çmuar profesionale. Ndërkaq duke folur për zgjedhjet Tahiri bëri thirrje që të gjithë të rinjtë të dalin në zgjedhje dhe të votojnë për të ardhmen e tyre. Nga kandidatët për kryetar komune më shumti duatrokitje dhe ovacione pat nga të pranishmit Isa Mustafa, kryetar aktual i Prishtnës dhe kandidat për mandatin e ardhshëm. Dhe me të drejtë, Isa Mustafa karshi kandidatëve të tjerë autsajderë, konsiderohet favoriti kryesor për të qeverisur kryeqytetin edhe në të ardhmen. Pasi ka përshëndetur të pranishmit në emër të kandidatëve për kryetarë të komunave të Kosovës nga LDK ja, Mustafa tha se ka punuar për vite me radhë për një qytet që do të ketë perspektivë evropiane dhe se edhe në të ardhmen do të punojë për këtë synim. Ai tha se ka një program të duhur për qytetarët. "Unë kam program që u përgjigjet kërkesave të qytetarëve dhe atë program do ta jetësoj së bashku me ju", porositi Mustafa, duke thënë se me taksat e qytetarëve do të krijojë mirëqenie sa më të mirë për të gjithë. Ai tha se edhe na aspektin ekonomik do të angazhohet për ngritjen e kapaciteteve zhvillimore, për zhvillimin urban, arsimor, shëndetësor etj., tha Mustafa i ndërprerë shpesh me duartrokitje dhe ovacione.

Daci e Pacolli premtojnë kthesa për Mitrovicën

Fushata zgjedhore: LDD dhe ARK



Nga aktiviteti AKR-LDD, Mitrovicë

Liderët e AKR-së dhe LDD-së, Behgjet Pacolli dhe Nexhat Daci, të premten në një takim elektoral në Mitrovicë, premtuan se këtij qyteti do t'ia kthejnë namin që dikur kishte, duke zhvilluar ekonominë dhe përmirësimin e infrastrukturës.
Me këtë rast, Pacolli tha se koalicioni AKR-LDD do të punojë për zhvillimin e Mitrovicës dhe përmirësimin e kushteve jetesës për të gjithë qytetarët.
“Çdo fshat i Mitrovicës do të ketë së paku rrugën e vet, do të ketë një subjekt ekonomik, çdo lagje në Mitrovicë do të ketë të zgjedhur problemin e ujit, rrugës dhe nga një subjekt ekonomik”, tha lideri i AKR-së.
Për më tepër, kreu i AKR-së është zotuar se Mitrovica do të jetë një zonë e lirë ekonomike dhe se nuk do të ketë ndarje në të ardhmen.
Ndërsa, lideri i LDD-së Nexhat Daci tha se Mitrovica është pa shërbime cilësore shëndetësore dhe në gjendje të rëndë janë fakultetet dhe krejt shkollat këtu, por me ardhjen e kandidatit të tyre në pushtet këto probleme do të zgjidhen.
Kandidati për kryetar të Mitrovicës i propozuar nga këto dy parti Nexhmendin Spahiu premtoi në Shalë do të hapë fabrikën për përpunimin e metaleve, ndërsa në fshatrat e Luginës së Ibrit do të mundësohen investimet e rekreacionit dhe hotelerisë, kurse në atë të Luginës së Sitnicës investimet e Bujqësisë. Ai po ashtu premtoi se do ta çojë në vend amanetin e patriotëve tanë.
“Do ta bëjmë rivarrimin eshtrave të Isa Boletinit, të cilat që 10 vjet qëndrojnë pezull. Do t’i sjellë nga Stambolli eshtrat e ish-kryeministrit Rexhep Mitrovica, dhe nga Amerika eshtrat e ish-ministrit dhe kryetarit të Lidhjes së Dytë të Prizrenit, Xhafer Deva”, tha ai.
Spahiu premtoi edhe hapjen e një universiteti në gjuhën angleze ku do të vijnë studentë nga gjithë Ballkani dhe hapjen e dy gjimnazeve në gjuhën angleze ku do shkollohen nxënësit më të mirë nga gjithë Kosova

Gjilan,Thaçi: Fitorja e PDK-së, e padiskutueshme


PDK, prezanton kandidatin në Gjilan
BPA, Foto:Vedat Xhumshiti




Të bindur se fitorja e tyre në zgjedhjet e 15 nëntorit është e padiskutueshme, PDK-ja, dega në Gjilan, e ka hapur fushatën elektorale me një tubim në të cilën ka marrë pjesë edhe kryetari i kësaj force politike, Hashim Thaçi. Lideri i PDK-së, Hashim Thaçi tha se PDK e ka përkrahjen e pakontestueshme të qytetarëve dhe se në zgjedhjet e nëntorit, në shumicën e komunave të Kosovës do të jetë fituese. “Të ecim bashkë në rrugën e re të fitores së fuqishme në zgjedhjet e 15 nëntorit, në fitoren bindëse që rrjedh nga vullneti, zemra juaj dhe familjeve tuaja, e shumicës së qytetarëve të Gjilanit, për PDK-në, për kryetarin aktual por edhe të ardhshëm të Gjilanit Qemajl Mustafën”, është shprehur Thaçi.
Ai tha se Kosova dhe Gjilani po ndryshojnë për të mirë dhe se kandidati për kryetar të ardhshëm Mustafa, bashkërisht me gjithë qytetarët ka bërë shumë por do të bëjë edhe më tepër në mandatin e ardhshëm duke respektuar gjithmonë vullnetin e qytetarëve të Gjilanit.
“Mustafa i bërë të gjitha këto punët e mira duke pasur përkrahjen tuaj, por para se gjithash duke i njohur nevojat dhe kërkesat tuaja. Mustafa ka insistuar në projektet tuaja dhe ka pas përkrahjen e plotë për implementimin e të gjitha projekteve, projekte këto të tejkaluara nga ato të promovuara të vitit 2007”, ka thënë ai.
Thaçi shprehu bindjen e tij se qytetarët e Gjilanit i kanë dhënë mbështetje të fuqishme, Mustafës dhe PDK-së, prandaj Mustafa do të jetë kryetari i Gjilanit edhe në mandatin ardhshëm për të respektuar vullnetin e qytetarëve dhe për t’iu prirë ndryshimeve të jashtëzakonshme edhe në Gjilan.
Edhe kandidati i PDK-së për kryetar komune Qemajl Mustafa tha se do të fitojnë bindshëm. Ai ka premtuar se pas katër vjetësh nuk do të flitet më për mungesë të infrastrukturës rrugore, por do të flitet për punësim më të madh dhe për paga më të larta.

