Përparim Hysi: Mua dreqi të më hajë!

nga **Agim Gashi** Thu Nov 05, 2009 1:56 am

Mua dreqi të më hajë!

(poezi)

Nga Përparim Hysi

Dy vjersha për Denisën

Ti,Denisa,kaq e turpshme
Mua seç më mbush me huqe
Në se ke syrin si"miss",
Unë ty qejfin ta "ujdis"

Heq ca vjete mbi kurriz
Bëhem djalë e zë"rois"
Se s'mbaj "borxhe" mbi kurriz
Për një sy,shpirtin bitis.

Ata sy

Ata sy porsi bajama
Ka Denisa nga Tirana
Ka Denisa.Po unë ç'kam?
E ç'po heq,more babam!

Më ka kapur një alarm
Edhe gjumë,ëhë:më s'kam!
Si të kem që mos e paça
Se m'i ngul si të jenë"gaca"

Dhe më dogji,më përvëloi
Ku e"njoha?!".Më helmoi...

Sa për"sqarim"

Më the:-Do vij për një sqarim
Të dhashë unë audiencë
"Sqarimi" qe pak si"lajthim"
Kërkonte një "liçencë"

Ndaj,pak i hapëm"kartat"
Se kot nuk doje"sqarim"
Shpëtove nga andrallat
"Liçencën" e more me firmë.

Ah,ky mall!

Sa herë kotem unë i ngeshëm
Mëndjen çoj vetëm tek ti
Më vjen çasti i kahershëm
Se ç'më thotë që vet e di.

Vet e di dhe ti,patjetër,
Di aq shumë për atë çast
Më mundon ky mall i vjetër
Më mundon aq sa s'pëllcas.

Pse u ndamë ne kaq papritur?
Pse ne fati na dënoi?
Nga kjo ndarje jam goditur
Ah,ky mall,më bloi,më bloi.

Mua dreqi të më hajë

E si është kjo jetë virane!Lara-lara,copa-copa
Dhe e shoh tek vetja ime,nuk e shpika unë nga koka.
Ja,kështu,është laramane;laramane,ç'ke me të
Në një pjesë unë kam"blerime";në të tjera ëhë,ëhë?!

Kokën unë e kam me thinja,porse zëmrën si të re
Ca të tjera,t'i hajë"qimja";t'ia thërres me gurgule
Dhëmbët po bien një nga një,këmbët,tash,mezi i luaj
Por"tahmaja" hiç s'më lë,mua që dreqi të më hajë!

Po shoh ëndra ditë me diell

Në çapitem me ngadalë,në përsiatem pak me vete,
Më mundon i shkreti mall,se jam plak me terbiete
Se jam plak me terbiete që po mat me kut të vjetër
Edhe shpik njëmijë sebepe;gjasme unë nuk jam i vjetër?!

Kur çapitem me ngadalë dhe përsiatem unë me vete
Kujtoj mallin që më çmall;synë e zi qepallë me cepe
Kjo qepallë e gjatë me cepe përmbi syrin që ma shkel
Plaça unë që s'jam në vete!Po shoh ëndra ditë me diell.

Zgjata dorën

E zgjata dorën time drejt fytyrës tënde
Dhe dora,nuk di,pse m'u ndez zjarr
Mos kujtoni se qe zjarr prej ëndrre
Por qe zjarr i ngrohtë dhe real.

Me që zjarri mua më dogji dorën
Me buzën time zura dhe i fryva
Por fryma më keq e ndezi horën
Tani në zjarr e flakë u përpiva.

Kur...

Kur "shkela" në kohë të vjetër
Befas,m'u hap një plagë e re
Më dhëmbi si asnjë tjetër
Se dhëmb ajo plagë,se...

Se s'harrohet plagë e vjetër
Dhëmb kur i heq korën
E di mirë se jam i vjetër
Nga dhëmbja sa s'marr horën.

Në se

Në se ty po të pres përjashta,
E di që më ke në zëmër brënda
S'më bëhet vonë që u thava
Se erdhe ti dhe me puthje u dënda.

Nga akull që qeshë,u nxeva
Se zjarri yt më të tërin më ndezi
Nuk kam pse merrem me pandehma
Atë zjarr,moj,aq shpirti ma deshi.

Do marrë"borxhet"një nga një

Në të ndoqa pas manar,në t'u qepa pas si rrodhe
Kam vendosur për të"vrarë" se më ke një tufë me "borxhe?!"
S'di më parë kë borxh të marrë?Nga ta nis,nga ta filloj
Më së fundi,"rob" të marrë;një nga një do t'i kërkoj

"Borxhi" i parë do jetë syri;se ai në fillim më ndërseu
Pa le buza më lëbyri,se aq shumë mua më pëlqeu
Zë kërkoj "borxhe" të tjera(t'i paguash pak me të-vë)
Në s'të "vrava",në s'të "thera",do marrë"borxhet" një nga një.

Nëntor 2001-2002

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31