ForumKadri Veseli: Historia ime
Faqja 1 e 1
Kadri Veseli: Historia ime
nga Agim Gashi Sat Jan 02, 2010 2:23 am
Kadri Veseli: Historia ime
HISTORIA IME
Nga Express
Në LPRK hyra në mesin e viteve ‘80. Isha ndër pjesëmarrësit dhe organizatorët e demonstratave të asaj kohe. Lidhja ime me Hashim Thaçin është jashtë kontekstit politik. Nuk kemi dashur kurrë ta sfidojmë lëvizjen paqësore. Në Rambouillet, koordinoja këshilltarët e Delegacionit të Kosovës. Më 1999, targetoja caqet që duhej të goditeshin nga NATO. Kështu e përshkruan veprimtarinë e tij në luftë Kadri Veseli, në intervistën e parë, në Zonën e Debatit me Baton Haxhiun, në TV Klan Kosova. Express ka ekskuzivitetin e botimit të saj
Klan Kosova: Pse nuk keni bërë jetë publike, meqenëse ishit njeriu i parë i një institucioni kaq të rëndësishëm dhe kaq të përfolur?
Kadri Veseli: Kam pasur fatin të jetoj si shumica e pjesëtarëve të vendit tim në rrethana shumë të vështira. Duke pasur parasysh përgjegjësinë që kam mbajtur, e cila ka qenë e ndjeshme, gjithmonë jam munduar të jem i kujdesshëm për veprimet dhe deklaratat e mia. Megjithatë, në parim, puna që e kam bërë unë si Shef i SHIK’ut, ashtu sikurse puna e çdonjërit që punon në shërbimet inteligjente, nuk është aq transparente. Por, po e theksoj, kam qenë jashtëzakonisht afër me të gjithë ata njerëz që i kanë krijuar mediet publike, kam pasur bashkëpunim jashtëzakonisht të mirë - duke ju përfshirë edhe juve - ashtu sikurse edhe shoqërinë civile, për ç’gjë i falënderoj të gjithë. Ndoshta të gjithë së bashku kemi arritur këtu ku jemi sot.
Klan Kosova: Nuk besoj se gjithë ata kanë qenë pjesëtarë të SHIK’ut...
Kadri Veseli: Asgjë më krenare nuk është sesa t’i shërbesh vendit tënd. Por, kryesore është që duhet të jemi të vetëdijshëm dhe të përgjegjshëm për atë që e bëjmë.
Klan Kosova: Në njëfarë mënyre, njerëzit në Kosovë kanë paragjykime për shërbimet inteligjente. Kjo edhe për faktin që kanë jetuar shumë keq nën UDB’në, KOS’in... Pikërisht kjo ka ndikuar që ju të mos bëni jetë publike?
Kadri Veseli: Përjetimet e të gjitha vendeve, veçanërisht ato të vendeve të Europës Juglindore, në raport me shërbimet inteligjente kanë qenë negative. Për arsye se kanë përjetuar rrethana të ndryshme, të cilat shpesh u kanë kushtuar me jetën e anëtarëve të familjeve. Edhe në popullin tonë ka qenë një rrethanë e tillë, duke pasur parasysh karvanin që kemi kaluar. Këtu po flas për periudhën para ’45, pas ’45, e veçanërisht gjatë viteve të aparteidit. Gjatë kësaj kohe, roli i këtyre shërbimeve, të cilat kanë qenë të fshehta dhe ekzekutive, shpesh ka qenë fatal për jetën e njeriut. Ndoshta kjo mund të jetë edhe një përvojë për institucionet tona, që të jenë të kujdesshme dhe ta dinë rolin e atyre njerëzve që i shërbejnë vendit.
Klan Kosova: Atëherë do të ishte mirë që t’u tregonit shikuesve diçka nga biografia juaj. Në fillim, paralajmërova se ju vini nga një familje, ku tre pjesëtarë të familjes kanë qenë të burgosur në vitin 81...
Kadri Veseli: Janë persekutime që i ka kaluar gjithë popullata e Kosovës dhe nuk ka qenë vetëm një familje specifike. Është e vërtetë se gjatë viteve ’80 ka pasur shumë burgosje, mes të cilave edhe dy vëllezërit e mi dhe një djalë i axhës, i cili ka mbajtur afërsisht 7 vjet burg.
Klan Kosova: A keni qenë i motivuar nga ky rast për një jetë tjetër?
Kadri Veseli: Motivimi gjithmonë vjen nga ajo se çka kërkon populli im. Populli im ka qenë i pakënaqur me situatën që e ka pasur në ato rrethana. Ndoshta ai ka qenë motivi kryesor. Është pak e vështirë të flas për vetën dhe familjen time. E them prapë, personalisht, por edhe si familje, ashtu sikurse i gjithë populli i Kosovës, e kemi dhënë provimin për të dhënë diçka të mirë për vendin tonë.
Klan Kosova: Ju keni bërë jetë të mbyllur dhe shumë njerëz nuk ju njohin. Për t’ua përkujtuar, unë kam mësuar se ju keni qenë anëtar i LPRK’së që në vitin ‘86...
Kadri Veseli: Nuk kam bërë jetë të mbyllur. Kam pasur relacione me shumicën e medieve publike, me të cilat kemi bashkëpunuar, në kuptim profesional, për të mirën e vendit. Por, unë qysh i ri, në mesin e viteve ’80, jam angazhuar në organizatat atdhetare, siç ka qenë Lëvizja Popullore për Republikën e Kosovës, e cila ka lindur si kërkesë popullore për luftë çlirimtare me mjete të armatosura.
Klan Kosova: Atje do të vijmë më vonë. Unë dua të rikujtoj se ju keni qenë mik i mirë me Afrim Zhitinë dhe qysh në atë kohë ju njiheni edhe me Kryeministrin aktual, Hashim Thaçin...
Kadri Veseli: Është e vërtetë se kemi pasur bashkëpunim të plotë me dëshmorin e madh Afrim Zhitinë, ose Faik Fazliun... Ne kemi qenë bashkë, sidomos pas rrethanave që u krijuan pas protestës së 31 majit ‘89 në Besianë, kur një grup yni u konfrontua me forcat serbe, siç quhej Çeta e Llapit, dhe ata dolën në ilegalitet. Pastaj, secili prej nesh ka marrë pjesë në procesin e mbajtjes së këtyre njerëzve në ilegalitet, në kuptim të strehimit dhe sigurimit. Një pjesë e tyre kanë arritur me sukses të strehohen. Në përgjegjësinë time dhe të Hashim Thaçit ka qenë që ta strehojmë Hasan Ramadanin dhe Bedri Blakqorin.
Klan Kosova: Në një intervistë të gjatë, që Hashim Thaçi i ka dhënë emisionit “Opinion”, ka thënë se ju e keni ftuar atë që të jetë pjesëtar i LPRK’së...
Kadri Veseli: Njeriu, së pari, personalisht i përgjigjet thirrjes për atdhe, e gjen vetë rrugën. Unë kam pasur fatin jetësor që të kem bashkëpunim me Z. Thaçi. Është një bashkëpunim jashtë kontekstit aktual politik, është bashkëveprim që na lidh shumë më shumë sesa aktualitetet politike. Është një jetesë, është një përjetim që e kemi kaluar së bashku në momentet më të mira dhe më të vështira të jetës sonë.
Klan Kosova: Të kthehemi te periudha e fundviteve ’80. LPRK ka qenë nismëtare dhe organizatore e demonstratave të vitit ‘88-‘89. A është e vërtetë se ju jeni infiltruar në këto protesta?
Kadri Veseli: Ne, secili, kemi pasur përgjegjësinë tonë në organizimin e demonstratave.
Klan Kosova: Përveç Hashim Thaçit në këtë proces, kush ka qenë i implikuar? Fisnik Cukaj...?
Kadri Veseli: Është periudhë e mëvonshme, veçanërisht në Unionin e Studentëve ka qenë Fisnik Cukaj, Skënder Sallaukaj... Por, për të mos ju mbetur borxh, kanë qenë edhe shumë e shumë të tjerë.
Klan Kosova: Më kujtohet fjalia që ma patët thënë në vitin ’90: “Po shkojmë në Shqipëri që ta organizojmë luftën”. Vërtet shkuat për ta organizuar luftën dhe a kishit besim në këtë luftë?
Kadri Veseli: Populli i Kosovës ka pasur besim në çlirimin e vet. Alternativa e vetme në ato rrethana, e që më vonë u vërtetua si e drejtë, ka qenë lufta e armatosur. Lufta në Kosovë është bërë në Kosovë, ka aktivitetin në Kosovë, burimin në Kosovë dhe është zhvilluar në Kosovë. Pastaj, secili prej nesh i ka marrë përgjegjësitë e veta. Në këtë kontekst, Shqipëria ka qenë vendi amë, ka qenë vendstrehim, vendtrajnim, vendfurnizim, ka qenë vendtakim. Shteti shqiptar, në të gjitha rrethanat, e ka ndihmuar luftën e popullit të Kosovës.
Klan Kosova: Kur keni shkuar në Shqipëri për herë të parë?
Kadri Veseli: Herën e parë kam shkuar në vitin 1991, më duket.
Klan Kosovë: Sa më kujtohet, në biografinë tuaj shkruan se ju keni shkuar për herë të parë në Shqipëri në janar të vitit ‘92...
Kadri Veseli: Pastaj ka qenë qëndrim më permanent në Shqipëri.
Klan Kosova: Normalisht, ju keni kaluar ilegalisht në Shqipëri, asnjëherë me pasaportë tuajën?
Kadri Veseli: Çdoherë kam kaluar ilegalisht. Dokumenti im zyrtar ka qenë Kadri Veseli.
Klan Kosova: Me cilët njerëz ju shkuat në Shqipëri?
Kadri Veseli: Varet nga rrethanat kohore, kur kemi udhëtuar. Kam udhëtuar me mijëra njerëz. Nëse flasim për vitin ‘91, atëherë kam shkuar me Skënder Sallaukën, i cili ka qenë Sekretar i Unionit (të Studentëve të UP’së) në atë kohë dhe me Sinan Aliun. Pastaj në ‘92 me Naser Krasniqin...
Klan Kosova: Atje e keni takuar edhe Grupin e Prekazit?
Kadri Veseli: Në fakt, Grupi i Prekazit, i udhëhequr nga Komandanti Legjendar, ka ardhur në shtator të vitit 1992.
Klan Kosova: Në librin e tij, Mehmet Kraja e përshkruan shumë mirë se ku ka qenë i vendosur Grupi i Prekazit. Sipas tij, ka qenë i vendosur në Hotelin Ushtarak...
Kadri Veseli: Po, ka qenë i vendosur në Hotelin Ushtarak, normalisht ka qenë në mënyrë zyrtare i vendosur aty. Kemi qëndruar aty, diku, gjashtë muaj. Pas një muaji, unë së bashku me Sami Lushtakun, Iliaz Kodrën, Sahit Jasharin - me vendim të Komandantit Legjendar - jemi kthyer në Kosovë, për arsye se e kishim ndërmend ta vazhdonim luftën çlirimtare. Kjo ka ndodhur pas kryerjes së aksionit të parë në Stacion të Autobusëve të Drenasit. Grupi i parë kemi kaluar në ‘92 në Kosovë.
Klan Kosova: Mehmet Kraja thotë se kemi qenë në përgatitje të pasaportave për djemtë që kishin ardhur në Tiranë, për t’i dërguar në Zvicër. Por, sipas tij, shumica e tyre, përfshirë edhe Adem Jasharin, nuk pranuan...
