Enertin Dheskali: -Përtej trokitjes

nga **Agim Gashi** Sat Nov 28, 2009 4:26 am

Enertin Dheskali: -Përtej trokitjes

Trokitja e lehtë fëshfëriti në dhomën time
Si fllad maji përmbi petale lulëkuqesh,
Ardhja jote ma ngrohu ajrin e shpirtit,
Me atë llavë të ëmbël e të ngrohtë puthjesh.

Më the se erdhe vetëm për tu çmallur,
Se e nesërmja do të shpinte sërish larg,
Më the se s’kishe kohë për të ndenjur,
Se koha fatkeqe na kishte ndarë…

Kurora e yjeve përkëdhelte dritaren e veshur
Nga ngrohtësia e epshit tënd shtegtar,
Brenda meje lëvrinin fluturat e shpirtit,
Teksa ëngjëjt në krahë na kishin marrë…

10. 03. 2009

nga **Agim Gashi** Sat Nov 28, 2009 4:29 am

Enertin Dheskali: -Për jetën- (E. Heminguejit),
Elefantë të bardhë lundrojnë qiejve të jetës,
Sipër anijeve – re, me velëza të fryra,
Nga gulçimet e dallgëve të kohës,
Mbi brinjët e nxira,
Mbi ëndrrat e vrara,
Në një cep të llogores.

Frymëzimi i muzës tënde
U ndal mbi parzmoren e ftohtë
Të kufomave që qesëndisnin pa mëshirë
Stuhitë me buzë të nxira
Nga puthjet e vdekjes egërsirë.

Ngjyra e gjakut vizatoi mëngjeset dhe mbrëmjet,
Me penelin e vrazhdë të qëndresës,
Më mirë të luftosh dhe vdekja të marri në këmbë
Sesa të dorëzohesh në pellgun e dhimbjes…

08. 03. 2009

nga **Agim Gashi** Sat Nov 28, 2009 4:30 am

Enertin Dheskali: -Kërmill

Gjithë dita ikën e trishtë,
Pa ty.
Shihemi vetëm në mbrëmje, kur vjen
Dhe në mëngjes
Kur ti shkon përsëri.
I mbyllur jam si kërmilli në guackë,
Një ëndërr më rëndon mbi shpinë,
Gjithë dita ikën
Duke lënë pas vetëm vetmi,
S’di ku ishe para një ore,
S’di ku je tani.
Pres mbrëmjen për t’i puthur sytë
Siç pret kërmilli
Vesën e tij…

30. 04. 2003

nga **Agim Gashi** Sat Nov 28, 2009 4:36 am

Enertin Dheskali: -Sallata e jetës

Në pjatat e kohës
Fati i ka bërë sallatë jetët tona,
Ndoshta prandaj na djegin
Qepët e endjeve në shpirt.
Diku uthulla është tepruar,
Aq sa zor ta kompesojë vaji i dashurisë.
Diku ka nevojë për pak më tepër kripë,
Mbi imazhe realiteti të ëndërruar
Që vret syrin e urisë.
Diku tjetër, sallata është e palarë,
Nga mungesa e ujit mbi ndjenja,
Shoh larva ndarjesh mbi të
Dhe iluzione që pjellin gënjeshtra.

Ç’të bëjmë…?!

Le të presim më mirë pirunin e vdekjes
Në duart e fatit,
E të tjerat t’i harrojmë…

10. 04. 2000

nga Sponsored content

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Enertin Dheskali: -Përtej trokitjes

Enertin Dheskali: -Përtej trokitjes

Re: Enertin Dheskali: -Përtej trokitjes

Enertin Dheskali: -Kërmill

Enertin Dheskali: -Sallata e jetës

Re: Enertin Dheskali: -Përtej trokitjes