Faruk Buzhala: ''Korridoret e Gjelbra''(Analizë)

Faruk Buzhala: ''Korridoret e Gjelbra''

Një analizë e sipërfaqsishme e romanit’’Korridoret e gjelbra’’të shkrimtarit Agim Gjakova.
Që në titullin e librit pashë se autori ka probleme me shkronjat R dhe Rr.Gjithashtu edhe fjala gjelbra duhet të jetë gjelbërta!Mendimi im është se shkrimtari nuk është aq naiv sa të mos i dijë dhe dallojë këto.Ky këtë e ka bërë me qëllim.Titulli i librit sipas mendimit tim është çelësi për ta hapur derën e kohës për të cilën shkrimtari shkruan.Një kohë kur censurohej gjithçka,mbi të gjithat:censuroheshin njerëzit.Së pari gjindeshin viktimat, të shumtën studentët që veçoheshin sadopak nga të tjerët me botëkuptimet e tyre për jetën dhe ardhmërinë,pastaj hetoheshin – spiunoheshin dhe vëzhgoheshin.Gjurmohej në gjithçka që kishte të bënte me ta.Kërkohej shkak edhe aty ku nuk kishte,vetëm e vetëm për ti izoluar nga rrethi si njerëz të rrezikshëm që shqetësojnë mjedisin shoqëror.Këtë fat e kanë edhe dy personazhet kryesore të romanit:Arsa dhe Ylli.
Ngjarja e romanit rrëfehet në vetën e parë! apo të tretë! këtë më së miri e di vetë shkrimtari i cili tërë këtë e bën në formë të raportit,d.m.th. e tërë ngjarja raportohet nga një agjent sigurimi te eprori i tij i cili është daja i personazhit kryesor – Arsës.Raportohet për një lidhje dashurore mes dy të rinjëve studentë.Arsa është e përcjellur dhe e vëzhguar tërë kohën nga njerëzit e dajës së saj.Poashtu edhe i dashuri i saj Ylli.Marëdhëniet e këtyre dy të rinjëve si dhe ditari i Arsës hetohen nga sigurimi sekret.Kjo mënyrë rrëfimi e bën lexuesin që të jetë spektator apo bashkëpjesëmarrës i hetimit.Autori fort mirë e përshkruan ngjarjen, të rrëfyer nga personazhi i tij anonim i cili është spiun i sigurimit.Fillon izolimi i tyre nga rrethi i njerëzve të afërm.Plasohen lloj lloj thashethëmash rreth Arsës dhe Yllit,duke ndikuar në marëdhëniet e tyre dashurore.Daja i Arsës që është kreator i tërë zhvillimit të rrjedhave,mundohet me çdo mjet dhe mënyrë që ta ndërpresë lidhjen e saj me Yllin.Fillon beteja që do të jetë e fortë,e vrazhdë dhe e pamëshirshme,nga njëra anë për ti bindur(Arsa dhe Ylli) të gjithë se kishin të drejtë në dashurinë e tyre,dhe nga ana tjetër për ti bindur(drejtori sigurimit sekret shtetëror) se dashuria e tyre ishte e ndaluar.Projekti i Yllit ‘’Korridoret e gjelbra’’pasi pranohet në byronë e projektimit si projekt i realizuar,pas ndërhyrjes së ministrisë së punëve të brendshme – anulohet.Këtu pëson goditja e parë dhe e madhe që e tronditë Yllin.Pasojnë edhe goditje të tjera duke e bërë dashurinë e dy të rinjëve edhe më këmbëngulëse.Arratisja e tyre është vetëm protestë e heshtur e kohës dhe gjeneratës së asaj kohe.Ndërhyrja e shtetit në marëdhëniet dashurore të dy të rinjëve bëhet si shkas i dështimit të një sistemi totalitar që mundohet ta ndrydhë frymimin e rinisë.Në këtë rast këtu nuk ka asgjë të ekzagjeruar.Shkrimtari këtë e përshkruan shumë bukur në roman.Raportimi i agjentit të sigurimit përfundon me gjetjen e Yllit dhe Arsës te vendi i tyre i preferuar – në kalanë e vjetër.Gjendja e tyre dhe pozita ,i tronditë të gjithë.I marrin dhe i dërgojnë në spital.Mjekët çuditen se si organizmat e tyre ishin kthyer në qenie kryengritëse që nuk pranojnë ndërhyrjen e botës së jashtme.Kjo pra ishte ‘’pika e ekzistencës’’ së dy të rinjëve që hynë thellë në vetminë e tyre duke ikur nga rrethi i tyre!?
Në fund të raportit përmbyllës,agjenti i shkruan drejtorit të tij,po e citoj:’’Pasi u mendova gjatë,kuptova se ne nuk do të jemi në gjendje të shkatërrojmë e të shuajmë kurrë atë ‘’pikën e ekzistencës’’ së tyre.
Ju lutem më shkarkoni nga kjo detyrë!
Për fund dua të shtoj se te ne – në shoqërinë tonë, është i pranishëm ende ky fenomen,vetëm se në mënyrë dhe formë paksa më ndryshe.Ende vëzhgohen të dashuruarit.Ende hetohet dashuria! Kush i frikësohet kësaj,unë nuk e di!
Nëse ju e dini,ju lutem ma thuani.
- 6 nëntor 2009/e premte -