Kadri Veseli: Në vitin 1991 filluan goditjet e grupeve që kishin ushtruar në Shqipëri. Ishte një fat i keq se ato u zbuluan dhe u goditën. Mes këtyre grupeve ishte edhe ai i Adem Jasharit. Atëherë në vitin ‘91’ familja e tij u sulmua, ku ai së bashku me familjen dhe shokët rezistuan me sukses. Në vitin ‘92, ne ishim të interesuar që ta vazhdonim luftën, e jo ta lëshonim Kosovën.
Klan Kosova: Gjatë kësaj kohe, a keni pasur kontakte me organet zyrtare të Shtetit Shqiptar?
Kadri Veseli: Ka pasur kontakte. Me vetë faktin që kemi qenë të vendosur në Hotelin Ushtarak, dëshmon se kemi pasur kontakte me Shtetin Shqiptar. Ai nuk ka qenë hotel komercial, por hotel i Shtetit Shqiptar.
Klan Kosova: Në Shqipëri, ju e keni përjetuar edhe ndarjen e LPRK’së?
Kadri Veseli: Organizimet ilegale e kanë pasur një të metë. Pasi që janë krijuar disa situata kur njerëzit për gjëra shumë të vogla janë përçarë dhe janë ndarë. Dhe, këto na kanë kushtuar. Ndarja ndodh në vitin ‘93. Atëherë krijohet LKÇK dhe LPRK transformohet në LPK.
Klan Kosova: Ju mbetët në LPK apo në LKÇK?
Kadri Veseli: Një nga themeluesit e LKÇK’së ka qenë bashkëpunëtori im më i afërt, Raif Qela, i cili ka qenë nga Mitrovica. Një djalë shumë i zgjuar dhe i shkathët. Unë kam mbajtur relacione shumë të mira me të dyja grupet.
Klan Kosova: Cilit krah i keni takuar? Unë kam informacione se në vitin ‘93 nuk i keni takuar Lëvizjes...
Kadri Veseli: Jemi duke folur për periudhën ‘92, atëherë kur ka ndodhur aksioni i parë, për të mos harruar kontributin e Xhavit Hazirit, i cili ka qenë ndër udhëheqësit e Lëvizjes në atë kohë. Ne kemi pasur një vendim, i cili forcohet në Kërçovë më pas, që të vazhdohet me luftën e armatosur. I kishte humbur kuptimi luftës vetëm politike. Populli largohej me të madhe nga vendi, rrezikohej “Spastrimi i Bardhë” i Kosovës. Pra, rrezikoheshim ta humbnim vendin pa dinjitet.
Klan Kosova: Kur shkuat ju në Zvicër?
Kadri Veseli: Pas goditjes, kur u arrestuan një pjesë e madhe e shokëve tonë. Fillimisht u arrestua Raif Qela, pastaj Avni Klinaku. Pastaj, në korrik-gusht ’93, goditemi shumë rëndë, kur familjet tona përjetuan ngjarje të rënda.
Klan Kosova: Prej asaj kohe, ju kaluat në ilegalitet?
Kadri Veseli: Në fakt, edhe më herët ishim në ilegalitet, por pas gushtit ‘93 kemi qenë në ilegalitet të thellë për pushtuesin.
Klan Kosova: Vjen një periudhë e rëndë, periudha e Dejtonit, kur iu dha goditja Kosovës për të mos qenë pjesë e projektit të bisedimeve. Për Kadri Veselin dhe grupin tuaj, çfarë domethënie ka pasur kjo?
Kadri Veseli: Ne të gjithë jemi munduar të bëjmë diçka, si popull. Realisht, Dejtoni i ka goditur përpjekjet e deriatëhershme paqësore. Në fakt, Dejtoni dhe përjashtimi i Kosovës nga ajo marrëveshje dhe nga bisedimet, pastaj fakti që Delegacioni i Kosovës nuk u lejua as të merrte pjesë në korridore të ndërtesës ku zhvilloheshin bisedimet.... Kjo tregoi edhe një herë drejtëshmërinë e rrugës sonë të armatosur.
Klan Kosova: Atëherë u mor vendimin për formimin e UÇK’së?
Kadri Veseli: Jo, ka qenë themeluar më herët.
Klan Kosova: Mos thoni, Z. Veseli, se UÇK është themeluar gjatë viteve ‘92, ‘93 gjatë takimeve me Grupin e Prekazit?
Kadri Veseli: Do të mundohem të jem shumë i qartë dhe shumë i shkurtër. Shpesh bëhen gabime nga ata që mundohen t’i paraqesin rrethanat e asaj kohe nga konteksti aktual. Atëherë ne kemi jetuar në rrethana të vështira. UÇK është krijuar si produkt i rrethanave nacionale të asaj kohe. Në fund të vitit ‘91 dhe në fillim të vitit ‘92, ne i kemi marrë aksionet e para të armatosura...
Klan Kosova: Këto kanë qenë aksione individuale...
Kadri Veseli: Jo, nuk kanë qenë individuale, por kanë qenë jashtëzakonisht mirë të organizuara. Pastaj, në vitin ‘93, diku në mars, kur u kthyem nga Shqipëria, së bashku edhe më Komandantin Legjendar dhe me Jakup Nurën, kemi mbajtur një takim i cili mund të konsiderohet faktikisht si themelim zyrtar i UÇK’së, po flas për marsin e vitit ‘93. Takimi është mbajtur në Odën e Jasharajve, odë kjo që tash është muze.
Klan Kosova: Tash nuk po hyjmë t’i përmendim emrat e atyre njerëzve, sepse mund ta harrojmë dikë dhe hidhërohen...
Kadri Veseli: Ka qenë vendosmëria, ka qenë përcaktimi i të gjithëve neve, duke pasur parasysh një flamur që kemi pasur, pra që ka qenë Adem Jashari.
Klan Kosova: Si janë zhvilluar ngjarjet më pastaj? Hashim Thaçi thotë se më pas keni kaluar kufirin me Shqipërinë për dhjetëra herë...
Kadri Veseli: Në fakt, ne në luftë ishim që nga momenti kur kemi goditur Stacionin e Drenasit.
Klan Kosova: Këto kanë qenë aksione guerile, unë po flas për aksione ushtarake...
Kadri Veseli: Koncept më ushtarak nuk mund të konsiderohet sesa një aksion i organizuar për kohë të gjatë, me informacione shumë të sigurta për vendndodhjet e armikut dhe pa pasoja anësore.
Klan Kosovë: Kur realisht ju vendosët t’i shpërndani të gjithë këta njerëz të armatosur nëpër Kosovë dhe të filloni luftën?
Kadri Veseli: Unë thashë, kjo ka filluar që nga viti ‘92 dhe pastaj masovizimet kanë filluar në vitin ‘96. Mos të harrojmë se edhe në vitin ‘94, në ’95, ka pasur aksione tona, aksione këto shumë të suksesshme dhe shumë mirë të organizuara. Unë e kuptoj pyetjen tuaj, pasi që aksionet tona që janë kryer në të njëjtën ditë dhe në të njëjtën orë në lokalitete të ndryshme, konsiderohen si fillim i luftës së armatosur. Çdoherë aksioni ynë ushtarak ka qenë i ndërthurur me aksionin politik, sepse kemi dashur të tregojmë se populli i Kosovës nuk e duron më këtë gjendje.
Klan Kosova: Pastaj ka qenë një periudhë e rëndë, kur shumë udhëheqës të lëvizjes së armatosur u goditen...
Kadri Veseli: Ka qenë janari i vitit ‘97, pra kur u vra Zahir Pajaziti. Kjo ka qenë ndër goditjet më të rënda, duke pasur parasysh se Zahir Pajaziti ka qenë një ndër motorët e lëvizjes çlirimtare dhe kjo ka qenë humbje e madhe për ushtrinë tonë. Por, edhe kemi pasur fat, pasi që këto humbje na fuqizuan. Në këtë kontekst ka ndikuar edhe burrëria e atyre tri familjeve, të cilat na lejuan neve si Shtab i Përgjithshëm të themi se ata njerëz janë vrarë si pjesëtarë të Ushtrisë Çlirimtare të Kosovës. Kjo për ne kishte domethënie të madhe, duke pasur parasysh rrethanat absurde që na përcillnin.
Klan Kosova: Një pjesë e udhëheqësve edhe u burgosën në atë kohë...
Kadri Veseli: U burgos një nga shtyllat e UÇK’së, Nait Hasani, ashtu sikurse edhe shumë djem tjetër.
Klan Kosova: Nait Hasani ka qenë Komandat i UÇK’së për Kosovë?
Kadri Veseli: Ai ka qenë një nga njerëzit kryesorë të UÇK’së, nuk mund të them Komandat.
Klan Kosova: Kur u shqiptuan dënimet në qershor të vitit ‘97, ju vendoset t’i intensifikonit sulmet. Ndodhën luftimet më 26 nëntor 1997 dhe më 28 nëntor 1997, UÇK doli publikisht...
Kadri Veseli: Edhe pas rënies së këtyre dëshmorëve, ne kemi vazhduar aktivitetin tonë. Dua të them se pas shkurtit ’97 ka qenë një periudhë tragjike, thyerja e depove në Shqipëri, ajo kriza nacionale. Por, në të njëjtën kohë u arrit të merret një pjesë e atij armatimi që ishte i domosdoshëm për luftën e armatosur.
Klan Kosova: I keni blerë ato armë apo ju janë dhuruar?
Kadri Veseli: Do të flas fare hapur. Në çdo mënyrë ne kemi dashur ta zhvillojmë luftën. Shteti Shqiptar ka ndihmuar, por edhe kur ka pasur nevojë, i kemi blerë. Po kthehem te dalja publike e UÇK’së. Ajo ka qenë një dalje shumë natyrale, pasi që në atë kohë njerëzit tonë kishte 2-3 muaj që dilnin publikisht në atë rajon dhe popullata i njihte.
Klan Kosova: Mos harroni se partitë politike këtu ju konsideronin njerëz të UDB’së...
Kadri Veseli: Nuk dua të futem në rrethanat e deklarimeve që janë bërë. Le të jetë në ndërgjegjen e secilit se si na ka quajtur. Ne kemi qenë pjesë e popullit. Nganjëherë kemi mirëkuptim, se, ndoshta, nga frika e asaj kohe kanë dalë ato deklarime. Ata e kanë ditur shumë mirë se kush jemi ne, po flas për kontaktet jashtëzakonisht institucionale me institucionet e Kosovës për këtë periudhë. Liderët e rezistencës paqësore në atë kohë e kanë ditur shumë mirë se kush jemi ne, për shkak se kanë pasur kontakte me ne.
Klan Kosova: Ka pasur kontakte edhe ish-Kryeministri Bukoshi...
Kadri Veseli: Jo, ai përmendet me qenien e Komandantit Legjendar në Shqipëri. Ju përmendët Mehmet Krajën, i cili ka qenë Përfaqësues i Qeverisë së Kosovës në Tiranë. Pastaj takimi i Adem Jasharit me Rugovën... Shiko, nuk duhet të futemi në spekulime, po flas për një takim në vitin ‘92, ndoshta mund të jetë edhe ‘93, mund të gaboj... Por, kush ka dashur ta dijë, e ka ditur se kush jemi ne.
Klan Kosova: Dalja e UÇK’së krijoi një atmosferë tjetër në Kosovë. Tabori i paqes, në një mënyrë apo tjetër, e përfundoi misionin. Por, ajo goditja më e madhe UÇK’së i vjen në janar dhe mars të vitit ‘98. A keni besuar se Serbia do të jetë aq e ashpër dhe aq gjenocidale me Familjen Jashari dhe çfarë domethënieje ka pasur për ju atëherë?
Kadri Veseli: Së pari, me lejoni t’ju korrigjoj. Asnjëherë, në asnjë rast, veprimtaria jonë nuk ka pasur për qëllim ta sfidojë lëvizjen e rezistencës paqësore. Ne, në fakt, e kemi pasur një mision: çlirimin e Kosovës. Historianët do ta tregojnë më së miri këtë.
