Hillary Clinton një mike e dëshmuar e Kosovës

nga **Agim Gashi** Fri Jan 16, 2009 2:23 am

New York, 15 janar. "Amerika vetëm nuk mund t'i zgjidhë problemet kyçe në botë, ndërsa bota nuk mund t'i zgjidhë ato pa Amerikën." Ishte kjo njëra nga fjalitë më të cituara të z. Hillary Clinton nga seanca dëgjuese para kolegëve të saj në Senat, në Komisionin për Marrëdhënie me Jashtë i cili duhet t'i japë vizën tutje për një votë konfirmuese nga i gjithë Senati që do ta zyrtarizonte atë në postin e Sekretares Amerikane të Shtetit në administratën e re që e merr pushtetin të martën e ardhshme.

Me konfirmimin e zonjës Clinton në postin e kryediplomtes amerikane, ashtu siç ka thënë edhe ajo vetë, Shtetet e Bashkuara sërish do të marrin rolin prijës në diplomacinë botërore, një rol ky të cilin ajo e karakterizoi si një 'forcë të mençur' që do të kishte mbështetjen e të gjitha mjeteve: diplomacisë, fuqisë ekonomike, ushtarake, politike, ligjore dhe kulturore. Më 21 mars, 1999, z. Clinton ishte në një vizitë jashtë Amerikës, në një kohë kur pushteti i Serbisë në Kosovë po vriste dhe terrorizonte dhjetëra mijëra shqiptar. Duke parë tablot filmike në ekran që synonin shfarosjen e një populli, ajo i kishte telefonuar presidentit që menjëherë të fillonte bombardimet mbi forcat serbe. Presidenti Clinton kishte hezituar duke theksuar drojën e përçarjes së aleancës së NATO-së."Nuk mund të lejosh të vazhdojë kjo në fund të këtij shekulli që pa holokostin më të madh. Pse na duhet NATO-ja nëse nuk mund të mbrojmë civilizimin tonë", kishte thënë, z. Clinton, siç citohet të librin për të, "Zgjedhja e Hillary's."Presidenti Clinton kishte vendosur. Të nesërmen ai deklaroi se forca ishte e domosdoshme për të ndal makinerinë serbe në Kosovë. Dy ditë më vonë, bombat e para filluan të binin mbi Beograd dhe mbi pozicionet e ushtrisë e policisë serbe në Kosovë. Me ardhjen e z. Clinton në krye të Departmentit Amerikan të Shtetit, Kosova siguron vazhdimësinë e mbështetjes amerikane, një mbështetje kjo e theksuar edhe nga zyrtarë të tjerë të administratës së re përfshirë edhe vetë presidentin e zgjedhur Barack Obama. /S.gashi/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30