Ansambli i valleve 'Vatra' kremton 15-vjetorin e ekzistimit

Ansambli i valleve 'Vatra' kremton 15-vjetorin e ekzistimit




Në Buchs të Zvicrës

Kremtimi i 15-vjetorit të themelimit të Ansamblit të Valleve "Vatra" do të mbahet më 22 nëntor 2009, në orën 14.00, në ambientet e diskotekës “Boleros”, adresa: Dallikerstrasse 33, 8107 Buchs ZH. Organizatori përveç prezantimit të historikut të veprimtarisë së ansamblit, në program ka paraparë edhe këngë e vallë popullore, shpërblime dhe një koktej e ushqime nga tradita për të pranishmit. Në manifestim pritet pjesëmarrja e ambasadorit të Republikës së Kosovës në Zvicër, Naim Malaj, e ambasadorit të Republikës së Shqipërisë, Mehmet Elezi, e ambasadorit të Republikës së Maqedonisë, të zyrtarëve të lartë të Qeverisë së Kosovës, përkatësisht të Ministrisë për Kulturë, Rini e Sport si dhe autoritete të artit e të kulturës që veprojnë në Kosovë, Zvicër dhe në vendet tjera të Evropës.
Ansambli i valleve "Vatra" për gjithë këto vite është përpjekur të kultivojë vlerat e artit, të kulturës e të traditës shqiptare dhe ato t`ua transmetojë të gjithë bashkëkombasve tanë, jo vetëm në diasporë, por edhe në të gjithë trojet shqiptare. Për 15 vjet veprimtari, ansambli "Vatra" ka organizuar me qindra koncerte e programe festive, ndërkohë që ka marrë pjesë edhe në shumë festivale kombëtare e ndërkombëtare.
Ky Ansambël mbledh rreth vetes më shumë se 70 anëtarë aktivë të të gjitha moshave.
Të ftuar në këtë eveniment janë edhe të gjitha mediat e shkruara dhe elektronike.
Për kontakt: Tel.: 076 218 76 67 dhe 078 662 46 04 ose në e-mail adresën: dini_vatra@hotmail.com
Nexh Isufi, drejtor i ansamblit