Po dalim te janari dhe marsi ‘98, kur sulmohet Familja Jashari dhe në mes të janarit dhe marsit, është shkurti kur bëhet një masakër shumë e rëndë në Likoshan. Ne kemi qenë të vetëdijshëm për rrethanat dhe rrezikshmërinë që kemi pasur. Është gabim të mendojë dikush se e kemi bërë vetëm pse kemi pasur dëshirë. Por, ka qenë një çmim që është dashur të paguhet. Ka qenë një çmim që dikush është dashur të tregojë se këtu është dikush që i thotë Serbisë: “Mjaft dhe Ndal”. Ky çmim është paguar me një sakrificë shumë të madhe të të gjithë atyre familjeve, duke specifikuar Familjen Jashari. Por, askush mos të mendojë se dikush e sakrifikon me dëshirë familjen e tij, por me vetëdije futet në rezistencë të një të keqeje, kundër dikujt që dëshironte të tjetërsonte dhe të zhdukte nga toka jote.
Klan Kosova: Kemi një masivizim të UÇK’së. Dihet se çfarë ka ndodhur, por nuk e dinë se Kadri Veseli ka qenë një prej njerëzve kryesorë të UÇK’së dhe që ka qenë zyrtarisht pjesë e delegacionit të Kosovës në Rambouillet...
Kadri Veseli: Unë kam qenë Këshilltar për Siguri i Delegacionit të Kosovës në Rambouillet. Në fakt, unë kam koordinuar një grup të këshilltarëve që kemi pasur, të cilët kanë qenë vendorë dhe nga Shtetet e Bashkuara e nga Shqipëria... Kanë qenë Dino Hasanaj, Shinasi Rama, por nuk duhet harruar edhe një burrë jashtëzakonisht meritor që është Vladimir Prela, që më pas ka qenë edhe Ambasador në Prishtinë. Pastaj ka qenë një vajzë, ja kam harrur mbiemrin. Ajo vinte nga SHBA dhe quhej Afërdita, më duket. Pastaj edhe Agim Çekun e kemi marrë në Paris.
Klan Kosova: Agim Çeku ka qenë kontakti juaj personal edhe më herët?
Kadri Veseli: Është e vërtetë, pas kontakteve që kemi pasur me vëllain e tij, i cili ka qenë një nga aktivistët tanë në Zvicër, biem në kontakt me Agim Çekun. Në mos gabofsha, ai vjen në korrik ose gusht ‘98 në Shqipëri dhe takohemi me të. Me Çekun, unë dhe Hashim Thaçi kemi mbajtur takime të shpeshta. Jemi takuar në Zvicër, në Itali, në Slloveni... Ai është shprehur i gatshëm t’i bashkohet luftës, pasi që ne kishim nevojë për njerëz profesionistë, për njerëz të cilët kishin dijeni dhe guxim për të luftuar. Ai ka qenë i gatshëm të vijë shumë më herët, po flas për periudhën tetor-nëntor, por kishte disa probleme individuale të cilat ia shtynë ardhjen në Kosovë.
Klan Kosova: Pra, delegacionit në Rambouillet iu bashkua edhe Agim Çeku?
Kadri Veseli: Po, unë thashë se ne kemi qenë shumë herë në kontakt me Agim Çekun. Bisedimet në Rambouillet janë zhvilluar në rrethana shumë të vështira...
Klan Kosova: Ju keni qenë shumë i ashpër edhe ndaj dokumentit të sigurisë që ju është ofruar në Rambouillet...
Kadri Veseli: Jo, do të flas nga konteksti kohor në të cilin kemi qenë. Refuzim nuk ka qenë, se po të ishte ashtu, ashtu do të mbetej. Ne kemi pasur shqetësimin se të trumbetosh për një Kosovë të pavarur dhe në të njëjtën kohë të pranosh që në Kosovë të lejohet sovraniteti i të ashtuquajturës Jugosllavi ka qenë shqetësim për ne. Ne jemi futur në Kosovë, kemi pasur një barrë të madhe, në ‘98 dhe ‘99 janë vrarë me qindra njerëz, kanë pësuar më mijëra familje.
Klan Kosova: A e keni pasur parasysh se sa e fortë ka qenë Serbia?
Kadri Veseli: Më i fortë çdoherë në luftë është vullneti i popullit. Ky ka qenë gabim i shumë njerëzve që i kanë llogaritur numrat e tankeve dhe armatimin e Serbisë. Më i fortë se çdo tank ka qenë vullneti i ushtarëve tanë. Po e them një fakt. Jam shumë i sigurt se kur na kanë mësyrë në Llapushnik, më shumë ka pasur tanke të pushtuesit sesa që kemi pasur ne predha të ashtuquajtura 500’she.
Klan Kosova: Të kthemi te fundi i Rambouillet. Ju keni qenë të bindur se dokumentet që po nënshkruanit do të mirëpriteshin edhe në terren?
Kadri Veseli: Kjo ka qenë edhe arsyeja që tentohet të krijohen keqkuptime. Ne kemi kërkuar dy javë. Unë po e them publikisht, këtë e ka thënë edhe Hashim Thaçi, nuk do të pranonim që të mbeteshin disa bashkëluftëtarë tonë nëpër male në emër të vazhdimit të kauzës, dhe ne të pranonim një marrëveshje. Ne kemi thënë se i duam dy javë kohë për të biseduar me njerëzit tanë në terren. Ne i kemi pasur njerëzit jashtëzakonisht të kuptueshëm. Kur jemi kthyer, jemi takuar në Obri me tre komandantë zonash, nuk do t’i përmend me emër. Dhe, a e dini se çka na ka thënë njëri prej tyre? Kur kemi dalë nga takimi, ai ka thënë: “Nëse ju nuk do ta pranonit, as ne nuk do ta pranojmë marrëveshjen, por nëse ju e pranoni, edhe ne do ta pranojmë. Jemi futur bashkë në luftë dhe bashkë do të dalim”. Ky ka qenë vendim unanim i të gjithë komandantëve të zonave dhe atëherë për ne ka qenë më e lehtë. Nuk është e lehtë të luftosh një jetë të tërë dhe në fund ta përfundosh me turp. Atë nuk do ta pranonim kurrë. Më parë do ta pranonim vdekjen sesa fundin me turp.
Klan Kosova: Pas Rambouillet filluan bombardimet e NATO’s. Ju keni qenë njeriu kryesor i UÇK’së për t’i dhënë NATO’së shënjestrat që duhej të goditeshin...
Kadri Veseli: Ne fakt, në atë kohë kemi pasur një partneritet shumë të mirë me shërbimet inteligjente të vendeve perëndimore. Kemi vazhduar atë bashkëpunim posaçërisht në targetimin e caqeve të armikut, të cilat kanë qenë vendimtare për shpëtimin e dhjetëra njerëzve. Ai targetim që e kemi bërë ne, ka ndihmuar të goditet armiku dhe në të njëjtën kohë të mos shkatërrohen caqet vitale ekonomike të vendit.
Klan Kosova: E keni harruar ndonjë target... Ose çfarë do të donit të shkatërrohej, po ta kishe fuqinë?
Kadri Veseli: Çdoherë njeriu më pas mendon se disa gjëra do të mund t’i kryente më mirë. Mirëpo, për asgjë nuk jemi penduar. Përkundrazi, jemi krenarë.
(Shënim: Në numrin e ardhshëm, i cili del më 4 janar, Express boton pjesën e dytë të intervistës së Ish-Shefit të SHIK’ut, Kadri Veseli, dhënë për Klan Kosova. Aty, ai flet për periudhën e pasluftës, aktivitetin e SHIK’ut, kontaktet me institucionet vendore e ndërkombëtare.)
 |
| Kadri Veseli (Foto: Jetmir Idrizi) |
Nga Express
Në LPRK hyra në mesin e viteve ‘80. Isha ndër pjesëmarrësit dhe organizatorët e demonstratave të asaj kohe. Lidhja ime me Hashim Thaçin është jashtë kontekstit politik. Nuk kemi dashur kurrë ta sfidojmë lëvizjen paqësore. Në Rambouillet, koordinoja këshilltarët e Delegacionit të Kosovës. Më 1999, targetoja caqet që duhej të goditeshin nga NATO. Kështu e përshkruan veprimtarinë e tij në luftë Kadri Veseli, në intervistën e parë, në Zonën e Debatit me Baton Haxhiun, në TV Klan Kosova. Express ka ekskuzivitetin e botimit të saj
Klan Kosova: Pse nuk keni bërë jetë publike, meqenëse ishit njeriu i parë i një institucioni kaq të rëndësishëm dhe kaq të përfolur?
Kadri Veseli: Kam pasur fatin të jetoj si shumica e pjesëtarëve të vendit tim në rrethana shumë të vështira. Duke pasur parasysh përgjegjësinë që kam mbajtur, e cila ka qenë e ndjeshme, gjithmonë jam munduar të jem i kujdesshëm për veprimet dhe deklaratat e mia. Megjithatë, në parim, puna që e kam bërë unë si Shef i SHIK’ut, ashtu sikurse puna e çdonjërit që punon në shërbimet inteligjente, nuk është aq transparente. Por, po e theksoj, kam qenë jashtëzakonisht afër me të gjithë ata njerëz që i kanë krijuar mediet publike, kam pasur bashkëpunim jashtëzakonisht të mirë - duke ju përfshirë edhe juve - ashtu sikurse edhe shoqërinë civile, për ç’gjë i falënderoj të gjithë. Ndoshta të gjithë së bashku kemi arritur këtu ku jemi sot.
Klan Kosova: Nuk besoj se gjithë ata kanë qenë pjesëtarë të SHIK’ut...
Kadri Veseli: Asgjë më krenare nuk është sesa t’i shërbesh vendit tënd. Por, kryesore është që duhet të jemi të vetëdijshëm dhe të përgjegjshëm për atë që e bëjmë.
Klan Kosova: Në njëfarë mënyre, njerëzit në Kosovë kanë paragjykime për shërbimet inteligjente. Kjo edhe për faktin që kanë jetuar shumë keq nën UDB’në, KOS’in... Pikërisht kjo ka ndikuar që ju të mos bëni jetë publike?
Kadri Veseli: Përjetimet e të gjitha vendeve, veçanërisht ato të vendeve të Europës Juglindore, në raport me shërbimet inteligjente kanë qenë negative. Për arsye se kanë përjetuar rrethana të ndryshme, të cilat shpesh u kanë kushtuar me jetën e anëtarëve të familjeve. Edhe në popullin tonë ka qenë një rrethanë e tillë, duke pasur parasysh karvanin që kemi kaluar. Këtu po flas për periudhën para ’45, pas ’45, e veçanërisht gjatë viteve të aparteidit. Gjatë kësaj kohe, roli i këtyre shërbimeve, të cilat kanë qenë të fshehta dhe ekzekutive, shpesh ka qenë fatal për jetën e njeriut. Ndoshta kjo mund të jetë edhe një përvojë për institucionet tona, që të jenë të kujdesshme dhe ta dinë rolin e atyre njerëzve që i shërbejnë vendit.
Klan Kosova: Atëherë do të ishte mirë që t’u tregonit shikuesve diçka nga biografia juaj. Në fillim, paralajmërova se ju vini nga një familje, ku tre pjesëtarë të familjes kanë qenë të burgosur në vitin 81...
Kadri Veseli: Janë persekutime që i ka kaluar gjithë popullata e Kosovës dhe nuk ka qenë vetëm një familje specifike. Është e vërtetë se gjatë viteve ’80 ka pasur shumë burgosje, mes të cilave edhe dy vëllezërit e mi dhe një djalë i axhës, i cili ka mbajtur afërsisht 7 vjet burg.
