PËR 2 FËMIJËT (ANARSHISTË ) TË NËNKRYETARIT ( SOCIALIST) TË PARË TË PARLAMENTIT GREK , KA ...AZIL POLITIK

nga **Agim Gashi** Fri Dec 11, 2009 4:39 pm

PËR 2 FËMIJËT (ANARSHISTË ) TË NËNKRYETARIT ( SOCIALIST) TË PARË TË PARLAMENTIT GREK , KA ...AZIL POLITIK

Nga Jakup Gjoça

Në shtëpinë e anarshistëve grekë RESALTOS në Qeracini të Athinës, policia greke, midis 26 anarshistëve, arrestoi edhe dy fëmijët e nënkryetarit të parë të parlamentit greke Grigoris Njiotis. Deputet i PASOK-ut, i partisë qeveritare, ishzvministër i jashtëm në qeveritë e mëparshme të PASOK-ut.

Edhe pse ka tre ditë që digjet Athina, edhe pse u ul flamuri grek nga rektorati i Athinës dhe u dogj , edhe pse u plagos rëndë rektori i Universitetit të Athinës nga dhuna e anarshistëve , sistemi politik si edhe media greke anashkalojnë arrestimin e fëmijëve të nënkryetarit të parë të parlamentit grek.

Madje, vetë zënëdhësi i qeverisë greke pafajësoi politikisht nënkryetarin e parë të parlamentit greke , Grigoris Njiotis,duke përmendur gjithë karrierën politike të Njiotis, si pafajësi politike ndaj përgjegjësisë penale të dy fëmijëve të tij.

Edhe kryetari i LA.O.S Jorgos Karaxhaferis, madje shkoi edhe më tej . Karaxhaferis deklaroi që nuk ka përgjegjësi politike të nënkryetarit socialist të parlamentit grek Njiotis , edhe pse të dy fëmijët e tij akuzohen nga Drejtësia greke për veprime dhune e terrorizëm ndaj shtetit.

Nënkryetari i parlamentit greke shkarkohet nga përgjegjësia politike-sipas Karaxhaferit- ngaqë fëmijët janë të ...rritur e jo të ....mitur!!!

Dy fëmijët e nënkryetarit të parë të parlamentit greke Grigoris Njiotis janë , vajza 30 vjeçe, e diplomuar për juriste dhe djali 28 vjeç, gjithashtu i diplomuar.

Me arrestimin e të dy fëmijëve të nënkryetarit të parlamentit greke Grigoris Njiotis si anarshistë në mesnatën e datës 5 dhjetorit 2009, bien edhe shumë mite të propagandës politike greke.

Që të rinjtë anarshistë janë nga familje të shtresave të ulta të shoqërisë greke, e vijnë nga familje me probleme sociale e shoqërore.

I pyetur nga gazetari Niko Haxhinikolau në radio REAL FM , nënkryetari i parlamentit grek Grigoris Njoitis , u mundua që të justifikojë strehën e anarshistëve dhe ta pagëzojë publikisht atë strehim të anarshistëve me qëndër kulturore e politike të të rinjve....

Theksojmë , se gjatë kontrollit të befasishëm të policisë greke, u gjetën qindra shishe të cilat përdoren për bomba Molotov, dhjetëra maska antigazi, të cilat i përdorin anarshistët në luftën kundër policëve dhe akoma policia greke nuk ka bërë të ditur edhe përmbajtjen e kompjuterit të sekuestruar .

Nënkryetari i parlamentit greke Njiotis, siç duket për maskat antigaz dhe për shishet e bombave Molotov e kishte fjalën se streha e anarshistëve ishte ...qendër kulturore e të të rinjve.

Nuk i ka mbushur akoma 60 ditë qeverisjeje dhe tashmë qeveria socialiste e Jorgos Papandreut ndodhet përballë një skandali të madh politik.

Gjithë sistemi politik e madiak në Greqi mundohen të kamuflojnë dhe të anashkalojë përgjegjësinë familjare, përgjegjësinë qytetare, përgjegjësinë morale, përgjegjësinë politike të nënkryetarit të parë të parlamentit grek Grigoris Njiotis.

Mund të pyesë ndokush, ndoshta edhe me të drejtë.

-Si është e mundur që edhe media , edhe opozita , madje edhe vetë Karaxhaferi ( Samaras dhe ND heshtin djallëzisht) mundohen që të kamuflojnë përgjegjësinë politike të nënkryetarit të parlamentit grek për veprimtarinë anarshiste të dy fëmijëve të tij?

Qeveria greke dhe vetë Jorgos Papandreu, e pakta që mund të kishte bërë , po qe se do të ndjente përgjegjësi politike, do të ishte që të përjashtonte Grigoris Njoitis nga të gjitha detyrat politike.

Mirëpo është vetë sistemi politik grek që ka deri tani gjithë përgjegjësinë politike për sa i përket veprimtarisë të anarshistëve grekë.

Politika greke, e deritanishme asnjëherë nuk ka dashur që të luftojë anarshizmin në rrënjë dhe objektivisht.

Anarshizmi është përdorur deri tani në politikën greke si një mjet politik i zhantazhit dhe i akuzës politike të njërës palë politike ndaj tjetërs.

E djathta në Greqi shumëherë e ka pagëzuar anarshizmin si një taktikë politike e forcave të së majtës.Madje shumë herë e ka lidhur edhe me taktikat politike të PASOK-ut në kohën e Andreas Papandreut.

Vetë PASOK-u, shumë herë anarshizmin e ka pagëzuar me forcat e të majtës të SINAPTIZMOS e të SIRIZA, për të përfituar politikisht nga këto spekulime politike të anarshizmit.

LA.O.S dhe Karaxhaferi për të justifikuar ekstremitetit e djathtë të “ HRISI AVGJI” në dhjetorin e 2008, pas vrasjes të Grigoropullos, e njehësoi anarshizmin me SIRIZA.SRIZA është partia parlametare e forcave të majta në Greqi.

Madje anarshizmi dhe vandalizmat që shkakton kanë shërbyer për vetë politikën greke , sidomos në këto tre vitet e fundit në politikën greke si “Kali i Trojës” për të hequr azilin politik në mjediset e Universiteteve.

Qëllimisht politika greke pagëson të njëjtë azilin politik , dmth lirinë e fjalës , të ideve në mjediset e Universitetit me vandalizmin dhe përgjegjësitë penale që rrjedhin nga dhuna e anarshistëve.

Edhe media greke “ çuditërisht” hesht djallëzisht për përgjegjësinë politike të nënkryetarit të parë të parlamentit greke Grigoris Njiotis, për dy fëmijët e tij të arrestuar nga policia greke si anarshistë.

Shumë herë është vetë media greke përçuese dhe pasqyruese e këtyre politikave greke ndaj azilit politik për vetë anarshizmin e anarshistët në Greqi.

Ndaj , nuk është edhe çudi, që tashmë këto ditët e fundit në të gjitha emisionet informative të media greke përmendet jo rastësisht edhe numri i anarshistëve shqiptarë , që janë arrestuar nga policia greke.

Tek e fundit, media dhe ndoshta edhe politikanët grekë do të fajësojnë shqiptarët emigrantë ( EDHE ) për importimin e anarshizmit në Greqi, sikurse fajësojnë shqiptarët emigrantë edhe për rritjen e krimit organizuar, të krimit të drogës në Greqi.

JAKUP.B. GJOÇA

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30