Monda Korca: Në natën e ndërrimit të viteve....- poezi - nga Raimonda Moisiu

Monda Korca: Në natën e ndërrimit të viteve....- poezi - nga Raimonda Moisiu

Nën dritën verbuese të shandanëve,
sy që kryqëzojnë vështrimet,
duart të gërshetuara fort,
frymë...frymë...frymë....,
pika djerse që pikojnë.....,
gotat e verës si dy pika gjaku,
tiktaket e orës,
dy fytyra që ndricohen ,
dy cigare që tymosen...
në natën e fundit të vitit....

-.-
Nën dritën verbuese të shandanëve....
Sekreti i virgjërisë së kësaj nate,
më pushton me dlirësinë e brishtë
si një serenatë gazmore,
në castin e pasionit të dashurisë....


-.-
Sekreti i virgjërisë së kësaj nate...
Në valëzimin e flladit të natës,
mezi pres të përkundem lehtë,
në shtratin e argjëntë,
të dëgjoj e kënaqem, me sinfoninë e ujit,
të lumit,
që gurgullon poshtë dritares tonë.


-.-
Mezi pres....!
Dashnori im..!
Të mos i frikësohemi dritës së shandanëve,
të pëshpëritim përrallën e dashurisë,
t'i bëjmë buzët si flutura,
e të zhytemi në fluturimin e puthjeve,
të ndricojmë të fshehtat e syve.


-.-
I dashuri im..!
Në strehën e prehërit të natës,
të ndërrimit të viteve,
orës dymbëdhjetë.
ora më e bukur e vetmisë,
e zhurmës së mrekulleshme të jetës,
të vallëzojmë si një puhizë lulesh,
të ndjejmë të rrahurat e ankthit dashuror,
të zemrës,
të kënaqemi me parfumin e shpërthimit,
të frymëmarrjes,
të bashkojmë livadhet tona.


-.-
Sikur dreri thërret drenushën e tij,
në këtë natë të fundit të vitit ,
Ti falemi altarit të dashurisë!

Nga Raimonda Moisiu
Hartford CT USA