Rezultatet paraprake te KQZ-se

Rezultatet paraprake te KQZ-se


16.11.2009
Kryetarja e Komisionit Qendror Zgjedhor (KQZ), Nesrin Lushta, ka bërë të ditura rezultatet e paraprake, për numrin e votimeve për kryetarët e disa komunave të Kosovës.
Rezultatet preliminare janë prezantuar në orën 04:00 të mëngjesit nga kryetarja e KQZ-së, Lushta, e cila ka rikujtuar faktin se këto rezultate edhe mund të pësojnë ndryshime, pasi aty nuk përfshihen votat me kusht, votat e personave me nevoja të veçanta, dhe votat përmes postës.

KQZ ka lajmëruar se rezultatet më të plota do të shpallen sot në orën 19:00, ndërsa rezultatet preliminare janë si më poshtë:

Klinë
Enver Berisha, AAK - 5.337 vota
Haki Morina, PSK - 162 vota
Sokol Bashota, PDK - 6.153 vota
Pjeter Coli, PSHDK - 459 vota
Zenun Zeqa, LDD - 706 vota
Adem Gashi, 98 vota
Fadil Gashi, LDK - 3.555 vota
Ibish Rraci, PSD - 118 vota

Shtime
Hetem Pajaziti, AAK - 382 vota
Naim Ismajli, PDK - 5.400 vota
Enver Ademi, LDD - 1477
Ismail Hasani, LDK - 2.655 vota
Halil Halili, PSD- 545 vota

Obiliq
Enver Gashi, AAK - 1.965 vota
Haki Mjekiqi, PDK - 2.850 vota
Hamdi Tovërlani, AKR - 358 vota
Aziz Bici – 183 vota
Shukri Klinaku, LIB – 1.238 vota
Mehmet Krasniqi, LDK - 2.160 vota
Sejdi Halimi, PEK - 15 vota
Sanije Graiqevci, PSD - 68 vota

Dragash Burim Piraj, AAK - 878 vota
Salim Jonuzi, PDK - 4.962 vota
Fitim Tefiku, AKR - 392 vota
Qasip Kushi, Vakat - 1.609 vota
Halim Shemsedini, LDK - 4.652 vota

Junik
Agron Kuçi, AAK - 1.081 vota
Nimon Tofaj, PDK - 127 vota
Ali Kasumi, AKR - 23 vota
Shpejtim Gacaferri, LDD - 231 vota
Tahir Isufaj, LDK - 622 vota

Hani i Elezit
Rufki Suma - 1.833 vota
Menduh Vllashi, AAK - 214 vota
Mehmet Ballashi, PDK - 1.519 vota
Myzafer Dernanji, LDK - 583 vota

Mamusha
Berzad Morina, PDK - 333 vota
Arif Bytyqi, KDTP - 1.402 vota
Mehmet Mazrek, AKR - 197 vota

Ranillug
Perica Andjelkovic, SKMS – 167 vota
Dragimir Mikic, GIOR - 397 vota

Leposavic
Ardita Hasani, AAK - 30 vota

16.11.2009
Koalicioni i OJQ-vë kosovare “Demokracia në veprim” (KDI) ka publikuar rezultatet e para për katër komunat e Kosovës, Malishevë, Therandë, Besianë dhe Graqanicë.
Sipas rezultateve të kësaj OJQ-je – të cilat u publikuan në orët e hershme të së hënës – në Podujevë ka fituar LDK-ja me 51.91% të votave, në Malishevë PDK-ja me 50.09%, në Suharekë do të ketë balotazh mes AAK-së dhe PDK-së, ndërsa në Graçanicë ka fituar Boban Stojanoviq me 57.41% të votave.

16.11.2009
Anëtarë dhe simpatizantë të Lidhjes Demokratike të Kosovës (LDK) kanë festuar edhe në orët e pasmesnatës fitoren e kandidatit të kësaj partie për kryetar të Prishtinës, Isa Mustafa, duke shkrepur fishekzjarr të shumtë.

