Rezart Palluqi:Europë! Luftë je për atdheun tim në çdo kohë!

nga **Agim Gashi** Wed Oct 21, 2009 2:28 am

Rezart Palluqi

Europë! Luftë je për atdheun tim në çdo kohë!

Fqinjtë tanë s'i bën dot miq me verë të kuqe,
as me oxhak të ngrohtë apo të puthura të sinqerta.
Ata i kënaq vetëm po t'u dhurosh veshkat apo gishtin e unazës....
Ja kështu i ankohem miqve të mij holandezë,
teksa rufis kafenë përballë Gjykatës së Hagës!

Por edhe kur ua ke dhuruar veshkën dhe gishtin e unazës,
ata prapseprapë nuk kënaqen.
Atëherë udhëheqësit tanë bujarë pranojnë prej tyre si dhuratë,

kafazin e zvogëluar të shqiponjës në një valixhe me kyç të artë!

Europë, oj ëndërr shekullore e vyer.
Luftë je për atdheun tim në çdo kohë!
Në kohë skizofrenike ëndërron t'ia shkulesh atij zemrën.
Në kohë paqjeje mësyn t'ia grabitësh veshkat e gishtin e unazës.

Por zemrën s'ke për tia grabitur dot, kaq ta bësh dhëmbin.
Zemrën mëmëdheut tim, jo, jo s'ia shkul dot!
Sepse në venat e tij gulçon gjaku yt, i sertë e i lashtë!
Vampirët e mënçur s'ia pijnë kurrë gjakun njëri-tjetrit?!

Fqinjtë tanë i qytetëron vetëm po ta duash atdheun.
Vetëm kështu ua zhduk atyre instiktin kafshëror.
Atëherë ata të respektojnë si një kafshë
që e meriton egzistencën e denjë në xhunglën njerëzore...

Rezart Palluqi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30