Vota për Muharrem Shabanin përmirëson jetën qytetare





AAK-ja prezanton kandidaturën e Muharrem Shabanit në Vushtrri.

Fushatën për zgjedhjet lokale të 15 nëntorit 2009 në qytetin e Vushtrrisë edhe zyrtarisht të premten e ka nisur edhe Aleanca për Ardhmërinë e Kosovës, dega në Vushtrri, e bindur se me kandidatët e saj për Kuvendin Komunal dhe me kandidatin e saj për kryetar komune, Muharrem Shabani, do të fitojë në këtë komunë.
Të pranishëm para një numri të madh të banorëve të komunës së Vushtrrisë kanë qenë edhe kryetari i AAK-së Ramush Haradinaj me bashkëpunëtorë, i cili u ka thënë qytetarëve të Vushtrrisë se nëse zgjidhet Muharrem Shabani, kryetar i komunës së Vushtrrisë, jeta e tyre në këtë qytet dhe komunë do të përmirësohet në të gjitha aspektet dhe ekonomia, arsimi, shëndetësia, shërbimet ndaj qytetarëve si dhe përkujdesja për të varfrit dhe kategoritë e tjera do të jenë shembull për gjithë Kosovën.
Me fjalë rasti është paraqitur edhe kandidati për kryetar komune nga radhët e AAK-së Muharrem Shabani, i cili nga të pranishmit është cilësuar si kryetar historik. Shabani u ka thënë vushtrriasve se ai me udhëheqjen e tij do të përkujdeset që të gjitha hallet dhe brengat e tyre do t’i zgjidh në mënyrën më të mirë të mundshme.
Shabani gjatë fjalimit të tij i ka përmendur “vuajtjet që banorët e Vushtrrisë po i përjetojnë sot nga qeverisja aktuale”, pasi – siç u shpreh ai - shumë fabrika janë mbyllur dhe me qindra familje kanë mbetur pa kurrfarë përkujdesjeje”.

Dedaj apelon për fushatë të qetë



Sikurse partitë tjera edhe Partia Liberale e Kosovës në konferencën e sotme për media shpalosi programin e kësaj parie gjate kësaj fushate për zgjedhjet e 15 nëntorit.
Kryetari i Partisë Liberale të Kosovës Gjergj Dedaj tha se ne do të bëjmë një fushatë shumë të qetë në mënyrë dinjitoze pa sharje pa fyerje në mes partive dhe liderëve partiakë pa flamuj partiakë dhe u bëj thirrje te gjitha partive që t’i ulin flamujt e partive e të ngrisin flamurin shtetëror të Republikës se Kosovës. “Të gjithë e dimë se Kosova është shteti më i ri në botë. E dimë të gjitheë ku kemi qenë gjatë luftës, çka kemi bërë gjatë luftës ndërsa tash është koha për demokraci. Le t’i lëmë armët e le t’i harrojmë ato se është koha për të ecur përpara drejt Bashkimit Evropian. Koalicioni i tashëm Qeverisës LDK dhe PDK nuk mund te them se nuk kanë bëre asgjë por duhet të realizojnë atë që e kanë premtuar para opinionit publik. I bëj thirrje popullit që të votojë më të mirin që i duhet Kosovës. Ju premtoj se nuk do të ju zhgënjejë, votoni numrin 96” tha në fund të konferencës për media të liderit të PLK-së Gjergj Dedajt.

”Fitorja është e pakontestueshme” thotë kandidatja Mimoza Kusari

Kastriot Shehdadi, BOTA SOT
AKR-LDD thonë se “u sollëm Mimozën në Gjakovë”



Për ish liderin historik të Kosovës, dr.Ibrahim Rugova, njëshi i AKR-së tha se “e kemi mbështetur lëvizjen e tij ashtu sikurse më pas luftën e lavdishme të UÇK-së” ndërsa është rikthyer me mesazhet e tija premtuese për Gjakovën se me ndryshim në qeverisje do të ketë zhvillim dhe prosperim

