Afrim Asllani: Poezi - LUTEM, POR AS ËNDËRR S’E SHOH

Afrim Asllani: Poezi - LUTEM, POR AS ËNDËRR S’E SHOH

Në dyert e tejdukshme
mundohet ta qes kokën jashtë
në atë drejtim nga ai shkoi
po pret nënë e mjerë
që t’i kthehet i vetmi djalë prapë
lotin t’ia fshijë me dorën e njomë
të vetmen dëshirë që ka.

Jam lodhur nga pleqëria
nga pritja dhe mërzia
më mbyti ai mall për te
lus Zotin të ma merr këtë shpirt,
por pasi ta shoh në ëndërr
se shumë e kam mall.

Me vite pritëm gjatë
ku ta di a është ai gjallë
por lutem o Zot që na ke falë
që edhe ai ta pret një përqafim
dhe ai përqafim kurrë mos t’ na ndajë.

Zgjohem e duart më rrinë hapur
ashtu i mbaj tërë ditën
shpresa më mban të gjallë
flas nganjëherë edhe me zë
erdhe or bir i dashur
më mbaj në përqafim të lutem
se vetëm kështu po ndihem gjallë...

Afrim Asllani - Libri "Dhuratë për njerëzinë"
Ju lutem ! mos përdor shkrimet tona , pa vënë në dukje se punë e kujt është!