AAK dënon sulmin ndaj kandidatit të saj për Mitrovicë, Hysni Ahmeti

AAK dënon sulmin ndaj kandidatit të saj për Mitrovicë, Hysni Ahmeti

Aleanca për Ardhmërinë e Kosovës ka reaguar ndaj sulmit që ka ndodhur të enjten ndaj kandidatit të kësaj partie për kryetar të komunës së Mitrovicës, Hysni Ahmeti.
Në një reagim thuhet se, “Aleanca për Ardhmërinë e Kosovës, pa prejudikuar motivet apo kryesit e kësaj tentimvrasjeje, e dënon fuqishëm këtë akt kriminal që synoi t’i marrë jetën z. Ahmeti, dhe i fton mekanizmat të rendit dhe të drejtësisë që të jenë efikasë, t’i kapin sa më shpejt kryesit e këtij sulmi dhe t’i nxjerrin sa më parë ata para drejtësisë”.

AAK, siç thuhet në reagim, “duke pasur parasysh faktin se z. Hysni Ahmeti në vazhdimësi është dëshmuar kandidat potencial për t’i fituar zgjedhjet për kryetar të Mitrovicës, konsideron se ky sulm ka qenë i drejtuar jo vetëm kundër jetës së z. Ahmeti, por kundër Mitrovicës, kundër procesit të qetë dhe dinjitoz parazgjedhor dhe kundër Kosovës, paqes dhe të ardhmes sonë në përgjithësi”.

“Pavarësisht sulmeve dhe akteve të tilla të shëmtuara, AAK përcjellë këmbënguljen e saj për të vazhduar më tutje punën dhe angazhimin gjithnjë e më të përkushtuar në të mirë të vendit, të demokracisë dhe të ardhmes së sigurt për të gjithë qytetarët e Republikës së Kosovës”, theksohet në reagim.

Ahmeti është sulmuar me armë zjarri në fshatin Shupkofc, në hyrje të Mitrovicës, derisa po shkonte në një aktivitet parazgjedhor të Aleancës për Ardhmërinë e Kosovës.

Ah vakt o vakt .Me ka pas then nje njeri i menqum dhe pom dalin fjalt e tina. Keta dy harambashat kane me hanger njani tjetrin. E tani vertete Kosova do te clirohet nga krimi,terrori.Ndryshe Kosova nga nje pushtim i vjeter sllav eshte pushtuar nga pushtues vendor.Ska rrugdalje veq duhet me ik nga skena politike kriminelt dhe me shkue neper burgje aty ku e kan vendin.