Musa Ahmetaj: Premtimi parazgjedhor

Premtimi parazgjedhor



Bleva këpucë e rroba
Këmishë dhe kravatë
"të jem më afër" popullit
çdo ditë e çdo natë

Nja tri-katër fjali
Dikund " i huazova"
Qendrat që nuk kanë lumenj
Për një mandat ju premtova

Amviset do e marrin
Bukën gratis në furrë
Nxënësit nuk do të kenë
Fare provim në maturë

Ju mësimdhënësit e mi
Nuk do të jeni në minus
Kurse për ju mjek të nderuar
Do jetë viti pa ndonjë virus

Ju që nuk punoni hiç
Do të keni nga pak miell
Kurse juve bujqë të dalluar
Kurrë breshër,por vetëm diell

Ju që jeni barkvegjël
Do të ju rritet rripi
Juve ju garantoj
Që nuk ju bie gripi


Nuk më intereson fare
Çka thotë filani
kolltukun po ma tregon
Edhe zotni filxhani ?!....

nëntor 2009