Nuk është vetëm LDK-ja ajo që feston fitoren. Edhe Partia Demokratike e Kosovës (PDK) feston fitoren, por jo për Prishtinën por për fitoren në shumicën e komunave të Kosovës.

Thaci: Kemi fituar ne 70% te komunave

16.11.2009
Partia Demokratike e Kosovës (PDK) ka fituar dhe ka pasur sukses në 20 komuna të Kosovës, ka thënë kryetari i kësaj partie Hashim Thaçi, duke iu referuar rezultateve nga shtabet zgjedhore të kësaj partie.
Në një konferencë për media, Thaçi ka thënë se PDK-ja ka fituar 43% të votave në nivel të Kosovës, respektivisht ka fituar bindshëm apo ka arritur suksese të mëdha në 20 komuna të Kosovës.

Kreu i PDK-së, Hashim Thaçi gjatë fjalimit të tij para anëtarëve dhe simpatizantëve të PDK-së në sheshin 21 në orët e para të së hënës, ka thënë se qytetarët e Kosovës në procesin e sotëm i dhanë kuptim lirisë, pavarësisë dhe demokracisë në shtetin e Kosovës.

Sipas Thaçit, PDK-ja ka fituar në Mitrovicë, Prizren, Ferizaj, Gjilan, Kamenicë, Skenderaj, Rahovec, Klinë, Kaçanik, Drenas, Obiliq, Dragash, Malishevë, Suharekë, Vushtrri, Lipjan, Shtime, Shtërpcë, Han të Elezit dhe në Viti.

AAK fiton Pejen, Gjakoven dhe Decanin

16.11.2009
Zyrtarë të Aleancës për Ardhmërinë e Kosovës (AAK) kanë thënë në paraqitjen e radhës para media se kjo parti është fituesja më e madhe në zgjedhjet lokale, pasi që pos fitores ...

... në tri komunat që ka udhëhequr deri më tash, Pejë, Deçan dhe Gjakovë ka siguruar balotazhin edhe në disa komuna të tjera.

Gjilani, Dardana dhe Vitia shkojne ne balotazh

16.11.2009
Sipas rezultateteve paraprake të publikuara nga partitë politike, në komunën e Gjilanit, në komunën e Dardanës dhe në atë të Vitisë pritet të ketë balotazh. Në Gjilan në garën e balotazhit priten të jenë Qemajl Mustafa i PDK-së dhe Fatmir Rexhepi i LDK-së.

Në Komunën e Dardanës, situata është më e paqartë. Dihet se i pari është Begzad Sinani i PDK-së, ndërsa akoma nuk është e qartë nëse Shaip Surdulli i LDK-së opo Ramadan Basha i AKR-së do të jetë kandidati i dytë për balotazh.

Në Komunën e Vitisë, ne balotazh shkojnë Sokol Haliti i LDD-së dhe Nexhmedin Arifi i PDK-së.

Blerim Kuci i AAK-se udheheq bindshem ne Therande

16.11.2009
Nga numërimi i deritashëm i votave dhe deklarimeve të partive politike shihet se kandidati i Aleancës për Ardhmërinë e Kosovës (AAK) për kryetar të komunës në Therandë, Blerim Kuçi ...

... është duke udhëhequr bindshëm ndaj kandidatëve tjerë.

LDD: Po udheheqim ne Viti


16.11.2009
Lidhja Demokratike e Dardanisë (LDD) prin bindshëm në komunën e Vitisë, ndërsa në Pejë, Prizren, Ferizaj, Gjilan, Gjakovë, Mitrovicë është partia e dytë së bashku me partnerin AKR, kanë thënë sonte zyrtarë të kësaj partie.

Lidhja Demokratike e Dardanisë (LDD) prin bindshëm në komunën e Vitisë, ndërsa në Pejë, Prizren, Ferizaj, Gjilan, Gjakovë, Mitrovicë është partia e dytë së bashku me partnerin AKR, kanë thënë sonte zyrtarë të kësaj partie.