“Gjakova ka mbetur gjithmonë Gjakovë dhe me Mimozën shpresat bëhen realitet’ kanë qenë fjalët e liderit të AKR-së, Behxhet Pacollit , të cilat fjalë kanë qenë sforcuese me besimin e mëpasëm të shprehur se “me fitoren e Mimozës Gjakovës do ti kthejmë pamjen, do ti kthejmë jetën”.Mimoza Kusari Lila është kandidate e AKR-së e cila sipas marrëveshjes për koalicion me LDD-në do të ketë mbështetjen edhe nga ky subjekt partiak, siç u shpreh fuqishëm edhe lideri i LDD-së, Nexhat Daci në pohimet e tija mbështetëse për kandidaten e AKR-së për kryetare të komunës, “ju sjellim Mimozën tuaj e cila do, di dhe mundet”!Daci me pak fjalë ka sjellur kronologji në vite për Gjakovën, për të cilin qytet tha se “Gjakova është qytet i historisë së lavdishme, vatër e kulturës, dikur e njohur për ekonominë e zhvilluar dhe së fundi e larë me gjak”!
Sipas Behxhet Pacollit, themeluesit dhe liderit të AKR-së, për dy vite ishte rasati për tu ndryshuar diçka në qeverisje porse nuk është bërë asgjë dhe ka akuzuar pushtetarët për korrupsion dhe lërie pasdore të interesave të qytetarëve.”Patën rastin ta ndryshojnë këtë vend për të mirën e fëmijëve tanë që vendin e kanë në botën e civilizuar, por nuk kanë bërë asgjë dhe tani pyesim se a u lodhën për ta, a u lodhën për mirëqenien e qytetarëve, të fëmijëve, për edukim më të mirë?!Them se jo, pasi nuk u morrën me ta por me pasurinë e vehtes së tyre, fëmijëve të tyre dhe bën para brenda natës”!Pacolli ka sjellur edhe akuza me pretekstin se para dy viteve janë dëmtuar në vota pasi nuk ka patur kush t’ua mbrojë porse, siç u shpreh Pacolli, kësaj here votat e qytetarëve do të mbrohen.Pacolli nuk ka lënë pa gjetur fjalë për të akuzuar edhe LDK-në për të cilin subjekt u shpreh se “nuk ka qëndrime sipas koncepteve rugoviane”!Për ish liderin historik të Kosovës, dr.Ibrahim Rugova, njëshi i AKR-së tha se “e kemi mbështetur lëvizjen e tij ashtu sikurse më pas luftën e lavdishme të UÇK-së” ndërsa është rikthyer me mesazhet e tija premtuese për Gjakovën se me ndryshim në qeverisje do të ketë zhvillim dhe prosperim.Mirëpo, Behxhet Pacolli nuk ka lënë pa kritikuar punën në nivel qendror të partive potente në parlament dhe qeveri dhe se si kryetar i AKR-së ka thënë se “si subjekt kanë reaguar atëherë kur është abuzuar dhe është tentuar të abuzohet”.Në këtë kontest,Pacolli ka përmendur tendencën që ishte për heqjen e ditës së flamurit por ka veçuar edhe tjera raste.Vet kandidatja Mimoza Kusari u ka bërë thirrje gjakovarëve që të rikthehen në vendin e tyre për të kontribuar sepse, siç u shpreh “ unviersiteti nuk u hap por Gjakova ka kuadrot e vbeta universitare dhe profesionale ndërsa fabrikat janë mbyllur por me vete gjakovarët kanë përvojën profesionale”!Mimoza Kusari ka premtuar fitore të pakontestueshme dhe për këtë fitore të deklaruar ka thënë se “Gjakova do të ketë mirëqenie, zhvillim dhe prosperim e jo mjerim siç është tani me gjendje të tillë”!Për mbështetjen e dhënë nga AKR-ja dhe LDD-ja, kandidatja, e vetmja femër si kandidate në komunën e Gjakovës është shprehur se “AKR-LDD janë mesazh uniteti, mbi politikën ditore” dhe fare në fund ka dëshiruar të demantonte, siç i cilësoi ajo gojëkqinjtë, se do të jetë vetëm kryetare e qytetit dhe jo edhe e fshatrave.Ajo ka premtuar se “nuk do të jetë kryetare vetëm e qyteti por e të gjitha fshatrave dhe rajoneve, e gjithë fëmijëve dhe grave të Korenicës dhe të Mejes”.

Fatmir Rexhepi: Do ta ndërtojmë qytetin e demikracisë...






Në një atëmosferë tejet të ngrohtë festive, sot (e shtunë), në lokalin “Luli”, në Gjilan, ku ishin ardhur me mijëra e më tepër simpazitantë të LDK-së për të dëgjuar shpalosjen e Platformës - Programore si dhe Strategjinë dh e përspektivën e ndëtimit dhe zhvilimit të qytetit të demokracisë - Gjilanit. Fillimisht, Fatmir Rexhepi, kandidat për kryetar të komunës së Gjilanit tha se, sot jemi tubuar për të ofruar vizonin e programit afat mesëm të zhvillimit, bazuar në debate të hapura me kuadro profesionale dhe dhe forumet intelektuale si dhe grupet e interesit të shoqërisë gjilanase lidhur me potencialet, mundësitë dhe sfidat që na presin në azbatimin e reformave zhvillimore të komunës. Si shtoi ai, “Programi im i Lidhjes Demokratike të Kosovës bazohet në promovimin e punësimit dhe partneritetin me komunitetin e biznesit, ngritjen e investime në modernizim dhe urbanizëm, në arsim, shëndetsi, sport, rini, kulturë e zhvillim rural si dhe programeve dhe projekteve me Qeverinë Republikane dhe donatorët, me synim që Gjilani të bëhet qytet modern dhe qendër regjionale politike dhe ekonomike. “Jam para jush për të kërkuar votën tuaj në mbështje të realizimit të këtij programi. Kjo është oferat ime për qeverisjen e ardhshme që garanton përspektivë dhe jetë më të mirë për të gjithë qytetarët e Gjlanit”. Më vonë z. Fatmir Rexhepi shpalosi synimet strategjike në kohën e qeverisjes së tij me vizion që garanton përspektivë dhe zhvillim të qytetit të demokracisë në një qendër rajonale, politike dhe ekonomike. Objektivat kryesore të progamit të tij ishin: zhvillimi ekonomik i komuës, urbanizimi dhe infrastuktura, arsimi dhe edukimi, shëndetësi dhe mirëqendia sociale, rinia dhe sporti, kultura dhe turizmi, zhvillimi rural dhe mjedisi si dhe administrata publike. Për të gjitha këto segmente të jetës, si tha ai, “Kam lobuar si ekspert i kësaj fushe, inxhinier të dijes, infestimet do të jenë diku 110 milion euro. Ndërsa, ju garantoj edhe këtë se, sipas progamit tim, në kohën e qeverisjes sime do të zënë vende punë 3 mij vetë. Ndërsa ju garantoj edhe këtë se asnjë drejtor, pas mandatit të tyre, nuk do të largohen nga puna. Edhe kjo do të jetë një garancë e fortë e programit tim. /Tefik Selimi

