Matilda Doka: SYRI APO NAMI?

Matilda Doka: SYRI APO NAMI?

Si më livadhis ky nam....
ku thashethemexhiu,
kërkon pushtet
në rrënjë lisash..
për mos u kalbur kurrë?.......
Kujt mor t`i fal
ndriçimin e syve të mi...
nam-zisë?...
që një jetë të tërë
ka hapur
plantacione shpifjesh...
dhe ka mbjellë
brezare intrigash?....
Apo namit vetë....
që po thyen
edhe gurët e avllisë....?
............................................
Ik...mor nam..
se je i vogël......
sado të madh ta kesh namin...
Syrit tim nuk ia zbeh shikimin,
kur je varfanjak...
në depërtim spektrash....
Në këtë larmishmëri kontrastesh
ti je....
dhe do mbetesh
i verbër...
Imagjino
të kishe....
dhe dritën e syve të mi?
Ulkonjat ....
do ulërisnin kërdi.
Ke pushtuar nje pjesë të tokës,
por jo të tërën....
dhe banorë t`u bënë ca hijena...
që pjellat e tyre...
lindin zinxhir ...
ca nam-liga të vogla...
Madhështia...
u buron prej syve të mi..
që kurrë
nuk do të bëhen...
shërbëtorë të tu....
I kam tepër të vegjël sytë...
përpara gojës tënde....
por mizë dheu mbete...
përpara elefantit-ylber ...
të syrit tim...
Mos u mburr me përmasa...
se nuk ta fal ...
kuptimi...
domethënia...
qëllimi që na vë ne fushë....
Nuk shpall luftë
me ty..
se e di
që nuk fitoj......
Të janë shtuar aleatët...
të janë bërë
servilë..
pikërisht ata që ti
ke ushqyer dikur...
me gojën tënde...
gjigande.
Ç`fatkeqsi!
Pickojnë veten,
duke shijuar helmin e tyre....
dhe duke helmuar zinxhir...
përfaqsues të rinj,
kandidatë
në partinë e madhe
namsjellëse.
.....................................
Nami-Hata...
shëtit sot akoma
në shekullin XXI
duke pretenduar...
Kapon
e Shekullit të Ri.