Skender Korça: Rri në sofrën tënde

Skender Korça: Rri në sofrën tënde


Edhe sonte do rri në sofrën tënde

Nuk të lë vetëm

Kemi kërkuar dyerve dhe strehëve

Një copë bukë vetëm për sonte

Sonte kur të gjithë festojnë

Ne jemi bashkë

Nuk të lë vetëm



I dehur jam me vuajtjen tënde

Na ka dehur jeta e shoqëria

Tërë një vit të plotë nuk ju pa askush

Sonte po rri me Ty, vetëm unë dhe Ty

Nuk të lë vetëm



Kripa e njelmët është ushqimi yt

Vaji yt është njëjtë sikur kripa

Pantallonat e shqyera janë bërë

Lloje ngjyrash dhe arnash

Ku mbijetesa për ty është bërë luks

Nuk të lë vetëm



Nuk do flemë as sonte

Do bisedoj me ty kudo që jam

Në vend te dollisë

Sonte do pijë gjakun tim

Nuk të lë vetëm



Mos thuaj se të kam harruar

Jam bërë sikur Ty

Jam dhe rri në sofrën tënde

Për kripën tonë

Ushqim i përditshëm

Nuk të lë vetëm