Klan Kosova: A keni qenë i motivuar nga ky rast për një jetë tjetër?
Kadri Veseli: Motivimi gjithmonë vjen nga ajo se çka kërkon populli im. Populli im ka qenë i pakënaqur me situatën që e ka pasur në ato rrethana. Ndoshta ai ka qenë motivi kryesor. Është pak e vështirë të flas për vetën dhe familjen time. E them prapë, personalisht, por edhe si familje, ashtu sikurse i gjithë populli i Kosovës, e kemi dhënë provimin për të dhënë diçka të mirë për vendin tonë.
Klan Kosova: Ju keni bërë jetë të mbyllur dhe shumë njerëz nuk ju njohin. Për t’ua përkujtuar, unë kam mësuar se ju keni qenë anëtar i LPRK’së që në vitin ‘86...
Kadri Veseli: Nuk kam bërë jetë të mbyllur. Kam pasur relacione me shumicën e medieve publike, me të cilat kemi bashkëpunuar, në kuptim profesional, për të mirën e vendit. Por, unë qysh i ri, në mesin e viteve ’80, jam angazhuar në organizatat atdhetare, siç ka qenë Lëvizja Popullore për Republikën e Kosovës, e cila ka lindur si kërkesë popullore për luftë çlirimtare me mjete të armatosura.
Klan Kosova: Atje do të vijmë më vonë. Unë dua të rikujtoj se ju keni qenë mik i mirë me Afrim Zhitinë dhe qysh në atë kohë ju njiheni edhe me Kryeministrin aktual, Hashim Thaçin...
Kadri Veseli: Është e vërtetë se kemi pasur bashkëpunim të plotë me dëshmorin e madh Afrim Zhitinë, ose Faik Fazliun... Ne kemi qenë bashkë, sidomos pas rrethanave që u krijuan pas protestës së 31 majit ‘89 në Besianë, kur një grup yni u konfrontua me forcat serbe, siç quhej Çeta e Llapit, dhe ata dolën në ilegalitet. Pastaj, secili prej nesh ka marrë pjesë në procesin e mbajtjes së këtyre njerëzve në ilegalitet, në kuptim të strehimit dhe sigurimit. Një pjesë e tyre kanë arritur me sukses të strehohen. Në përgjegjësinë time dhe të Hashim Thaçit ka qenë që ta strehojmë Hasan Ramadanin dhe Bedri Blakqorin.
Klan Kosova: Në një intervistë të gjatë, që Hashim Thaçi i ka dhënë emisionit “Opinion”, ka thënë se ju e keni ftuar atë që të jetë pjesëtar i LPRK’së...
Kadri Veseli: Njeriu, së pari, personalisht i përgjigjet thirrjes për atdhe, e gjen vetë rrugën. Unë kam pasur fatin jetësor që të kem bashkëpunim me Z. Thaçi. Është një bashkëpunim jashtë kontekstit aktual politik, është bashkëveprim që na lidh shumë më shumë sesa aktualitetet politike. Është një jetesë, është një përjetim që e kemi kaluar së bashku në momentet më të mira dhe më të vështira të jetës sonë.
Klan Kosova: Të kthehemi te periudha e fundviteve ’80. LPRK ka qenë nismëtare dhe organizatore e demonstratave të vitit ‘88-‘89. A është e vërtetë se ju jeni infiltruar në këto protesta?
Kadri Veseli: Ne, secili, kemi pasur përgjegjësinë tonë në organizimin e demonstratave.
Klan Kosova: Përveç Hashim Thaçit në këtë proces, kush ka qenë i implikuar? Fisnik Cukaj...?
Kadri Veseli: Është periudhë e mëvonshme, veçanërisht në Unionin e Studentëve ka qenë Fisnik Cukaj, Skënder Sallaukaj... Por, për të mos ju mbetur borxh, kanë qenë edhe shumë e shumë të tjerë.
Klan Kosova: Më kujtohet fjalia që ma patët thënë në vitin ’90: “Po shkojmë në Shqipëri që ta organizojmë luftën”. Vërtet shkuat për ta organizuar luftën dhe a kishit besim në këtë luftë?
Kadri Veseli: Populli i Kosovës ka pasur besim në çlirimin e vet. Alternativa e vetme në ato rrethana, e që më vonë u vërtetua si e drejtë, ka qenë lufta e armatosur. Lufta në Kosovë është bërë në Kosovë, ka aktivitetin në Kosovë, burimin në Kosovë dhe është zhvilluar në Kosovë. Pastaj, secili prej nesh i ka marrë përgjegjësitë e veta. Në këtë kontekst, Shqipëria ka qenë vendi amë, ka qenë vendstrehim, vendtrajnim, vendfurnizim, ka qenë vendtakim. Shteti shqiptar, në të gjitha rrethanat, e ka ndihmuar luftën e popullit të Kosovës.
Klan Kosova: Kur keni shkuar në Shqipëri për herë të parë?
Kadri Veseli: Herën e parë kam shkuar në vitin 1991, më duket.
Klan Kosovë: Sa më kujtohet, në biografinë tuaj shkruan se ju keni shkuar për herë të parë në Shqipëri në janar të vitit ‘92...
Kadri Veseli: Pastaj ka qenë qëndrim më permanent në Shqipëri.
Klan Kosova: Normalisht, ju keni kaluar ilegalisht në Shqipëri, asnjëherë me pasaportë tuajën?
Kadri Veseli: Çdoherë kam kaluar ilegalisht. Dokumenti im zyrtar ka qenë Kadri Veseli.
Klan Kosova: Me cilët njerëz ju shkuat në Shqipëri?
Kadri Veseli: Varet nga rrethanat kohore, kur kemi udhëtuar. Kam udhëtuar me mijëra njerëz. Nëse flasim për vitin ‘91, atëherë kam shkuar me Skënder Sallaukën, i cili ka qenë Sekretar i Unionit (të Studentëve të UP’së) në atë kohë dhe me Sinan Aliun. Pastaj në ‘92 me Naser Krasniqin...
Klan Kosova: Atje e keni takuar edhe Grupin e Prekazit?
Kadri Veseli: Në fakt, Grupi i Prekazit, i udhëhequr nga Komandanti Legjendar, ka ardhur në shtator të vitit 1992.
Klan Kosova: Në librin e tij, Mehmet Kraja e përshkruan shumë mirë se ku ka qenë i vendosur Grupi i Prekazit. Sipas tij, ka qenë i vendosur në Hotelin Ushtarak...
Kadri Veseli: Po, ka qenë i vendosur në Hotelin Ushtarak, normalisht ka qenë në mënyrë zyrtare i vendosur aty. Kemi qëndruar aty, diku, gjashtë muaj. Pas një muaji, unë së bashku me Sami Lushtakun, Iliaz Kodrën, Sahit Jasharin - me vendim të Komandantit Legjendar - jemi kthyer në Kosovë, për arsye se e kishim ndërmend ta vazhdonim luftën çlirimtare. Kjo ka ndodhur pas kryerjes së aksionit të parë në Stacion të Autobusëve të Drenasit. Grupi i parë kemi kaluar në ‘92 në Kosovë.
Klan Kosova: Mehmet Kraja thotë se kemi qenë në përgatitje të pasaportave për djemtë që kishin ardhur në Tiranë, për t’i dërguar në Zvicër. Por, sipas tij, shumica e tyre, përfshirë edhe Adem Jasharin, nuk pranuan...
Kadri Veseli: Në vitin 1991 filluan goditjet e grupeve që kishin ushtruar në Shqipëri. Ishte një fat i keq se ato u zbuluan dhe u goditën. Mes këtyre grupeve ishte edhe ai i Adem Jasharit. Atëherë në vitin ‘91’ familja e tij u sulmua, ku ai së bashku me familjen dhe shokët rezistuan me sukses. Në vitin ‘92, ne ishim të interesuar që ta vazhdonim luftën, e jo ta lëshonim Kosovën.
Klan Kosova: Gjatë kësaj kohe, a keni pasur kontakte me organet zyrtare të Shtetit Shqiptar?
Kadri Veseli: Ka pasur kontakte. Me vetë faktin që kemi qenë të vendosur në Hotelin Ushtarak, dëshmon se kemi pasur kontakte me Shtetin Shqiptar. Ai nuk ka qenë hotel komercial, por hotel i Shtetit Shqiptar.
Klan Kosova: Në Shqipëri, ju e keni përjetuar edhe ndarjen e LPRK’së?
Kadri Veseli: Organizimet ilegale e kanë pasur një të metë. Pasi që janë krijuar disa situata kur njerëzit për gjëra shumë të vogla janë përçarë dhe janë ndarë. Dhe, këto na kanë kushtuar. Ndarja ndodh në vitin ‘93. Atëherë krijohet LKÇK dhe LPRK transformohet në LPK.
Klan Kosova: Ju mbetët në LPK apo në LKÇK?
Kadri Veseli: Një nga themeluesit e LKÇK’së ka qenë bashkëpunëtori im më i afërt, Raif Qela, i cili ka qenë nga Mitrovica. Një djalë shumë i zgjuar dhe i shkathët. Unë kam mbajtur relacione shumë të mira me të dyja grupet.
Klan Kosova: Cilit krah i keni takuar? Unë kam informacione se në vitin ‘93 nuk i keni takuar Lëvizjes...
Kadri Veseli: Jemi duke folur për periudhën ‘92, atëherë kur ka ndodhur aksioni i parë, për të mos harruar kontributin e Xhavit Hazirit, i cili ka qenë ndër udhëheqësit e Lëvizjes në atë kohë. Ne kemi pasur një vendim, i cili forcohet në Kërçovë më pas, që të vazhdohet me luftën e armatosur. I kishte humbur kuptimi luftës vetëm politike. Populli largohej me të madhe nga vendi, rrezikohej “Spastrimi i Bardhë” i Kosovës. Pra, rrezikoheshim ta humbnim vendin pa dinjitet.
Klan Kosova: Kur shkuat ju në Zvicër?
Kadri Veseli: Pas goditjes, kur u arrestuan një pjesë e madhe e shokëve tonë. Fillimisht u arrestua Raif Qela, pastaj Avni Klinaku. Pastaj, në korrik-gusht ’93, goditemi shumë rëndë, kur familjet tona përjetuan ngjarje të rënda.
Klan Kosova: Prej asaj kohe, ju kaluat në ilegalitet?
Kadri Veseli: Në fakt, edhe më herët ishim në ilegalitet, por pas gushtit ‘93 kemi qenë në ilegalitet të thellë për pushtuesin.
Klan Kosova: Vjen një periudhë e rëndë, periudha e Dejtonit, kur iu dha goditja Kosovës për të mos qenë pjesë e projektit të bisedimeve. Për Kadri Veselin dhe grupin tuaj, çfarë domethënie ka pasur kjo?
Kadri Veseli: Ne të gjithë jemi munduar të bëjmë diçka, si popull. Realisht, Dejtoni i ka goditur përpjekjet e deriatëhershme paqësore. Në fakt, Dejtoni dhe përjashtimi i Kosovës nga ajo marrëveshje dhe nga bisedimet, pastaj fakti që Delegacioni i Kosovës nuk u lejua as të merrte pjesë në korridore të ndërtesës ku zhvilloheshin bisedimet.... Kjo tregoi edhe një herë drejtëshmërinë e rrugës sonë të armatosur.
Klan Kosova: Atëherë u mor vendimin për formimin e UÇK’së?
Kadri Veseli: Jo, ka qenë themeluar më herët.
Klan Kosova: Mos thoni, Z. Veseli, se UÇK është themeluar gjatë viteve ‘92, ‘93 gjatë takimeve me Grupin e Prekazit?