Festë e madhe për fitore të re dhe për të ardhmen e Ferizajt

Demush Zefi, BOTA SOT
Dega e LDK-së hapë fushatën zgjedhore me manifestim dinjitoz

Do të ndryshojmë rrjedhshëm zhvillimin sipas vizionit të LDK-së sepse Ferizaj dhe mbarë Kosova kanë nevojë. Dega e LDK-së do të rikthej më angazhim dhe vullnet e punë atë që është humbur dhe nuk është bërë deri më tani, duke u ofruar qytetarëve infrastrukturë të mjaftueshme zhvillimore në administratë publike, infrastrukturë të qëndrueshme komunale, arsim, shëndetësi, kulturë etj, ndërsa i kërkua nga qytetarët tw votojnë kandidatin Faik Grainca dhe numrin 77.
Zgjedhjet e 15 Nëntorit, në manifestimin dinjitoz të Degës së LDK-së që u majtë në pallatin e Sporteve “Bill Klinton” u konsideruan historike sepse po mbahen për herë të parë në pavarësinë e Kosovës. Kjo histori më e re e Kosovës është arkitekturë politike kombëtare e Presidentit Dr Ibrahim Rugovës i cili sot nderohet lartë jo vetëm nga shqiptarët kudo që janë por edhe nga shumë popuj të vendeve demokratike të botës. Masdës elektorale iu drejtua kandidati për kryetarë z. Faik Grainca i cili pas përshëndetës së nënkryetarit të LDK-së Lutfi Hazirit anëtarëve të Kryesisë Lutfi Zharku, Ali Sadriut, Alush Gashit dhe Sanije Alijajt, etj, tha se Ferizaj po i kthehet suksesit që kishte Dega e LDK-së në Ferizaj, LDK-ja në këtë komunë e udhëhequr nga President ti Dr Ibrahim Rugova është shndërruar në një komunë administrative politike më të gjitha aspiratat edhe përkundër se është filluar nga zeroja, ndërsa në vitin 2007 buxheti i kësaj komune është arrit në 11 milion euro. Duke bërë fjalë për zhvillimin gjithëmbarshëm politik ekonomik dhe administrativ Grainca para mijëra adhuruesve të LDK-së pohoi se ndërtuam një administratë e cila edhe sot është funksionale, krijuam vende të reja të punës, zhvilluam infrastrukturën komunale sikurse që i dhamë kahe zhvillimit të arsimit,. Dega e LDK-së në Ferizaj kishte të vetmin qellim synimin që synimi i Dr Ibrahim Rugovës të behët vizion për një të ardhme që do të ndryshonte edhe më shumë. Kandidati Faik Grainca ka premtuar qytetarëve ferizajas, që sot vazhdimisht e duartrokiten për atë që ka bërë në këtë komunë vite me radhë, se synimi i tij për katër vjetët e ardhshme është së pari LDK-në përsëri ta rikthej në një bastion shumë të fortë dhe të qëndrueshëm, e pastaj të rikthej namin e zhvillimit ekonomik si në infrastrukturë komunale, arsim, kulturë dhe veprimtari tjera shoqërore. Duke shpalosur programin shkurt ai ka thënë se do të ndërtojmë kanalizime që do të mjaftojnë për një periudhë të gjatë të së ardhmes, nuk do të mbetët as një qendër e banuar pa ujësjellës, pa shëndetësi primare, pa shkolla, pa mbikëqyrje sociale e në rend të parë kjo komunë do të behët zonë ku do të dominoj ekonomia më të gjitha degët e saj sepse ka një staf të zgjedhur nga veprimtaritë më të nevojshme të kësaj komune. Grainca në këtë manifestim ka prekur edhe dobësitë e subjekteve që udhëheqin pushtetin komunal duke informuar se komuna brenda dy viteve është në gjendje të mjerë sepse mungojnë iniciativat për një zhvillim urgjent, punësim të qytetarëve dhe ndërtim të objekteve të ndryshme shkollore. Janë marramendëse korrupsioni dhe dukuritë negative duke mos ndalë këtë hovë, edhe përkundër se është interes i të gjithë qytetarëve. Ai përmendi në radhë të parë shpalljen e tenderëve në mënyrë monstruoze, që firmat ferizajasve nuk kanë mundësi që dy vite të kooptohen , ndërsa dominojnë firmat që kryesisht janë nga komunat e ministrave që udhëheqin politike lokale.
Në këtë Takim nënkryetari Lutfi Haziri tha se LDK-ja është subjekt i vizionit të vlerave. Kjo na bind se në këto zgjedhje lokale do të fitojmë bindshëm dhe do të rikthehemi ne ato komuna që për dy vjet na munguan. Kandidati Faik Grainca është i propozuari i juaj dhe ky ka premtuar se LDK-ja do të jetë në vijën e parë të front politik ku për mandatin e ardhshëm për katër vite do të qeverisë më Komunën e Ferizajt. Prandaj edhe keni arsye që më 15 nëntor të votoni për LDK-në dhe numrin 77.
Lutfi Zharku inkurajoj edhe më shumë anëtarësinë dhe aderuesit e LDK-së duke thënë se Ferizaj po ecë me hapa të sigurt drejt një fitoreje të re e cila siguron për qytetarë një të ardhme të mirë dhe të sigurt. Në manifestim është kënduar vazhdimisht kënga që kishte fjalët nga premtimet e Dr Ibrahim Rugovës.
Kandidati për kryetarë të Ferizajt paraqitë edhe 45 kandidatët për këshilltarë komunal ku kishte emra të ndryshëm që premtojnë fitore të sigurt, ndërsa bartës i listës ishte Ismail Nazifi një nga themeluesit e parë të Degës së LDK-së në Ferizaj.

