Hajdin Islami: Të rinjtë i thonë JO HIV/AIDS

nga **Agim Gashi** Fri Oct 23, 2009 2:51 am

Nëpërmjet Festivalit të Teatrit për të Rinj, të rinjtë i thonë JO HIV/AIDS

Nga Hajdin ISLAMI

PRISHTINË,21 Tetor 2009-Sot do të mbahet Festivali për të Rinj për Ndryshime Sociale me temë promovimin e sjelljeve të sigurta kunderjtë HIV/AIDS. Ky është edicioni i tretë i këtij festivali dhe përkon me javën për zhdukjen e varfërisë 2009. Festivali do të mbahet në teatrin Dodona, me fillim në ora 12:00 deri ora 14:00. Sipas komunikatës së UNKT-së në Kosovë “Festivali synon që përmes performancave teatrale të të rinjve të përcjell mesazhe të cilat ndikojnë pozitivisht në ndryshimin e dukurive negative dhe përmirësimin e mirëqenies së të rinjve e në veçanti ngritjen e vetëdijes së të rinjve rreth HIV/AIDS”. Të rinjtë që do të marrin pjesë në këtë festival janë trajnuar në edukimin e bazuar në teatër. Rreth 30 të rinjtë janë ftuar që të aplikojnë përmes rrjeteve ekzistuese Y-PEER, OJQ’ve, Qendrave Rinore dhe Shkollave të mesme. Janë krijuar 7 shfaqje të shkurtra me fokus HIV/AIDS siç janë: diskriminimi, stigma, informimi, testimi etj. Këto 7 shfaqje nga 7 komuna të Kosovës do të prezantohen premierë në festival dhe do të vazhdojnë paraqitjen në shkolla, qendra rinore dhe shtëpi të kulturës në komunat përkatëse: Prishtinë, Gjakovë, Prizren, Mitrovicë, Gjilan, Pejë dhe Lipjan. Shfaqjet do të vlerësohen nga paneli i jurisë profesioniste, ku edhe do të shpërblehen tri shfaqjet më të mira. Juria përbëhet nga: znj. Aurita Agushi - aktore, Ilir Gjocaj – Dramaturg, Fatime Arenliu – Qosaj , këshilltare e lartë për HIV/AIDS në zyrën e Koordinatorit të Agjensive të Kombeve të Bashkuara, në Kosovë dhe Adrian Morina – Aktor. Këtë vit Java për Zhdukjen e Varfërisë shënon përvjetorin e katërt, dhe do të shënohet me një varg të aktiviteteve informative, avokuese dhe për rritjen e ndërgjegjësimit, ku do të jenë së bashku Agjensitë e Kombeve të Bashkuara, Qeveria e Kosovës, Kuvendi, shoqëria civile, sektori privat, media, artistë, dhe partnerë të tjerë vendorë dhe ndërkombëtarë për të bashkuar përpjekjet me qëllim luftimin e varfërisë dhe të kontribuojnë për mirëqënien e të gjithë njerëzve.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30