Trimëria e një gazetari që po i mungon Kosovës

Trimëria e një gazetari që po i mungon Kosovës



Pasi iu ndalua të rikthehet në RTP, Jusuf Ferizi, një kohë punoi komentator në gazetën tonë
Në 6-vjetorin e vdekjes së Jusuf Ferizit, doajenit të gazetarisë shqiptare në Kosovë

Fjala dhe guximi i Jusuf Ferizit, doajenit të gazetarisë shqiptare të Kosovës kanë lënë një histori të pashlyeshme. Të gjithëve na kujtohen vitet sa punoi në TVP, menduam se edhe pas çlirimit të Kosovës, Jusufin, prapë do ta shohim në ekran, porse fatkeqësisht nuk e pamë më as Jusufin, por as TVP-në. Për të dytën herë Jusufit dhe 1.200 punëtorëve të TVP-së iu mbyll dera e këtij mediumi informativ. Gazetarët e TVP-së, kërkuan tjera shtëpi informimi, disa ende janë rrugëve e disa madje edhe vdiqën duke pritur të rikthehen në vendet e tyre të punës. Zgjedhjen që e bëri Jusuf Ferizi ishte shumë e qëlluar, ai tashmë po shkruante për gazetën kombëtare "Bota sot". Lexuesit kurrë nuk do t´i harrojnë shkrimet e Jusuf Ferizit. Sëmundja e detyron të kërkojë shërim në Turqi. Shpresonim se nga atje do të na kthehej i shëruar, por, me 10 dhjetor 2003, Jusuf Ferizi mbylli sytë dhe vitet e jetës së tij rinore. Për të mos e harruar atdhetarizmin e Jusuf Ferizit, "Bota sot" e kujton vit pas viti. Në janarin e vitit 2004, familja e Jusufit, kombëtarja "Bota sot", degë dhe aktive të LDK-së pritën për dy ditë qindra bashkatdhetarë për ngushllim nga vende të ndryshme të Evropës që vinin në Karlsruhe të Gjermanisë. Këtë dhjetor bëhen 6 vjet që na mungon Jusuf Ferizi dhe emri i tij duhet t´i vëhet ndonjë sheshi apo rruge në Deçan apo në Prishtinë, sepse Jusuf Ferizi mbetet gazetari më trim që kishte Kosova ndonjëherë. Lavdi i qoftë në 6-vjetorin e vdekjes kolegut tonë Jusuf Ferizit.
Bahri Rashica