Kongresmeni amerikan Larry Denardis: LDK ka guxim dhe mund t'i pastrojë poshtërsitë që janë duk

Kongresmeni amerikan Larry Denardis: LDK ka guxim dhe mund t'i pastrojë poshtërsitë që janë duk

Gjate fushates se LDK-se ne komunen e Lipjanit një fjalë përshëndetje në emër në SHBA ve e përcolli tek ne kongresmeni amerikan Larry Denardis, i cili njihet si një mik i madh i Kosovës. Denardis tha se ndihet i lumtur që është në mesin e miqve për t'i dhënë mbështetje kandidatit Imri Ahmeti. "Këto zgjedhje komunale janë të një rëndësie të veçantë. Andaj nëse doni vende pune kjo është e mundur kur ju të votoni LDK në", u shpreh kongresmeni amerikan Denardis, duke shtuar se përveç kësaj u dërgoi një mesazh të qartë se LDK është e gatshme të udhëheqë përsëri. "Unë, por edhe të gjithë e dimë se LDK ishte ajo që fitoi lirinë dhe pavarësinë e Kosovës, së bashku me presidentit Ibrahim Rugova", ka thënë Denardis. Po ashtu, ai tha se është i bindur se LDK ka guxim dhe mund t'i pastrojë poshtërsitë që janë duke ndodhur në Kosovë. Ai ua rikujtoi elektoratit të LDK së kohën kur është shpallur pavarësia e Kosovës, duke thënë se "ju keni shpallë pavarësinë e Kosovës për të pasur një jetë më të mirë dhe këto premtime që janë dhënë mos i leni në hijen e njerëzve të cilët janë të korruptuar në këtë qeveri". "Ju lus në emër të SHBA ve, BE dhe të gjithë atyre që kanë dhënë kontributin e tyre gjatë viteve 1999, të mos lejoni që ëndrra e një jetë më të mirë të vdesë. Por me ndihmën që ju mund ta jepni të dielen mund ta ndihmoni Kosovën, të kthehet drejt sundimit të ligjit. Andaj bëjeni këtë punë për vetën dhe për Kosovën", potencoi kongresmeni Denardis.