Zeneli: Korrupsioni në vend ka marrë përmasat e krimit të organizuar

Zeneli: Korrupsioni në vend ka marrë përmasat e krimit të organizuar



Kosova po shënon trend negativ, respektivisht korrupsioni ne vend ka marrë përmasat e krimit të organizuar, ka vlerësuar sot sekretari i përgjithshëm i Lidhjes Demokratike të Dardanisë Lulzim Zeneli.
Në konferencën për media kushtuar ditës ndërkombëtare kundër korrupsionit Zeneli ka vlerësuar se nuk ekziston vullnet politik për luftimin e korrupsionit.
"Korrupsioni në Kosovë nuk po luftohet dhe për këtë nuk ekziston vullneti politik. Faktografia tregon se korrupsioni hetohet, por ne Kosovë nuk gjykohet dhe ketë më së miri e tregojnë edhe raportet ndërkombëtare të cilat flasin se në Kosovë korrupsioni ka krijuar një mjedis të sigurt"
Këto konstatime vërtetohen në raportet e organizatave ndërkombëtare siç janë Transparensi interneshel, ai i fundit i Komisionit Evropian dhe atij të Zyrës së KE në Kosovë i cili u prezantua sot, tha Zeneli duke theksuar se edhe raportet e organizatave vendore tregojnë se shkalla e korrupsionit në Kosovë është shqetësuese.
"Eshtë edhe me shqetësues fakti se korrupsioni në Kosovë është i rafinuar. Ky segment ogurzi është vendosur dhe funksionon për mrekulli në mes të institucioneve qeveritare - Qeverisë në njërën anë dhe lobistëve meskin të cilët nuk janë gjë tjetër përpos njerëz të aranzhuar të Qeverisë", ka thënë Zeneli.