AKR: 5-6 kandidate ne balotazh, Prishtinen nuk e kemi humbur


16.11.2009
Nënkryetari i AKR-së, Ibrahim Gashi, në një konferencë shtypi të dielën vonë, nuk ka shprehur entuziazëm, por ka thënë se kjo parti ka rezultate të mira. Gashi ka akuzuar partitë e tjera se po nguten me shpallje të fitoreve.
“Ne nuk shprehim entuziazëm para kohe. Jo që s’kemi informacione për suksese, por nuk nxitohemi. Parti të tjera shpallën rezultate dy orë pas mbylljes së qendrave të votimeve”, tha Gashi. Ai tha se AKR ka informacione që janë të ndryshme nga shtabet e partive tjera. “LDK ka shpallur fitoren e Isa Mustafës, por ne jemi të sigurt se kandidati ynë, Vegim Gashi është në balotazh”, tha Gashi.

Sipas tij, edhe në Kamenicë janë në balotazh, në Gjakovë po ashtu, pastaj në Mitrovicë. “Në këto katër komuna është e sigurt se shkojmë në balotazh”, tha nënkryetari i AKR-së, i cili për balotazh përmendi edhe komunën e Vitisë. (koha/albeu)

Rezultatet e para zvarriten - pritet të shpallen sonte në ora 19:00



Komisioni Qendror i Zgjedhjeve nuk arriti ta përmbushë zotimin se gjatë natës do të publikojë rezultatet e para për zgjedhjet e djeshme për pushtetin lokal në Kosovë, të parat që nga shpallja e pavarësisë së shtetit të ri. Pak para orës pesë të mëngjesit, komisioni bëri të ditur se ka numëruar votat e rregullta në disa komuna më të vogla, ndërsa rezultatet e para pritet të shpallen sonte në orën 19:00.
Komisioni Qendror i Zgjedhjeve shpalli rezultatet preliminare të votimeve në vetëm nëntë komuna të vogla të Kosovës.
Mbrëmë Komisioni Qendror i Zgjedhjeve (KQZ) shpalli të mbyllura të gjitha vendvotimet në Republikën e Kosovës, duke konfirmuar kështu përfundimin e zgjedhjeve të sivjetme lokale me një pjesëmarrje prej 45.36 për qind të zgjedhësve kosovarë, ndërsa konfirmoi pjesëmarrje shumë të ulët të serbëve lokal në zgjedhje.
Në këto votime për pushtetin lokal, të parat pas shpalljes së pavarësisë, 1 milion e 563 mijë e 741 qytetarë me të drejtë vote kanë patur mundësi të votojnë për qeverisjet e ardhshme lokale me mandat katërvjeçar, në 36 komuna, garë kjo në të cilën kanë marrë pjesë 74 subjekte politike me gjithsej 6 mijë e 787 kandidatë, prej të cilëve 205 kanë garuar për kryetar komune.

PDK shpall fitore në 20 komuna

Partia Demokratike e Kosovës (PDK) ka shpallur fitoren e saj në 20 komuna të Kosovës, tri prej tyre pa balotazh, përderisa në nivel të Kosovës ka fituar 43 për qind të votave. Kreu i PDK-së, Hashim Thaçi gjatë adresimit të tij para anëtarëve dhe simpatizantëve të PDK-së në sheshin 21 në orët e para të së hënës, ka thënë se qytetarët e Kosovës në procesin e sotëm i dhanë kuptim lirisë, pavarësisë dhe demokracisë në shtetin e Kosovës.

Ndër qendrat e mëdha, që, sipas Thaçit, i ka fituar PDK-ja, janë: Prizreni, Mitrovica, Gjilani e Ferizaj.
Ndryshe, Kryeministri Hashim Thaçi ka falënderuar dhe uruar edhe subjektet tjera politike për fushatën e bërë gjatë katër javëve të fundit.
“Urime të gjitha partive politike, urime të gjithë kryetarëve të zgjedhur të të gjitha partive politike. Faleminderit të gjithëve për fushatën e qetë, të lirë dhe demokratike”, tha Thaçi.