Kadri Veseli: Do të mundohem të jem shumë i qartë dhe shumë i shkurtër. Shpesh bëhen gabime nga ata që mundohen t’i paraqesin rrethanat e asaj kohe nga konteksti aktual. Atëherë ne kemi jetuar në rrethana të vështira. UÇK është krijuar si produkt i rrethanave nacionale të asaj kohe. Në fund të vitit ‘91 dhe në fillim të vitit ‘92, ne i kemi marrë aksionet e para të armatosura...
Klan Kosova: Këto kanë qenë aksione individuale...
Kadri Veseli: Jo, nuk kanë qenë individuale, por kanë qenë jashtëzakonisht mirë të organizuara. Pastaj, në vitin ‘93, diku në mars, kur u kthyem nga Shqipëria, së bashku edhe më Komandantin Legjendar dhe me Jakup Nurën, kemi mbajtur një takim i cili mund të konsiderohet faktikisht si themelim zyrtar i UÇK’së, po flas për marsin e vitit ‘93. Takimi është mbajtur në Odën e Jasharajve, odë kjo që tash është muze.
Klan Kosova: Tash nuk po hyjmë t’i përmendim emrat e atyre njerëzve, sepse mund ta harrojmë dikë dhe hidhërohen...
Kadri Veseli: Ka qenë vendosmëria, ka qenë përcaktimi i të gjithëve neve, duke pasur parasysh një flamur që kemi pasur, pra që ka qenë Adem Jashari.
Klan Kosova: Si janë zhvilluar ngjarjet më pastaj? Hashim Thaçi thotë se më pas keni kaluar kufirin me Shqipërinë për dhjetëra herë...
Kadri Veseli: Në fakt, ne në luftë ishim që nga momenti kur kemi goditur Stacionin e Drenasit.
Klan Kosova: Këto kanë qenë aksione guerile, unë po flas për aksione ushtarake...
Kadri Veseli: Koncept më ushtarak nuk mund të konsiderohet sesa një aksion i organizuar për kohë të gjatë, me informacione shumë të sigurta për vendndodhjet e armikut dhe pa pasoja anësore.
Klan Kosovë: Kur realisht ju vendosët t’i shpërndani të gjithë këta njerëz të armatosur nëpër Kosovë dhe të filloni luftën?
Kadri Veseli: Unë thashë, kjo ka filluar që nga viti ‘92 dhe pastaj masovizimet kanë filluar në vitin ‘96. Mos të harrojmë se edhe në vitin ‘94, në ’95, ka pasur aksione tona, aksione këto shumë të suksesshme dhe shumë mirë të organizuara. Unë e kuptoj pyetjen tuaj, pasi që aksionet tona që janë kryer në të njëjtën ditë dhe në të njëjtën orë në lokalitete të ndryshme, konsiderohen si fillim i luftës së armatosur. Çdoherë aksioni ynë ushtarak ka qenë i ndërthurur me aksionin politik, sepse kemi dashur të tregojmë se populli i Kosovës nuk e duron më këtë gjendje.
Klan Kosova: Pastaj ka qenë një periudhë e rëndë, kur shumë udhëheqës të lëvizjes së armatosur u goditen...
Kadri Veseli: Ka qenë janari i vitit ‘97, pra kur u vra Zahir Pajaziti. Kjo ka qenë ndër goditjet më të rënda, duke pasur parasysh se Zahir Pajaziti ka qenë një ndër motorët e lëvizjes çlirimtare dhe kjo ka qenë humbje e madhe për ushtrinë tonë. Por, edhe kemi pasur fat, pasi që këto humbje na fuqizuan. Në këtë kontekst ka ndikuar edhe burrëria e atyre tri familjeve, të cilat na lejuan neve si Shtab i Përgjithshëm të themi se ata njerëz janë vrarë si pjesëtarë të Ushtrisë Çlirimtare të Kosovës. Kjo për ne kishte domethënie të madhe, duke pasur parasysh rrethanat absurde që na përcillnin.
Klan Kosova: Një pjesë e udhëheqësve edhe u burgosën në atë kohë...
Kadri Veseli: U burgos një nga shtyllat e UÇK’së, Nait Hasani, ashtu sikurse edhe shumë djem tjetër.
Klan Kosova: Nait Hasani ka qenë Komandat i UÇK’së për Kosovë?
Kadri Veseli: Ai ka qenë një nga njerëzit kryesorë të UÇK’së, nuk mund të them Komandat.
Klan Kosova: Kur u shqiptuan dënimet në qershor të vitit ‘97, ju vendoset t’i intensifikonit sulmet. Ndodhën luftimet më 26 nëntor 1997 dhe më 28 nëntor 1997, UÇK doli publikisht...
Kadri Veseli: Edhe pas rënies së këtyre dëshmorëve, ne kemi vazhduar aktivitetin tonë. Dua të them se pas shkurtit ’97 ka qenë një periudhë tragjike, thyerja e depove në Shqipëri, ajo kriza nacionale. Por, në të njëjtën kohë u arrit të merret një pjesë e atij armatimi që ishte i domosdoshëm për luftën e armatosur.
Klan Kosova: I keni blerë ato armë apo ju janë dhuruar?
Kadri Veseli: Do të flas fare hapur. Në çdo mënyrë ne kemi dashur ta zhvillojmë luftën. Shteti Shqiptar ka ndihmuar, por edhe kur ka pasur nevojë, i kemi blerë. Po kthehem te dalja publike e UÇK’së. Ajo ka qenë një dalje shumë natyrale, pasi që në atë kohë njerëzit tonë kishte 2-3 muaj që dilnin publikisht në atë rajon dhe popullata i njihte.
Klan Kosova: Mos harroni se partitë politike këtu ju konsideronin njerëz të UDB’së...
Kadri Veseli: Nuk dua të futem në rrethanat e deklarimeve që janë bërë. Le të jetë në ndërgjegjen e secilit se si na ka quajtur. Ne kemi qenë pjesë e popullit. Nganjëherë kemi mirëkuptim, se, ndoshta, nga frika e asaj kohe kanë dalë ato deklarime. Ata e kanë ditur shumë mirë se kush jemi ne, po flas për kontaktet jashtëzakonisht institucionale me institucionet e Kosovës për këtë periudhë. Liderët e rezistencës paqësore në atë kohë e kanë ditur shumë mirë se kush jemi ne, për shkak se kanë pasur kontakte me ne.
Klan Kosova: Ka pasur kontakte edhe ish-Kryeministri Bukoshi...
Kadri Veseli: Jo, ai përmendet me qenien e Komandantit Legjendar në Shqipëri. Ju përmendët Mehmet Krajën, i cili ka qenë Përfaqësues i Qeverisë së Kosovës në Tiranë. Pastaj takimi i Adem Jasharit me Rugovën... Shiko, nuk duhet të futemi në spekulime, po flas për një takim në vitin ‘92, ndoshta mund të jetë edhe ‘93, mund të gaboj... Por, kush ka dashur ta dijë, e ka ditur se kush jemi ne.
Klan Kosova: Dalja e UÇK’së krijoi një atmosferë tjetër në Kosovë. Tabori i paqes, në një mënyrë apo tjetër, e përfundoi misionin. Por, ajo goditja më e madhe UÇK’së i vjen në janar dhe mars të vitit ‘98. A keni besuar se Serbia do të jetë aq e ashpër dhe aq gjenocidale me Familjen Jashari dhe çfarë domethënieje ka pasur për ju atëherë?
Kadri Veseli: Së pari, me lejoni t’ju korrigjoj. Asnjëherë, në asnjë rast, veprimtaria jonë nuk ka pasur për qëllim ta sfidojë lëvizjen e rezistencës paqësore. Ne, në fakt, e kemi pasur një mision: çlirimin e Kosovës. Historianët do ta tregojnë më së miri këtë.
Po dalim te janari dhe marsi ‘98, kur sulmohet Familja Jashari dhe në mes të janarit dhe marsit, është shkurti kur bëhet një masakër shumë e rëndë në Likoshan. Ne kemi qenë të vetëdijshëm për rrethanat dhe rrezikshmërinë që kemi pasur. Është gabim të mendojë dikush se e kemi bërë vetëm pse kemi pasur dëshirë. Por, ka qenë një çmim që është dashur të paguhet. Ka qenë një çmim që dikush është dashur të tregojë se këtu është dikush që i thotë Serbisë: “Mjaft dhe Ndal”. Ky çmim është paguar me një sakrificë shumë të madhe të të gjithë atyre familjeve, duke specifikuar Familjen Jashari. Por, askush mos të mendojë se dikush e sakrifikon me dëshirë familjen e tij, por me vetëdije futet në rezistencë të një të keqeje, kundër dikujt që dëshironte të tjetërsonte dhe të zhdukte nga toka jote.
Klan Kosova: Kemi një masivizim të UÇK’së. Dihet se çfarë ka ndodhur, por nuk e dinë se Kadri Veseli ka qenë një prej njerëzve kryesorë të UÇK’së dhe që ka qenë zyrtarisht pjesë e delegacionit të Kosovës në Rambouillet...
Kadri Veseli: Unë kam qenë Këshilltar për Siguri i Delegacionit të Kosovës në Rambouillet. Në fakt, unë kam koordinuar një grup të këshilltarëve që kemi pasur, të cilët kanë qenë vendorë dhe nga Shtetet e Bashkuara e nga Shqipëria... Kanë qenë Dino Hasanaj, Shinasi Rama, por nuk duhet harruar edhe një burrë jashtëzakonisht meritor që është Vladimir Prela, që më pas ka qenë edhe Ambasador në Prishtinë. Pastaj ka qenë një vajzë, ja kam harrur mbiemrin. Ajo vinte nga SHBA dhe quhej Afërdita, më duket. Pastaj edhe Agim Çekun e kemi marrë në Paris.
Klan Kosova: Agim Çeku ka qenë kontakti juaj personal edhe më herët?
Kadri Veseli: Është e vërtetë, pas kontakteve që kemi pasur me vëllain e tij, i cili ka qenë një nga aktivistët tanë në Zvicër, biem në kontakt me Agim Çekun. Në mos gabofsha, ai vjen në korrik ose gusht ‘98 në Shqipëri dhe takohemi me të. Me Çekun, unë dhe Hashim Thaçi kemi mbajtur takime të shpeshta. Jemi takuar në Zvicër, në Itali, në Slloveni... Ai është shprehur i gatshëm t’i bashkohet luftës, pasi që ne kishim nevojë për njerëz profesionistë, për njerëz të cilët kishin dijeni dhe guxim për të luftuar. Ai ka qenë i gatshëm të vijë shumë më herët, po flas për periudhën tetor-nëntor, por kishte disa probleme individuale të cilat ia shtynë ardhjen në Kosovë.
Klan Kosova: Pra, delegacionit në Rambouillet iu bashkua edhe Agim Çeku?
Kadri Veseli: Po, unë thashë se ne kemi qenë shumë herë në kontakt me Agim Çekun. Bisedimet në Rambouillet janë zhvilluar në rrethana shumë të vështira...
Klan Kosova: Ju keni qenë shumë i ashpër edhe ndaj dokumentit të sigurisë që ju është ofruar në Rambouillet...
Kadri Veseli: Jo, do të flas nga konteksti kohor në të cilin kemi qenë. Refuzim nuk ka qenë, se po të ishte ashtu, ashtu do të mbetej. Ne kemi pasur shqetësimin se të trumbetosh për një Kosovë të pavarur dhe në të njëjtën kohë të pranosh që në Kosovë të lejohet sovraniteti i të ashtuquajturës Jugosllavi ka qenë shqetësim për ne. Ne jemi futur në Kosovë, kemi pasur një barrë të madhe, në ‘98 dhe ‘99 janë vrarë me qindra njerëz, kanë pësuar më mijëra familje.