Deçanit ti kthehet nami turistik

LDK-ja hap fushatën zgjedhore në Deçan, nënkryetari Berisha shprehet për rivalitete e jo armiqësi

LDK-ja në Deçan e ka hapur fushatën zgjedhore në vendlindjen e Mehmet Bojkajt, kandidatit për kryetar komune nga ky subjekt partiak, në të cilin mandat ka qenë në vitet 2000/2002.Para anëtarëve dhe simpatizantëve nga kryesia ka folur nënkryetari Kolë Berisha që në retrospektivë të afërt ka kujtuar sakrificën mundin dhe arritjet e LDK-së.”Pjesën e parë të punës për Kosovën LDK-ja e ka kryer me shpalljen e pavarësisë së shtetit të Kosovës ndërsa tani po fillojmë fazën e dytë të forcimit të institucioneve dhe të demokracisë në vend” është shprehur Kolë Berisha derisa për fushatën zgjedhore tashmë zyrtarisht të nisur nga subjektet politike konkurruese ka thënë se “LDK-ja përherë por edhe tani në fushatat elektorale ka kërkuar rival politik dhe asnjëherë armiq”.Nënkryetari i LDK-së, Kolë Berisha është shprehur edhe për aspiratat që pretendon LDK-ja në këtë komunë ku shpërfaqeshbin pretendimet për të përfituar kryetarin e komunës dhe shumicën në asamblenë komunale.Këtë pretendim e ka theksuar edhe Besim Sejfijaj, kryetar i degës, për të cilin kjo ambicie konsiston në emrin e kandidatit për kryetar dhe të listës së kandidatëve për asamble. ”Me kandidatin Mehmet Bojkaj dhe listën e kandidatëve për Asamble Komunale jemi të bindur se do të fitojmë zgjedhjet, si për postin e kryetarit të komunës ashtu edhe për të patur shumicën në Asamblenë Komunale” është shprehur zëshëm Besim Sejfijaj tek i cili besimi i shprehur i sforcohet pasi, sipas Sejfijajt, qeverisja e AAK-së asgjë nuk ka bërë jo vetëm për këto dy vitet e fundit por për shtatë vite të plota që qeverisë në Deçanin e mundësive të jashtëzakonshme turistike.“Pas premtimeve të kota dhe abuzimeve me pushtet që shtatë vite tani është koha të votohen alternativat e vlerës, siç janë kandidati ynë Mehmet Bojkaj i cili pos aftësive të theksuara menaxheriale është edhe person që nuk abuzon me pozitë si dhe flet lista e kandidatëve që janë listë me kuadro të dëshmuara dhe me përplot emra të rinjë që për herë të parë gjenden në listë” është shprehur, Sejfijaj. Nga pretendenti për kryetar komune janë thënë objektivat programore që për katër vitet e ardhshme në pushtet do të synonte ti arrinte nëse do ti vie në krye të komunës në mënyrë që Deçanit ti ndryshojë pamje. “ Synimet tona janë që ta ndryshojmë Deçanin, me ngritjen e shkallës në infrastrukturë rrugore, me rrjet të kanalizimit fekale, të ujit të pijes e për ujitje , objekte të reja shkollore, çerdhe të fëmijëve dhe që kësaj komune do ti kthehet nami turistik dhe zhvillimi i hovshëm rural”, ka premtuar Mehmet Bojkaj i cili ka përmendur veçmas edhe projekte tjera të rëndësishme për Deçanin dhe fshatrat e saja.
Kastriot Shehdadi

