Gjakush Tana: Rekordi i rënieve

nga **Agim Gashi** Fri Nov 20, 2009 12:36 am

Gjakush Tana: Rekordi i rënieve

Panorama e nisjes është ndalur në pikëpyetje
kurrë s’këputet -
zinxhiri fatal i shqetësimeve!

Nga çështje të papritura lindën
aksione lidhjesh e përzierjesh
për cikël mbështetjesh të rrënuara!

Deti përcjell tallase mbi brigjet plot rrudha
duartrokit heshtja -
se bijnë e ngriten qëndrimet!

Me zjarr në gji aktori vallëzon dhe vdes papritmas
duartrokit publiku për notin e përmbytjeve
- koha s’ndryshon!

Flaka, 26-27shkurt 2000

nga **Agim Gashi** Fri Nov 20, 2009 1:17 am

Gjakush Tana: Rituali i lutjeve

Vizioni paqë -
çdoherë rri drejtuar në padukshmëri
se: fati dikund është shkruar!

Përpara çdo dhurate është përkulur
si shtatore që kujton kundërshtitë -
në epshe të gjymtyrëve!

Kanë marrë hije për pozë verbësie
të ngriten trazim kohësh
për paisje mode e luksi fals!

Në ditarin e zbrazëtive për pritje motmotesh
janë gëzuar për acarin, tufanin
dhe shterpësinë e përherëshme të urimeve!

Flaka, 9-10 dhjetor 2000

nga **Agim Gashi** Fri Nov 20, 2009 1:18 am

Gjakush Tana: përballimi

Në logun e mendimeve u turrën
orët e pasditës s’u dolën
përqindja e re për rënie të mirëqenies!

Në shkallën e rritjes konsumi i tymit
është mbledhur në re
ku errësohet drita e të mirave!

Ç’ka mvaret për peshën e dobisë
ndryshimet e motmotit i dalin -
pengesë për nismë në plane!

Në kursin e dallimeve për vlerë
është ngritur gjërësia heshtje
në miniaturë - përballimi!

nga **Agim Gashi** Fri Nov 20, 2009 1:20 am

Gjakush Tana: Nënshkrimet e marrëveshjes

Në theks të pakuptimeve
është ngritur pluhur rreziku
se bie oreksi për lajmet e urtisë!

Çdo gjë ndodh jashtë mundësive
realja s’shifet , s’matet
dioptrisë së dritës i thyhen pamjet!

Dikund buzëqeshja vret e pret,
marrëzia e djallëzisë ngritet në Kala
- dashuri në mbështetje kurthash!

Në rikthesat e fatit për pasuri
lojërat e fatit s’pushtohen
pa nënshkruar marrëveshjet!

nga **Agim Gashi** Fri Nov 20, 2009 5:09 pm

Gjakush Tana: Paimet e këngës

Për shumësi kuptimesh
u prehën mbi qëllime
të dalë e zëshme kënga!

Herrën fjalë e gjeste,
që përtypën në kuvende dollishë
dhe n’ëndërra duke fjetur!

Për ngritje ia falën pushtimet
lirikës për urtësi
të thjeshtojnë artin - madhështi!

Por subjekti u mungoi
dhe populli që këputi prangat
ndaj i mori era!

nga **Agim Gashi** Fri Nov 20, 2009 5:13 pm

Gjakush Tana: Idila e pritjes

Për herë të parë dolën në log
të presin mendime, të japin mendime
dhe ngecën në hijen e pritjes!

Sa herë u zgjuan nga fshehjet
në analizë ecjet u shtruan
ku ngritej unaza e dobësive!

Ia falën hapat perifrazës për udhë
dhe kurrë s’u nisën të kalojnë
ku zgjatet vargani i përleshjeve!

Në urën e mendimeve u shtangën
aktruan shtrirë mbi shpinë
të përjetojnë dorëzimin!

Flaka, 9-10 dhjetor 2000

nga **Agim Gashi** Fri Nov 20, 2009 5:19 pm

Gjakush Tana: Zerograda e stileve
Është zgjuar nga jehona e tmerrit
për të aktruar përputhjet
pa kënaqësi në shije , në pamje!

Edhe ditëve drita u mungonte
edhe skenës pozita për aktrim
publiku - në mendime nënvizoi kuptimet!

Ku është thelbi i asaj që preket
rritet, ngritet, bie, lind e vdes
në agim shkaqesh e dështimesh!

Nga pluhuri i bindjeve për heshtje
në petkun e pakuptimsisë -
përcaktohet zerograda e stileve!

Flaka, 26 -27 shkurt 2000

nga Sponsored content

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30