Klan Kosova: A e keni pasur parasysh se sa e fortë ka qenë Serbia?
Kadri Veseli: Më i fortë çdoherë në luftë është vullneti i popullit. Ky ka qenë gabim i shumë njerëzve që i kanë llogaritur numrat e tankeve dhe armatimin e Serbisë. Më i fortë se çdo tank ka qenë vullneti i ushtarëve tanë. Po e them një fakt. Jam shumë i sigurt se kur na kanë mësyrë në Llapushnik, më shumë ka pasur tanke të pushtuesit sesa që kemi pasur ne predha të ashtuquajtura 500’she.
Klan Kosova: Të kthemi te fundi i Rambouillet. Ju keni qenë të bindur se dokumentet që po nënshkruanit do të mirëpriteshin edhe në terren?
Kadri Veseli: Kjo ka qenë edhe arsyeja që tentohet të krijohen keqkuptime. Ne kemi kërkuar dy javë. Unë po e them publikisht, këtë e ka thënë edhe Hashim Thaçi, nuk do të pranonim që të mbeteshin disa bashkëluftëtarë tonë nëpër male në emër të vazhdimit të kauzës, dhe ne të pranonim një marrëveshje. Ne kemi thënë se i duam dy javë kohë për të biseduar me njerëzit tanë në terren. Ne i kemi pasur njerëzit jashtëzakonisht të kuptueshëm. Kur jemi kthyer, jemi takuar në Obri me tre komandantë zonash, nuk do t’i përmend me emër. Dhe, a e dini se çka na ka thënë njëri prej tyre? Kur kemi dalë nga takimi, ai ka thënë: “Nëse ju nuk do ta pranonit, as ne nuk do ta pranojmë marrëveshjen, por nëse ju e pranoni, edhe ne do ta pranojmë. Jemi futur bashkë në luftë dhe bashkë do të dalim”. Ky ka qenë vendim unanim i të gjithë komandantëve të zonave dhe atëherë për ne ka qenë më e lehtë. Nuk është e lehtë të luftosh një jetë të tërë dhe në fund ta përfundosh me turp. Atë nuk do ta pranonim kurrë. Më parë do ta pranonim vdekjen sesa fundin me turp.
Klan Kosova: Pas Rambouillet filluan bombardimet e NATO’s. Ju keni qenë njeriu kryesor i UÇK’së për t’i dhënë NATO’së shënjestrat që duhej të goditeshin...
Kadri Veseli: Ne fakt, në atë kohë kemi pasur një partneritet shumë të mirë me shërbimet inteligjente të vendeve perëndimore. Kemi vazhduar atë bashkëpunim posaçërisht në targetimin e caqeve të armikut, të cilat kanë qenë vendimtare për shpëtimin e dhjetëra njerëzve. Ai targetim që e kemi bërë ne, ka ndihmuar të goditet armiku dhe në të njëjtën kohë të mos shkatërrohen caqet vitale ekonomike të vendit.
Klan Kosova: E keni harruar ndonjë target... Ose çfarë do të donit të shkatërrohej, po ta kishe fuqinë?
Kadri Veseli: Çdoherë njeriu më pas mendon se disa gjëra do të mund t’i kryente më mirë. Mirëpo, për asgjë nuk jemi penduar. Përkundrazi, jemi krenarë.
(Shënim: Në numrin e ardhshëm, i cili del më 4 janar, Express boton pjesën e dytë të intervistës së Ish-Shefit të SHIK’ut, Kadri Veseli, dhënë për Klan Kosova. Aty, ai flet për periudhën e pasluftës, aktivitetin e SHIK’ut, kontaktet me institucionet vendore e ndërkombëtare.)
Për ZSH: Gjergj Kabashi
Agim Gashi- Administrator
- Numri i postimeve : 45955
Age : 70
Location : Kosovë
Registration date : 17/11/2008
Kadri Veseli: Historia ime (II)
nga Agim Gashi Mon Jan 11, 2010 3:06 am
Rrëfimi për SHIK’unNga Express më 04.01.2010
SHIK’u
u themelua në kohën e Qeverisë së Përkohshme. Vazhduam veprimtarinë në
dijeni të plotë të institucioneve ndërkombëtare. Kemi bashkëpunuar me
një numër të madh shërbimesh inteligjente të vendeve perëndimore. Në
punën tonë na kanë ndihmuar edhe ish-agjentët e UDB’së. Nga Kabineti i
Tadicit dhe Koshtunicës, kemi marrë dokumente me thasë.
Kjo
është pjesa e dytë e intervistës së Ish Shefit të SHIK’ut, Kadri
Veseli, dhënë për emisionin Zona e Debatit, në Klan Kosova.
Klan Kosova: Na thoni historikun e SHIK’ut. A nis me NATO’n, nis më herët apo nis me UÇK’në?
Kadri Veseli:
Themelimin zyrtar SHIK’u e ka në kohën e Qeverisë së Përkohshme. Duhet
pasur parasysh se në të gjitha rrethanat që kemi vepruar, ne kemi pasur
nevojë për informacione, për arsye se përmes informacioneve, ne kemi
bërë veprimet tona dhe njëkohësisht edhe mbrojtjen tonë.
Klan Kosova: Por është dashur të keni njerëz të shkolluar, z. Veseli...
Kadri Veseli:
Besoj se kanë qenë njerëz, së pari të përkushtuar për vendin e vet, por
edhe të shkolluar. Ata janë shkolluar në shkollat të cilat i kanë
shërbyer interesit të atdheut, nga të gjithë ata që kanë qenë në
përkrahje të kauzës sonë kombëtare.
Klan Kosova: Kur fillon historiku i SHIK’ut?
Kadri Veseli: Ju thashë, qysh nga themelimi i UÇK’së ne kemi pasur nevojë për informacione. Pastaj me kalimin e kohës...
Klan Kosova: Kur Kadri Veseli është bërë Shef i SHIK’ut?
Kadri Veseli: Përgjegjësitë
ne në fakt i kemi pasur gjatë kohës së luftës, në periudhën 92-98. Ne
kemi pasur Shtabin e Përgjithshëm dhe Shtabin Operativ të UÇK’së.
Specifikisht me informacione nuk e kemi pasur atë ndarjen, por jemi
marrë të gjithë me gjithçka. Jemi marrë me lidership, me logjistikë dhe
me informacione, për arsye se rrethanat kanë qenë të atilla. Pastaj me
kalimin e kohës, pas masivizimit të UÇK’së - po flas për periudhën pas
rënies së Komandantin Legjendar. Në atë kohë pjesa më e madhe e kombit
ishte e gatshme për luftë. Kurse ne kemi pasur kapacitete shumë të
kufizuara për ta armatosur popullin. Unë e di, kanë ardhur studentë nga
UP’ja, kanë qëndruar me ne për javë të tëra dhe ne nuk kemi mundur t’i
armatosim dhe ata janë kthyer në shtëpitë e tyre duke qarë. Në këtë
kontekst, pra masivizimi i luftës, shtroi nevojën e specifikimit të
detyrave, pra po flas për periudhën 98, mos gabofsha diku në muajin maj
të atij viti, pas bisedave që kishim pasur edhe më herët me Agim Çekun,
filluam ta bëjmë më profesionale strukturën e UÇK’së. Atëherë Agim Çeku
- për të mos e harruar as rolin e jashtëzakonshëm të Bislim Zyrapit, i
cili si Shef i Shtabit të Përgjithshëm ka arritur ta strukturojë
ushtrinë - kanë filluar të ndërtohen strukturat specifike të UÇK’së, në
bazë edhe të strukturës së NATO’s, siç ka qenë G1 dhe G2.
Klan Kosova: Çka është G1 dhe G2?
Kadri Veseli: G2 ka qenë Drejtoria e Shërbimit Informativ të Kosovës. Ky vendim është marrë në qershor të vitit ‘98...
Klan Kosova: Kur ju kam takuar unë, në maj të vitit ‘98, a keni qenë ju në atë kohë Shef i SHIK’ut?
Kadri Veseli:
Jo, zyrtarisht, atëherë kam qenë anëtar i Shtabit të Përgjithshëm. Por
pastaj ne kemi marrë detyra specifike në kuadër të organizimit të ri që
kemi bërë.
Klan Kosova: Cilat kanë qenë përgjegjësitë e SHIK’ut dhe qëllimet e SHIK’ut në atë kohë?
Kadri Veseli: Qëllimi
i G2’së ka qenë marrja e informacioneve nga lëvizjet e armikut.
Njëkohësisht G2’ja ka pasur strukturën e vet të ndarë në njësi,
brigada, batalione, kompani e deri te njësitë zbuluese, të cilat kanë
pasur për detyrë që të marrin informacione për lëvizjet e armikut, kanë
pasur për detyrë që të bëjnë veprime konkrete në shërbim të luftës
çlirimtare, siç është mbrojtja, por edhe atakimi.
Klan
Kosova: Ju thatë që në një kohë keni punuar të gjithë gjithçka. Por a
ka pasur trajnime dhe kurse për detyra specifike. P.sh. ju a keni bërë
kurs për inteligjencë?
Kadri Veseli: Të gjithë ne jemi shkolluar, të gjithë jemi përgatitur me kalimin e kohës. Po
flas për shumicën e njerëzve që kanë qenë në strukturat inteligjente,
kanë kaluar nëpër trajnime dhe edukime më të avancuara të mundshme,
duke filluar nga trajnimet bazike.
Klan Kosova: Kur e keni bërë trajnimin e parë?
Kadri Veseli:
Trajnimet kanë qenë permanente, por në mënyrë më zyrtare e kemi bërë në
gusht apo shtator të vitit 98 - nuk po specifikoj në cilin vend, kur
kemi filluar trajnimin e rreth 20 djemve të rinj...
Klan Kosova: Vend europian, besoj...
Kadri Veseli:
Shumica e atyre të rinjve kanë qenë studentë ose intelektualë të rinj,
pjesa dërrmuese e tyre kanë qenë udhëheqës të lëvizjes studentore.
Klan Kosova: A e keni ruajtur këtë bërthamë më vonë?
Kadri Veseli: Kjo në fakt ka qenë bërthama e Shërbimit Informativ të Kosovës.
Klan Kosova: A e keni vazhduar më vonë shkollimin e oficerëve të SHIK’ut?
Kadri Veseli:
Shkollimi ka vazhduar në mënyrë permanente me specifika të caktuara.
Për të mos e ngarkuar opinionin publik, ato janë trajnime të veçanta
për specifika të caktuara.
Klan Kosova: E di se ndoshta është e vështirë të merren shumë informata nga ju, duke pasur parasysh detyrën që keni ushtruar...
Kadri Veseli: Unë do të jem aq transparent sa më lejon puna që kam bërë.
Klan Kosova: Atëherë, a ka pasur grupe të tjera dhe ku janë trajnuar ato?
Kadri Veseli: Trajnime dhe edukime ka pasur në mënyrë permanente. Nuk d të ishte fer sikurse tash të përmend vendet ku janë bërë trajnimet.
Klan Kosova: Në vitin ‘99, a keni kontaktuar ju me shërbimet inteligjente të vendeve të NATO’s?
Kadri Veseli: Ne
kemi kontaktuar me një pjesë të madhe të shërbimeve inteligjente të
vendeve të ndryshme. Pastaj, me kalimin e kohës, edhe me vetë NATO’n.
Klan Kosova: Gjatë kohës së luftës, a keni pasur kontakte me shefa të shërbimeve inteligjente nëpër male apo në vendet e tjera?
Kadri Veseli: Duhet
pasur parasysh se ne kemi kaluar - siç thotë populli – nëpër birë të
gjilpërës. Legjitimimi i luftës sonë nuk ka qenë aq i lehtë. Ne kemi
kontaktuar me të gjithë ata që kemi mundur të kontaktojmë. Fatmirësisht
ka pasur interesim shumë të madh edhe nga partnerët, të cilët na kanë
ndihmuar, na kanë këshilluar dhe na janë gjendur afër në momentet më të
veçanta.
