Halit Bogaj: Poezi për Ismail Kadarenë dhe Sali Berishën

nga **Agim Gashi** Sat Oct 17, 2009 3:53 am

Halit Bogaj

ISMAIL KADAREA

Ty të kemi Kadare

Si Fanar në k’ta atdhe

Me aq vepra që krijove

Shpirtin tonë ti na freskove

2

Emri ytë tepër i ndritur

Lart në qiell tani është ngritur

Dhe në botë kudo që shkojmë

Veprat tua i takojmë

3

Në Belgjikë kishin thënë

Shumë përshtypje na ka lënë

Franca Fort të adhuron

Veprat tua riboton

3

Për Kosovën shumë punove

Pa kursim u angazhove

Shkrove letra për shtetarë

Ngrite zërin për shqiptarë

4

Ti atëherë për kosovarë

Informove botën mbarë

I tregove ti asaj

Për zullumin e paparë

5

Ty të kemi n’radhë të parë

Që na bën neve krenarë

Dyert hapur ti i ke

Si në botë si në atdhe

6

Emri yt fort rrezaton

Që nga lind e perëndon

Emri yt ne na bën nder

Siç veprove kurdoherë

SALI BERISHA NË KOSOVË

Erdh Salihu në Prishtinë

Dhe na solli madhështinë

Ai e shembi një regjim

Që prodhonte shumë trishtim

2

Mbarë atdheut nderin i ktheu

Si dikur Skënderbeu

Duke mposhtur egërsinë

Që pllakoste Shqipërinë

3

Shtigje t’famshme përgatiti

Si një yll i zjarrtë shëndrriti

Ai u prit me ngrohtësi

Në çdo vend në Dardani

4

Që të gjithë e adhuronin

Për ta parë njerëzit nxitonin

Na dhurone dashurinë

Na ndihmonte për lirinë

5

Ai gjithmonë ishte me ne

Flakë kur ndizej ky atdhe

Derdhte lot për vendin tonë

Duke bërë aq shumë jehonë

6

Ai na mbronte nëpër botë

Pa u ndalur deri sot

Në çdo vend që viziton

Për Kosovën fort lobon

7

Duke folur drejtpërdrejt

Kërkon njohje sa më shpejt

Edhe ai ishte pjestar

Në ndodhira që kanë ngjarë

8

Por një ditë shumë na gëzoi

Mrekullinë kur e ndërtoi

Ai i mposhti largësitë

I afroi tri shqipëritë

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30