Çeku: Kemi vizion për t’i zgjidhur problemet e Mitrovicës

Fushata zgjedhore: PSD në Mitrovicë


Kryetari i Partisë Socialdemokrate, Agim Çeku

Kryetari i Partisë Socialdemokrate, Agim Çeku, tha të shtunën në një takim elektoral në Mitrovicë se mitrovicasit duke e votuar PSD-në do të kenë mundësi një zgjidhje me të mirë për ta bërë Mitrovicën ashtu siç ishte dikur.
Duke folur për vizonin e kësaj partie për ta përmirësuar gjendjen në këtë qytet, Çeku tha se PSD Mitrovicën do ta bëjë komunë funksionale, stabile dhe ekonomikisht të zhvilluar.
“Ne kemi vizion, program dhe durim për ta nxjerrë këtë qytet nga problemet dhe sfidat me të cilat ballafaqohet. Na duhet durimi, sepse ky është një proces jo i lehtë dhe që kërkon angazhim dhe kohë”, tha ai.
Çeku tha se integrimi i Mitrovicës bëhet jo me politika njëditore, por përmes projekteve, të cilat i kanë munguar deri më tani e PSD-ja ka mundësi t’i realizojë një gjë të tillë në partneritet me të gjithë.
Kandidati për kryetar të komunës së Mitrovicës, Milazim Xhafa, premtoi reforma në shërbimet komunale, zhvillimin e bizneseve përmes zhvillimit të infrastrukturës, zhvillimin e turizmit në Shalë, bujqësisë etj. Çeku pas këtij tubimi elektoral ka shëtitur edhe nëpër rrugët e Mitrovicës ku ka biseduar me qytetarë

Gjilan: Demonstratë e 'Vetëvendosjes'






Decentralizimi po e ndanë Kosovës përbrenda, duke copëtuar Anamoravën me komuna të reja, e duke ia rrudhur territorin Gjilanit. Kështu u tha në demonstratën që u mbajt në Gjilan, e cila ishte e organizuar nga Lëvizja “Vetëvendosje” dhe e përkrahur nga qytetarët.
"Decentralizimi mbi baza etnike është projekt i Serbisë", "Bac u kry, e shitën Kosovën", "Apelojmë që të heqin dorë nga ndarja jonë", "Decentralizimi e ngujon Gjilanin". Këto ishin disa nga pankartat që mbanin në duar aktivistë të Lëvizjes "Vetëvendosje" dhe banorë të fshatrave të Anamoravës , në demonstratën që u mbajt në Gjilan, në kundërshtim të decentralizimit.
Udhëheqës të “Vetëvendosjes”, thanë se do të vazhdojnë të kundërshtojnë decentralizimin, pasi që sipas tyre me decentralizim do të ndodh një bosnjëzim i Kosovës.
Edhe banorët e fshatrave Pasjak, Stanishor e Mogillë kanë protestuar ashpër kundër përfshirjes së tyre në komuna të reja serbe, madje kanë paralajmëruar edhe bojkotim të zgjedhjeve lokale.
Edhe udhëheqës institucionalë të Gjilanit bënë thirrje për anulim të tërë procesit të decentralizimit.
Në këtë demonstratë u protestua edhe kundër nënshkrimit të ratifikimit të demarkacionit me Maqedoninë. Banorët e fshatrave kufitare, të cilët në vazhdimësi e kanë kundërshtuar këtë marrëveshje, bëjnë të ditur se me këtë marrëveshje jashtë kufirit të Kosovës kanë mbetur edhe 280 hektarë tokë dhe se ata nuk do të ndalen së protestuari për kundërshtimin e kësaj marrëveshje.
Demonstrata e cila zgjati një orë përfundoi e qetë

Kujdes të veçantë për monumentet kulturore

Fushata zgjedhore: Vegim Gashi(AKR)

Kandidati i AKR-së për kryetar të Prishtinës, Vegim Gashi, ditën e tij të tretë të fushatës ia ka kushtuar monumenteve të kulturës dhe jetës kulturore të kryeqytetit.
Gjatë një vizite të shtunën te Kulla e Sahatit, Gashi tha se ky objekt i ndërtuar në shekullin e 19 nuk po mirëmbahet si duhet nga komuna e Prishtinës, gjë që e dëshmon edhe bërlloku i shumtë që ndodhet atypari.
Gashi me këtë rast tha se Prishtina ka shumë mungesa, ndërsa kërkoi që të investohet më shumë në kulturë, duke iu dhënë të rinjve mundësi për të treguar talentin e tyre.
"Prishtinës sot i mungon një ciceron kulturor, i cili do t'i ndihmonte të huajt të orientoheshin për vlerat kulturore të Prishtinës. Një mungesë tjetër që është kthyer në shqetësim, sipas Gashi është mungesa e sinjalizimeve të objekteve dhe monumenteve të kulturës", tha Gashi.
Gashi premtoi se do t'i kushtojë një kujdes të veçantë kulturës në përgjithësi monumenteve kulturore, krijimit të hapësirave të reja për të rinjtë e talentuar.
Në kuadër të aktiviteteve parazgjedhore, kandidati i AKR-së për kryetar të Prishtinës ka vizituar teatrin "Dodona".

Tahiri: Kryetari nuk duhet të bëjë koalicion me askënd, vetëm me qytetarët

Fushata zgjedhore: Besnik Tahiri (AAK)



