Suzana Zisi: PRAG-VDEKJE APO PRAG-ZGJIM?

Suzana Zisi: PRAG-VDEKJE APO PRAG-ZGJIM?


Ajo ose ai…
Ai ose ajo…
Dmth dikush,
hyn në shtratin tim.
I tejdukshëm apo e tejdukshme,
Si ta quaj?

Mendimin e lagur,
ia lexoj
në shkëlqimin e syve të padukshëm.
Ftohtësinë,
ia var në gozhdën e lodhur të ecjes,

Edhe trishtimin…

Këmbet e ngrira,
ia ngroh me frymë.
Me krahë, end përqafimin.

Dy horizonte,
shfaqin ëndërrash, vegimin
E asaj që dhe mund të vijë,
Por që kurrë s’ka për të ndodhur.
Legjenda,
Në njërin kah thur fshehurzi fatin.
Në tjetrin,
Kreh përhumbur, të njëjtin vështrim.

Jeta, lëvrin nën koret e plagëve.
Koha, lë peng dhimbjet në nënkresën time.
Një fije më ndan nga errësira e përjetshme e hijes…
Ku ti nder erërëndët flokë…?
Në zgjim?

Me thuaj…!

Ajo ose ai, dmth dikush,
Hyn në shtratin tim.
I tejdukshëm, apo e tejdukshme,
Si ta quaj?



Suzana Zisi