Klan Kosova: Nëse më kujtohet mua, diçka pak para përfundimit të luftës, ju keni qenë në Francë?
Kadri Veseli:
Specifikisht unë kam lëvizur anekënd vendeve europiane. Unë kam qenë
njeri i hapur dhe kam dëshiruar partneritet me shumicën e shërbimeve.
Klan Kosova: Sa ka zgjatur trajnimi i oficerëve të SHIK’ut?
Kadri Veseli: Trajnimet bazike zakonisht janë gjashtëmujore. Pastaj janë specifikat për secilin aspekt të punës për të qenë profesional. Po
flas për oficerë të vërtetë të shërbimeve inteligjente, për njerëz që i
trajtojnë me seriozitet të gjitha informatat që vijnë. Nëse gjatë
luftës dikush do të na jepte ndonjë informatë që të targetohet një
objekt i caktuar dhe ne mos ta kishim trajtuar atë informatë, çfarë do
të ndodhte nëse në atë objekt do të kishte civilë? Pra, çdo informatë
duhet trajtuar.
Klan Kosova: Dëshiroj të di për veprimtarinë e SHIK’ut në rajon? Pra në Maqedoni, Mal të Zi, Serbi dhe Shqipëri...
Kadri Veseli:
Interesi ynë ka qenë për të pasur raporte të mira. Propaganda më e
madhe, posaçërisht në periudhën 1999-2003, ka qenë se ne pretendojmë ta
bëjmë Shqipërinë e Madhe. Dhe luftërat që janë zhvilluar për të drejtat
e shqiptarëve në Maqedoni dhe në Luginën e Preshevës, kanë tentuar të
interpretohen si pretendime tona nga Kosova, por edhe nga Shqipëria, si
përpjekje për destabilizimin e rajonit dhe krijimin e Shqipërisë së
Madhe. Besoj se këto do të na dëmtonin shumë. Ne gjithherë e kemi
potencuar të kundërtën, ne gjithmonë kemi thënë se Kosova e ka të
ardhmen e vet dhe drejtimin e vet, por shqiptarët në ato vise ku
jetojnë, e kanë përcaktimin e vet përmes përfaqësuesve legjitimë të
tyre. Beogradi është munduar, përmes këtij aduti, që ta bindë
bashkësinë ndërkombëtare se po i hapet rrugë shkatërrimit të disa
shteteve, siç ka qenë Mali i Zi, si një shtet pak më specifik, ose Maqedonisë.
Klan
Kosova: Të kthehemi te viti ‘99. Kur ju, jozyrtarisht, keni deklaruar
se askush nuk mban më përgjegjësi për veprimet individuale të
njerëzve...
Kadri Veseli: Ne kemi pasur ndër luftërat më të
pastra në kuptimin e pastërtisë çlirimtare. Individët duhet të jenë të
përgjegjshëm çdoherë për veprimet që i bëjnë. Përgjegjësinë e mban
secili çka vepron, nëse vepron krye më vete. Ndërkaq, aspektin e
përgjegjësisë komanduese, e mban përgjegjësia komanduese.
Klan
Kosova: Të shkojmë në vitin ‘99. Ju në Lansdowne dhe Erly House, ku
kemi qenë bashkë në një konferencë goxha të rëndë, keni qenë si
përfaqësues i SHIK’ut apo i cilës strukturë?
Kadri Veseli: Më
vjen keq, nuk mund të flasim më shumë për këtë pyetje. Ju thashë edhe
më herët, për vizitat e mia jashtë vendit ose bashkëpunimin që e kam
ndërtuar, nuk mund të flas specifikisht, por vetëm në mënyrë të
përgjithshme. Ajo është pjesë e një historie që i takon Shërbimit
Informativ të Kosovës dhe njerëzit përgjegjës që duhet t’i dinë, i
dinë. Thjesht e kemi një obligim edhe të korrektësisë profesionale në
raport me partnerët.
Klan Kosova: Nëse mund ta dimë, ku i ka pasur zyrat SHIK’u?
Kadri Veseli: Është
pyetje interesante edhe e nevojshme për mua që të përgjigjem si Shef i
atij institucioni. Përgjegjësinë për t’i marrë ato zyra, mu në qendër
të Prishtinës, ka qenë përgjegjësi normalisht e imja. Shumë me vetëdije
e kemi ndërmarrë atë hap.
Klan Kosova: Pse e zgjodhët pikërisht qendrën e Prishtinës, përballë Grandit?
Kadri Veseli:
Ndoshta edhe e ardhmja e ka treguar se ka qenë vendimi më i mençur që e
kemi ndërmarrë. Unë kam mundur të kem zyrë jashtë Prishtinës, në
paralagje... Nuk ka qenë ajo problem. Ne kemi vepruar për interes të
vendit tonë dhe nuk kemi pasur nevojë të fshehim prej njerëzve të
vendit tonë. Për korrektësi, zyrat kryesore kanë qenë te Fakulteti i
Arteve, kanë qenë zyra të cilat më herët i kanë takuar Kombinatit
Trepça dhe të cilat i kemi shfrytëzuar që nga paslufta e deri në
përfundim të misionit.
Klan Kosova: Një zyrë e keni pasur edhe në një kat të ndërtesës ku gjendet sot Aleanca për Ardhmërinë e Kosovës?
Kadri
Veseli: Rajoni i Prishtinës në fakt ka qenë i vendosur aty, të cilin,
me ristrukturimet dhe riorganizimet që i kam zhvilluar si shërbim, kemi
vendosur që të tërhiqemi nga aty. Do të thotë nuk ka asgjë spekulative
në këtë çështje.
Klan Kosova: Desha t’ju pyes rreth vizitave. A ka pasur zyrtarë të shërbimeve të tjera që ju kanë vizituar në zyrat tuaja?
Kadri Veseli: Ne
kemi pasur bashkëpunim, partneritet institucional, me shumicën e
faktorëve, të cilët kanë qenë prezentë në Kosovë. Kemi pasur
partneritet në baza të reciprocitetit dhe respektit të ndërsjellë me
shumicën e shërbimeve inteligjente. Kur e kam përfunduar misionin, kemi
pasur bashkëpunim me afërsisht 25 shërbime inteligjente të vendeve të
ndryshme. Kontaktet kanë qenë të drejtpërdrejta në baza të shpeshta dhe
kontakte në baza periodike që mund të jenë tremujore, gjashtëmujore...
varësisht nga prezenca e tyre. Unë e ndaj kohën më të mirë nga ajo
periudhë, nga ai bashkëpunim dhe jam shumë falënderues për të gjithë
ato të mira që i kanë bërë ata vendit tonë.
Klan Kosova:
T’jua bëj një pyetje hipotetike. Sikur të donin KFOR’i dhe bashkësia
ndërkombëtare, nuk do të lejonin të funksionojë SHIK’u...
Kadri Veseli:
Më vjen keq se janë zhvilluar shumë spekulime rreth kësaj teme. Unë do
t’ju pyesja juve - A mendoni ju se ne do të sfidonim bashkësinë
ndërkombëtare, KFOR’in me 48 mijë veta? Ose UNMIK’un? E them edhe një
herë, ne në asnjë rrethanë nuk kemi vepruar pa një bashkëkoordinim.
Gjatë gjithë kohës, SHIK’u ka vepruar me emrin dhe siglën e vet
zyrtare, në zyrat e veta dhe me lejen e faktorëve vendimmarrës.
Asnjëherë, as edhe një ditë, nuk do të lejoja të vazhdoj veprimtarinë
time në kundërshtim me faktorët vendimmarrës të bashkësisë
ndërkombëtare apo ata vendorë. Është shumë me rëndësi aspekti i
veprimtarisë sonë - në çdo kohë kemi vepruar legalisht dhe zyrtarisht.
Klan Kosovë: Na thoni pra se cili është legaliteti dhe legjitimiteti i SHIK’ut?
Kadri Veseli:
Legjitimiteti në fakt rrjedh nga misioni që ke. Duhet bërë një dallim
mes legalitetit dhe legjitimitetit. Dua ta marr një shembull ndoshta të
keq. Legalitet ka pasur Millosheviqi gjatë viteve ’90 këtu. Por ne në
bazën e legjitimitetit kemi vepruar dhe e kemi mundur atë. Rrethana të
tjera kanë qenë pas vitit 99. Ne e kemi pasur misionin tonë, që ka qenë
po ai i UÇK’së - krijimi i Shtetit të Kosovës. Unë, në Kosovën për të
cilën kam luftuar, nuk do të lejoja që të isha ilegal.
Klan Kosova: A mund të flisni për financimin e SHIK’ut. Edhe për këtë çështje është bërë debat...
Kadri Veseli:
Kjo është pjesa me e ndjeshme, pasi që janë munduar të ndërtohen
spekulime rreth kësaj. Ne kemi pasur financim më të rregullt - më vjen
keq që duhet ta them - sesa që ndoshta kanë sot disa institucione. Më
vjen keq se nuk mund të flas më shumë rreth kësaj çështjeje tash, por
kemi pasur financim të rregullt. Ne nuk jemi varur fare nga donacionet
si mendon dikush.
Klan Kosova: Nëse guxoj të spekuloj, a
kanë mundur t’ju financojnë shërbimet simotra, për shkak se kanë pasur
interes të bashkëpunojnë me juve?
Kadri Veseli: Ne kemi vepruar
për interesin e vendit tonë. Ky ka qenë qëllimi primar. Ne nuk do të
lejonim të shndërroheshim në servis të ndonjë shërbimi tjetër. Por ne
kemi pasur partneritet me shërbimet e tjera.
Klan Kosova: A keni vepruar vetëm në Kosovë apo edhe jashtë Kosovës?
Kadri Veseli: Në Kosovë kemi vepruar, por edhe atje ku janë dëmtuar interesat e Kosovës.
Klan Kosova: Cilat kanë qenë departamentet e juaja?
Kadri Veseli:
Ne kemi pasur kapacitete të kufizuara, për hir të korrektësisë. Ne kemi
pasur numër të kufizuar të njerëzve. Edhe në shërbimet inteligjente të
cilat krijohen tash, nuk është përcaktuese për suksesin e tyre numri i
oficerëve. Nuk është i rëndësishëm kuantiteti, por kualiteti. Një
shërbim inteligjent duhet të ofrojë kapacitete morale dhe intelektuale
për të thithur informacione për të cilat ka interes vendi. Në këtë
mënyrë, ne kemi pasur numër të kufizuar njerëzish. Kemi pasur katër
drejtori - ka qenë Drejtoria e Informacionit dhe Analizës, Drejtoria e
Antiterrorit, Drejtoria Kundër Krimit të Organizuar dhe Drejtoria e
Counterintelligences, e cila ka pasur më tepër karakter mbrojtës. Kemi
punuar në mënyrë permanente, sistematike, me njerëz të cilët kanë qenë
shumë transparentë, emrat e të cilëve mund t’i përmend edhe këtu, nuk
është fare problem.
Klan Kosova: Përmendët Drejtorinë e Counterintelligences. Ka të bëjë kjo me njerëzit që kanë punuar në shërbime...
Kadri Veseli: Kjo
ka të bëjë me mbrojtjen që i bën vendit tënd, mbrojtjen rreth
depërtimeve apo influencimeve negative të veprimtarisë. Por në të
njëjtën kohë, duke pasur parasysh edhe përvojën që e kemi pasur, në
kuadër të këtij departamenti janë trajtuar edhe njerëzit që kanë punuar
në ish-strukturat inteligjente.