Besnik Tahiri

Besnik Tahiri, kandidat për kryetar të Prishtinës, nga Aleanca për Ardhmërinë e Kosovës, u bëri thirrje sot, përmes një konferencë për shtyp, qytetarëve të Prishtinës që të dëgjojnë, analizojnë dhe vlerësojnë programet dhe propozimet e kandidatëve të Prishtinës për Kryetar dhe që pastaj të vendosin se kush meriton votën e tyre më 15 Nëntor. Kandidati Basnik Tahiri, ndër të tjera në këtë konferencë tha se “për dallim nga kandidatët tjerë, që flasin për mospunën e tyre dhe të kaluarën, unë u flas qytetarëve të Prishtinës për të ardhmen, për vizionin dhe programin tim, që u ofron dhe i cili garanton sukses të plotë”. Ai po ashtu theksoi se “nuk duhet të harrojmë që PDK-ja ka qeverisur me shërbimet publike komunale, si rrugët, ashensorët dhe mbeturinat dhe kritikat e Salihut duhet t’i shkojnë partisë që përfaqëson, ndërsa LDK-ja ka qeverisur me drejtoritë, si atë për ekonomi, arsim, shëndetësi dhe se Mustafa duhet t’ia drejtoj vetës kritikat për dështime në këto fusha, ku Prishtina nuk ka pasur zhvillim ekonomik, arsim primar cilësor dhe shërbime primare shëndetësore”. Në vazhdim, ai shtoi se si “kryetar i Prishtinës, nuk ka nevojë të bëjë koalicion me askënd, përveç me qytetarët e Prishtinës dhe se vetëm atyre ai do t’u jap përgjegjësi. Sipas kandidatit për Kryetra të Prishtinës, besnik Tahiri, qytetari i Prishtinës, përmes programit tij qeverisë, do të kthehet në qendër të vendimmarrjes, duke shkuar tek ata lagje për lagje, për t’i dëgjuar hallet dhe shqetësimet e tyre dhe jo të pres në zyre, siç ka ndodhur deri më tani, që ata të vijnë dhe të ankohen tek kryetari. Kandidati Tahiri ka folur edhe për Ligjin për Prishtinën, duke thënë se, edhe pas 15 muajve ai Ligj nuk është miratuar nga Kuvendi i Kosovës, çka tregon mosfunksionalitetin e koalicionit qeverisës PDK-LDK në nivel qendror dhe lokal. “Kryeministri dhe qeveria duhet të sillen si përfaqësues të të gjithë qytetarëve të Kosovës dhe jo vetëm të pjesës që e ka votuar. Ajo nuk guxon të bëjë deklarata kushtzuese për qytetarët e Kosovës, se vetëm nëse votohet PDK-ja do të ketë investime në komuna, sepse kjo është e pamoralshme dhe kundërligjore”, ka theksuar kandidati Tahiri.

AKR anëtarësohet në ELDR



Zyrtarë të Aleancës Kosova e Re (AKR) kanë bërë të ditur se kësaj partie i ka ardhur përgjigje pozitive nga kongresi i ELDR-së të Barcelonës për anëtarësim në Rrjetin Liberal të Evropës, ndërsa thanë se kanë prova se ka pasur përpjekje për të penguar anëtarësimin e AKR-së, porse publikimi i emrave konkretë do të bëhet pas përfundimit të zgjedhjeve lokale.

ADK: Prishtinës i duhen ndryshimet




Kryetarja e ADK-së, Edita Tahiri të shtunën në një konferencën për shtyp deklaroi se zgjedhjet lokale të këtij viti janë të një rëndësie të veçantë sepse ato hapin një kaptinë të re në historinë e demokracisë së shtetin tone të ri.


Kryetarja e ADK-së, Edita Tahiri të shtunën në një konferencën për shtyp deklaroi se zgjedhjet lokale të këtij viti janë të një rëndësie të veçantë sepse ato hapin një kaptinë të re në historinë e demokracisë së shtetin tone të ri.
“I gjithë procesi, fushata zgjedhore dhe procesi zgjedhor do të jenë një prove e madhe, ku do të dëshmojmë para qytetarëve tanë dhe para botës se dimë të ndërtojmë shtet demokratik. Prandaj më lejoni t`ju urojë një fushatë të mbarë të gjithëve me dëshirë që të krijojmë një ambient të garës së mirëfilltë të ideve, programeve dhe njerëzve, duke I dhënë mundësinë qytetarëve që të zgjedhin më të mirët”, theksoi Tahiri.
Ajo tha se Alternativa Demokratike e Kosovës do të garojë për Prishtinën me në program vizionar dhe me një lider vizionar, pra me magjistër Rexhep Osmanin i cili me kapitalin e madh politikë dhe me rezultate e pakontestuara në shtetndërtimin e Kosovës, do të jetë oferta më e mirë në këto zgjedhje.
“E para, synojmë një kryeqytet të qytetarëve që do ti ofroj atyre një jetë cilësore, demokraci e rend dhe perspektiva zhvillimore.E dyta, synojmë një kryeqytet të përmasave ndërkombëtare, të diplomacisë e biznesit, dhe një vendtakim i ngjarjeve të mëdha botërore. E treta, një kryeqendër që do të jetë konkurrente për marrjen e primatit të proceseve në rajon.Ky është një vizion i ri për kryeqytetin tone të ri”, theksoi kryetarja e ADK-së.
Rexhep Osmani shpreson në votat e LDK-së
Kandidati i ADK-së për kryetar të Prishtinës, Rexhep Osmani, mendon se atë do ta votojë edhe LDK-ja.
“Më 15 nëntor, kur i gjithë elektorati do ta votojë kandidatin e Alternativës Demokratike të Kosovës, edhe dega e katërt e LDK-së, do ta mbështes ish-kryetarin e saj”, tha Rexhep Osmani, në një konferencë për media.
Osmani tha për vete se është kandidat më i mirë sesa të tjerët që garojnë për kryetar të Prishtinës. Isa Mustafën e quajti kryetar në shkuarje. Ai e argumentoi këtë prirjet e Mustafës, për t’i ikur debateve televizive, e sidomos kushtëzimet e Mustafës për mospjesëmarrjen e Osmanit në ato debate.
Kryetarja e ADK-së, Edita Tahiri, kritikoi Isa Mustafën, duke thënë se e ka lënë Prishtinën, sikur të ishte në shekullin e kaluar.
“Prishtina ka mbetur në shekullin e kaluar, sepse është drejtuar nga një njeri i sistemeve të kaluara, dhe një kryetar hije, i cili, doli në dritë vetëm tani kur filloi fushata”.
Rexhep Osmani, bëri publik projektin e tij për një Kryeqytet, që ai e cilësoi si model të qeverisjes lokale.
“Unë ju thërras për një Prishtinë evropiane, qytetin e të tashmes dhe e të ardhmes sonë e të fëmijëve tanë”, tha Osmani.

