Gjakush Tana: TË BËHET PAVARËSIA

Gjakush Tana: TË BËHET PAVARËSIA


101 vjet jetë Kongresi,
u hapën brazdat e ugarit
u mbollën me shkronja -
ne të shkruajmë lirikat ,
kush e dinte se passhpine
do t'na rrënojnë thikat!

Vula e vendimit nisi në konakun -
që i than Kongres
vazhdoj nëpër mot , stinë , ditë e net
një shekull e një vit
të rrezatojë qenësinë e coptuar-
që në shpirt u ngrit !

Sa herë i ranë vetëtimat,
ia dogjën damarët
aq herë ngritën dolli , qeshën - ustallarët
dhe ndanë dhurata për krim të ri ,
i mprehën hanxharët - për zi!

Ra Shën Naumi i Sari Sëlltëkut ,
u dha dhuratë për krim !
Në Shpellë të Dragobisë Baba Bajrami
u mbulua me shkronjat e zisë .
Syrgjyngjallin Gurakuqi - në Bari !
- e vrau dor' e tradhëtisë !

Ranë copa të ngrira dielli
ishin bijtë e shqipes,
që u ngrinin damarët ,
- nga vrasjet tinzare , i mbylli tirania !
por, nuk heshti vargu :
- Të bëhet Pavarësia!

Ishin shkronjat e Kongresit -
që lindën në Manastirë
u bënë uratë për rritën,
dhe qëndresë kushtrimi
tiranët të mposhten ,
shkrim shqipja - unjësim agimi!