KQZ: PDK fiton në 11 komuna, LDK në 5 dhe AAK në 3, një i pavarur dhe një pakicat

KQZ: PDK fiton në 11 komuna, LDK në 5 dhe AAK në 3, një i pavarur dhe një pakicat

Besnik Boletini
Sipas
KQZ-së PDK-ja ka fituar ose prin në Prizren në Gjilan, Mitrovicë,
Klinë, Lipjan, Kaçanik, Malishevë, Dragash, Viti, Vushtrri dhe Rahovec,
ndërsa LDK-ja në Istog, Kamenicë, Novobërdë, Podujevë dhe Obiliq;
AAK-ja në Pejë, Suharekë dhe Junik, ndërsa kurse kandidati i pavarur,
Rufki Suma në Han të Elezit dhe partia SLS ka fituar në Shtërpcë.



Në Prizren sipas pasqyrës së tabelës së rezultateve të KQZ-së në vebsajtin
e saj, del se nuk janë numëruar 559 vota të vlefshme, ndërsa që KQZ-ja
kur e ka shpallur rezultatin del se prin PDK-ja me 24.982 vota, ndaj
LDK-së që ka 24.940. Pra, kandidati i PDK-së, Ramadan Muja udhëheq me
42 vota ndaj Hanefi Muharremit, ndërsa që ‘fshihet’ rezultati i 559
votave.


Komisioni
Qendror i Zgjedhjeve ka shpallur rezultatet preliminare të balotazhit
për kryetarët e 21 komunave. Sipas KQZ-së, në këto rezultate nuk janë
përfshirë votat me kusht, ato nga jashtë, si dhe votat e personave me
nevoja të veçanta.
Rezultatet preliminare kanë sjellë një barazim në Prizren ndërmjet
kandidatit të Partisë Demokratike të Kosovës, Ramadan Muja, dhe atij të
Lidhjes Demokratike të Kosovës, Hanefi Muharremi, me nga 50 për qind të
votave. Kështu që fituesi pritet të përcaktohet pas numërimit të votave
me kusht. Anëtari i KQZ-së nga LDK-ja Florian Dushi, tha se për LDK-së
rezultati për Prizrenin nuk është i pranueshëm dhe se nuk është
nënshkruar as nga anëtari i LDK-së në KKZ-në në Prizren.

Ndryshe pjesëmarrja e përgjithshme në këto zgjedhje ishte 376 mijë e
337 votues ose në përqindje 37.87 %, ndërkaq nëpër komuna pjesëmarrja
në përqindje ishte si vijon;

Në Gjilan prin PDK-ja, Qemajl Mustafa-51.4 ndaj Fatmir Rexhepit të
LDK-së 48.6%; Në Sharr (Dragash) Salim Jonuzi i PDK-së me 53.3% ndaj
Halim Shemsedinit të LDK-së me 46.7%; Në Burim (Istog) Fadil Ferati ka
fituar me 70.8 % ndaj Naim Imerajt të AAK-së me 29.2 %; Në Kaçanik ka
fituar Xhabir Zharku me 57.9 % ndaj Tahir Çakës së AAK-së me 42.1 %; Në
Klinë ka fituar Sokol Bashota i PDK-së me 56.3% ndaj Enver Berishës së
AAK-së 43.7; Në Dardanë ka fituar Shaip Surdulli i LDK-së me 54.1% ndaj
Begzad Sinanti të PDK-së me PDK 45.9 %; Në Mitrovicë prin Avni Kastrati
i PDK-së me 53 % ndaj Nexhmedin Spahiut të AKR/LDD-së me 47%; Në Lipjan
Shukri Buja i PDK-së me 50.5% ndaj Imri Ahmetit të LDK-së me 49.5%; Në
Artanë (Novobërdë) ka fituar Bajrush Ymeri i LDK-së me 80.9 % ndaj
kandidatit të SMS-së (Deniq) me 19.1%; Në Kastriot (Obiliç) Mehmet
Krasniqi i LDK-së me 51.9% ndaj Haki Mjekiqit të PDK-së me 48.1%; Në
Rahovec Qazim Qeska i PDK-së me 50.8% ndaj Ibrahim Kryeziut të LDK-së
me 49.2%; Në Pejë ka fituar Ali Berisha i AAK-së me 76.7% ndaj Elmi
Berishës të LDD/AKR me 23.3%; Në Besianë, (Podujevë) ka fituar Agim
Veliu i LDK-së me 66.5% ndaj Muhamet Latifit të PDK-së me 33.5%; Në
Prizren PDK-ja prin me 42 vota, ndërsa rezultati i përqindjeve është
LDK-ja me 50% dhe PDK-ja me 50%; Në Shtërpcë SLS-ja me 65% ndaj Beqir
Fejzullahut të PDK-së me 35 %; Në Therandë Blerim Kuqi fiton me 52.4%
ndaj Ramë Vatajt me 47.6%; Në Viti ka fituar Nexhmedin Arifi me 55.2%
ndaj Sokol Halitit me 44.8%; në Vushtrri ka fituar Bajram Mulaku i
PDK-së me 63.5% ndaj Muharrem Shabanit të AAK-së me 36.5%; Në Malishevë
ka fituar Isni Kilaj i PDK-së me 61.8% ndaj Jonus Kastrati të LDK-së
38.2%; Në Junik ka fituar Agron Kuqi i AAK-së me 56.7% ndaj Tahir
Isufajt të LDK-së me 43.3% dhe në Han të Elezit, Rufki Suma i pavarur
me 53.3% ndaj Mehmet Ballazhit të PDK-së me 46.7%.