AKR - LDD hapin fushatën në Prizren






Koalicioni AKR-LDD ka hapur fushatën në qytetin e Prizrenit, me ç`rast kanë prezentuar kandidatin për kryetar të kësaj komune Ruzhdi Rexha si dhe ansambleistat e këtij koalicioni.
Kryetari i AKR-së Behgjet Pacolli, fillimisht falënderoi mijëra simpatizantë të këtij qyteti, të cilët e kishin mbushur hallen e sporteve.
Ai poashtu foli për partneritetin e partive në koalicion. "Jemi partner me LDD në krye me akademik Dacin, i cili është krah i djatht i imi dhe do të na përcjell edhe në të ardhmen me vizionin e tij”, ka thënë Pacolli.
Ndërkaq sa i përket kandidatit i këtij koalicioni Ruzhdi Rexha, kryetari i AKR theksoi se “kandidati për kryetar të Prizrenit, do ta dërgojë qytetin drejt rritjes ekonomike, punësimit dhe luftimit të varfërisë që e ka kapluar edhe këtë rajon".
Edhe kryetari i LDD,.Nexhat Daci tha se AKR dhe LDD janë dy parti që në vete ngërthejnë respektin e tradites së lartë, vlerave të sotme, vizionin dhe guximin.
Ai poashtu theksoi se AKR dhe LDD mendojnë së Kosova meriton më mirë, sepse Perëndia ia ka dhënë të mirat jo vetëm natyrore, por edhe pasurinë që vite me radhë ia kishin lakmi të gjithë uzurpatorët.
"AKR dhe LDD, me Pacollin dhe Dacin po dëshmojnë vlera të reja në Ballkan dhe në Kosovë për të arritur një vizion të përbashket në një Kosovë me sovranitet dhe integritet te plotë, në një Kosovë që krenohet me qeverisjen e saj, e që sot i mungon", tha lideri I LDD, Nexhat Daci.
Ndërsa, kandidati i këtij koalicioni, për kryetar të Prizrenit, Ruzhdi Rexha ka ftuar elektoratin për bashkim.
"Ne jemi të bashkuar, ne veprojmë si një, e përbashkëta e këtij koalicioni është se jemi të pastër, i kemi duart e pastërta, do të veprojmë dhe punojmë të pastër si dhe do të punojmë rreth zhdukjes së problemeve në komunen e Prizrenit, për zhdukjen e korrupsionit”, tha Rexha.

Mustafa: Angazhohemi për zgjidhjen e problemeve të qytetarëve




Isa Mustafa, kandidat i LDK-së për kryetar të Prishtinës, ka thënë se nuk e mërzisin anti-reklamat që i bëjnë kundër-kandidatët e tij. Mustafa ka thënë se, e rëndësishme për të është, paraqitja e vizionit të tij para qytetarëve të Prishtinës


Kryetari i Prishtinës dhe kandidati i LDK së për kryetar të Prishtinës, prof. dr. Isa Mustafa sot vizitoi ndërtesat që janë duke u fasaduar në qendër të qytetit. Kryetari Mustafa me këtë rast tha se ky fasadim ka për qëllim që kësaj pjese të qytetit ti nxirret silueta e këtyre objekteve ekzistuese, dhe se kjo është faza e parë e regjenerimit të kësaj pjese të qytetit.
"Unë së bashku me bashkëpunëtorët e mi që janë këtu, e kemi paraparë në program që ti hyjmë regjenerimit të tërësishëm të kësaj pjese të qytetit, ti nxjerrim siluetat e objekteve ekzistuese në mënyrë që ato ti bimë në gjendje normale që pastaj hapësirat përreth këtyre objekteve, ti rregullojmë dhe ti rigjenerojmë tërësisht ato hapësira por të rregullojmë edhe pjesët qasëse trotuaret, rrugët, rrugicat hyrjet dhe pjesët e tjera", tha kryetari Mustafa.
Mustafa po ashtu theksoi se është në përfundim vlerësimi i tenderit për rregullimin e ashensorëve për të cilat Komuna ka ndarë nga buxheti i saj 150 mijë euro.
Nuk merzitëm për kundërkandidatët
Isa Mustafa, kandidat i LDK-së për kryetar të Prishtinës, ka thënë se nuk e mërzisin anti-reklamat që i bëjnë kundër-kandidatët e tij. Mustafa ka thënë se, e rëndësishme për të është, paraqitja e vizionit të tij para qytetarëve të Prishtinës.
“Unë nuk shqetësohem çka bëjnë kundërshtaret e mi, detyrë e imja është që të komunikojë me qytetarët e Prishtinës – t’ua paraqes atyre vizionin tim për kryeqytetin”, ka thënë ai.
Mustafa këto komente i bëri, të martën, gjatë inspektimit të punëve për fasadimin e ndërtesave në kryeqytet.
Po ashtu, duke iu kundërvënë akuzave të Astrit Salihut, Mustafa ka thënë se është në fazën përfundimtare për të arritur një marrëveshje për rregullimin e ashensorëve në kryeqytet. Një projekt që kapë shumën prej 150 mijë euro.