Klan Kosova: A i keni trajtuar njerëzit e ish-UDB’së dhe sa prej tyre janë thirrur në informim? Gjithnjë nëse janë trajtuar...
Kadri Veseli: Po, janë trajtuar.
Klan Kosova: Pra, këtë po e pranoni, mund të flisni për këtë temë?
Kadri Veseli:
Unë do të pranoj gjithë atë që nuk e dëmton interesin qytetar. Unë mund
të flas se janë trajtuar, mund të flas se kemi pasur një punë
jashtëzakonisht të leverdishme me ta dhe se këta njerëz - të cilët në
një kohë i kanë shërbyer një regjimi të caktuar për shkak të momentit
kohor - askush nuk mund t’i fajësojë. Koha ka kaluar. Ata janë një
thesar, një thesar nacional, i cili duhet trajtohet dhe i cili është
trajtuar besoj shumë mirë nga ne.
Klan Kosova: Personalisht, ju e keni marrë dikë në pyetje?
Kadri Veseli: Jo.
Por diku 200 veta që kanë punuar në Shërbimin Inteligjent Jugosllav,
pjesa dërrmuese e tyre shqiptarë, por edhe turq, boshnjakë e serbë, i
kemi trajtuar. Ata njerëz kanë dhënë informacione shumë interesante,
informacione që i kanë shërbyer këtij vendi. Askush nuk ka të drejtë -
bëj thirrje edhe publike - që t’i trajtojë ata në mënyrë jodinjitoze.
Nuk po them për t’i bërë heronj, nuk po them t’iu jepet medalje, por po
them të trajtohen në mënyrë njerëzore, e jo të fajësohen për diçka që
ka kaluar.
Klan Kosova: A ju kanë ndihmuar këta njerëz që
të keni informacione të duhura për shërbimin inteligjent serb dhe për
veprimet e tyre?
Kadri Veseli: Mund të them se kanë ndihmuar
jashtëzakonisht shumë. Duhet thënë se shumica e problemeve në Kosovë
vijnë nga shërbimet sekrete serbe. Po
flasë “në shumës”, për arsye se nuk po flas vetëm për BIA’n -
trashëgimtaren e UDB’së, apo për KOS’in - shërbimi ushtarak jugosllav.
Në rrethanat e mëvonshme, ne kemi konstatuar se në Kosovë kanë vepruar
edhe organizatat paramilitare ose i ashtuquajturi Sigurim Publik.
Klan Kosova: A iu keni besuar informatave që keni marrë? Dhe, a kanë pasur mundësi ata që ta dëmtojnë dikë?
Kadri Veseli:
E thashë edhe një herë - varet shumë nga njerëzit të cilët kanë
informacione, ata të parët duhet që mos t’i përdorin ato informacione
për ta dëmtuar dikë. Aspekti i dytë është se nuk paravlen çfarë
informacionesh ju jepni, pasi që në shërbimet inteligjente profesionale
ato informata i nënshtrohen procedurës së verifikimit. Ne kemi
bashkëpunuar me ata në baza vullnetare. Ata janë lajmëruar te ne ose iu
jemi afruar përmes miqve të tyre. Ka pasur raste kur nuk kanë pranuar
dhe ne kemi thënë OK. Ka raste kur fillimisht nuk kanë pranuar, por më
vonë kanë ardhur vetë. Por duhet thënë se ata na kanë ndihmuar shumë,
posaçërisht për t’i neutralizuar veprimet e shërbimeve inteligjente
serbe.
Klan Kosova: Po, shërbimet e tjera ju kanë ndihmuar në punën tuaj? Bie fjala, a keni marrë ju informacione nga Beogradi, nga Maqedonia, Mali i Zi...
Kadri Veseli: Ndoshta bëre shaka për Beogradin. Shyqyr, se nuk kemi marrë bomba nga ata.
Klan Kosova: Po ju i keni pasur njerëzit tuaj atje...
Kadri Veseli: Unë
do ta them fare qartë - ne kemi arritur, si Shërbim Informativ i
Kosovës, me sukses të plotë që të depërtojmë në kabinetet më të larta
të lidershipit serb, po flas për Kabinetin e Presidentit dhe
Kryeministrit.
Klan Kosova: Të cilëve?
Kadri Veseli: Kemi depërtuar në Kabinetin e Koshtunicës, në kohën kur ka qenë në atë post, dhe në Kabinetin e Tadicit.
Klan Kosova: Kjo intervistë do të përkthehet, z. Veseli...
Kadri Veseli: Jam shumë i sigurt se burimet e informacionit janë shumë të sigurta.
Klan Kosova: Ju po thoni se keni marrë materiale nga Serbia?
Kadri Veseli: Ne kemi marrë materiale edhe nga Serbia,
me thasë. Ata e kanë pasur një krizë dhe ne kemi depërtuar deri te
kokat më të larta. Nëse ata duan, unë këtë mund edhe t’ua dëshmoj. Ne
jemi futur në çdo skutë të tyre. Veçanërisht gjatë periudhës 2003-2006,
ata kanë pasur krizë të madhe, luftë të madhe mes vete dhe kanë pasur
një mosbesueshmëri të madhe mes vete, të cilën ne e kemi shfrytëzuar
jashtëzakonisht mirë. Por në asnjë rast dhe në asnjë moment nuk i kemi
shfrytëzuar ato informata për rrethana të caktuara që nuk kanë qenë në
interesin nacional.
Klan Kosova: A do të skuqet dikush për të bërat e tij në Kosovë? Pasi që ju po thoni se janë marrë informacione me thasë...
Kadri Veseli:
Për të skuqjen ose përgjegjësinë, mund të them se është në të mirën e
atyre njerëzve që kanë gabuar në jetë që t’iu afrohen institucioneve
kosovare për t’i ndihmuar ato dhe për mos ta mbajtur barrë të kaluarën.
Klan Kosova: Çfarë ka në ato dokumente? Nuk po kërkoj specifika...
Kadri Veseli:
Çdoherë për çdo vend e rëndësishme është që të ndalet veprimtaria e
dëmshme e njerëzve. Kjo është kryesore. Nuk merren informacione që
dikush ka bërë një të keqe, e hajde tash të shkojmë ta shantazhojmë.
Kjo është e turpshme dhe e dënueshme. Unë po i inkurajoj të gjithë ata
njerëz që ta vazhdojnë bashkëpunimin me institucionet e reja, sepse
kanë edhe kushte më të mira, kanë mbrojtje edhe më të mirë
institucionale. Ata duhet të skuqen vetëm nëse nuk e tregojnë atë
realitet që ka ndodhur.
Shënim:
Në numrin e ardhshëm,
ish-Shefi i SHIK’ut flet për vrasjet politike të pasluftës,
bashkëpunimin e kësaj organizate me institucionet ndërkombëtare dhe
vendore, rastin Bllaca dhe të armën e tij politike.
Për ZSH: Gjergj Kabashi
Agim Gashi- Administrator
- Numri i postimeve : 45955
Age : 70
Location : Kosovë
Registration date : 17/11/2008
Kadri Veseli: Historia ime (III)
nga Agim Gashi Mon Jan 11, 2010 3:07 am
Sytë kah politikaNga Express, 05.01.2010
Organet
e drejtësisë i dinë pistat ku duhet kërkuar autorët e vrasjeve politike
të pasluftës. Ne ishim duke e trajtuar Selim Broshën dhe Ibush
Kllokoqin, por dikush i vrau. Nazim Bllaca nuk ka qenë kurrë pjesëtar i
SHIK’ut. Nuk përjashtohet mundësia që të inkuadrohem në politikë. Kjo
është pjesa e fundit e intervistës së Ish-Shefit të SHIK’ut, Kadri
Veseli, dhënë për Klan Kosovën.
Klan
Kosova: Megjithatë, menjëherë pas luftës kemi pasur dy vrasje publike -
Selim Broshën dhe Ibush Kllokoqin. Ju po thoni se këta njerëz janë
thesare. Si është e mundur që ju nuk keni pasur mundësi që ata njerëz
t’i ruani?
Kadri Veseli: Jemi duke folur për rrethana të
tranzicionit të rëndë që e kemi kaluar. Fatmirësisht, duke iu
falënderuar pjekurisë së këtij populli, kemi tejkaluar faza të rënda.
Është e vërtetë. Ne e kemi pasur në trajtim edhe Selim Broshën. Kemi
punuar edhe me Ibushin. Nuk janë vetëm këta dy që janë vrarë. Njerëzit
e këtij kontingjenti të madh që kanë punuar me ne, kanë pasur gjithnjë
shqetësim “frikohemi nga ata të ashtuquajturit patriotë që e dimë ne se
çfarë kanë bërë”. Këtë e kanë pasur frikën më të madhe.
Klan
Kosova: Kjo është një sentencë interesante. Ju po më thoni se njerëzit
që bëhen shumë patriotë pas luftës janë më të rrezikshëm.
Kadri
Veseli: Nuk e them atë. Por ka një rregull natyrore se ai që i jep zor
më së shumti, e ka mizën pas veshi. Unë nuk dua ta përgjithësoj këtë.
Por, realisht, shqetësimi i atyre njerëzve ka qenë që njerëz të cilët
kanë pasur një implikim të caktuar dhe shoqëria që i njeh si patriotë,
mund t’i rrezikojnë. Unë nuk e kuptoj pse është dashur të vriten. Ata
që e kanë bërë këtë, kanë gabuar dhe do të gabojë kushdo që i ngacmon.
Ata janë më kriminelë, pavarësisht se çfarë arsyeje kanë. Ne kemi
informacione për njerëz që jetojnë në Kosovë, të cilët kanë bërë shumë
sende të këqija.
Klan
Kosova: Po kthehemi te vrasjet e pasluftës. Unë personalisht kam
kontaktuar me ju pas luftës për dy çështje. Për murin e Mitrovicës, që
ka qenë një prej punëve tuaja më të suksesshme që unë e konsideroj, por
gjithashtu kam kontaktuar edhe për vrasjet. të cilat që mund të
konsiderohen politike. Pse nuk zbardhen këto vrasje dhe çka janë
realisht këto vrasje, sepse nganjëherë në mënyrë të qëllimshme
implikohet SHIK’u.
Kadri Vesili: Nuk mendoj se muri ka
qenë pjesa më e suksesshme. Mendoj se vendosja e Kosovës në përkrahje
globale në luftë kundër së keqes është suksesi më i madh i Kosovës. Nuk
e bëj këtë për të lavdëruar institucionin të cilin e kam udhëhequr, por
ajo besoj se ua ka dhënë goditjen më të madhe atyre që kanë pretenduar,
posaçërisht shtetit serb, ta shndërrojnë Kosovën në çerdhe të
terrorizmit. Duhet pasur parasysh se kemi kaluar nëpër një transicion
shumë të rëndë. Jemi me fat që jemi duke kaluar pa trauma të rënda, të
cilat kanë ndodhur në shumën e rasteve gjatë transicionit. Edhe në
regjion, duke përfshirë Shqipërinë, Maqedoninë. Sulmi ndaj Presidentit
maqedonas dhe vrasja e Kryeministrit serb. Por do të rikthehem të
vrasjet të cilat kanë ndodhur si një pjesë e shëmtuar e kësaj historie
të transicionit. E di se ka shumë spekulime. E di se ka shumë
manipulime. Por, jam i vetëdijshëm për atë dhe do ta them publikisht.
Puna më e mençur e cila mund të bëhet në këtë drejtim është që ky
aspekt shumë sensitiv që ka të bëjë me jetën e njerëzve, janë
shkatërruar familjet, janë goditur pabesisht, thjesht të zbardhen në
mënyrë ligjore. T’iu jepet mundësia organeve profesionale të
investigimit dhe gjyqësisë që t’i trajtojnë dhe t’i çojnë deri në fund.
E kuptoj që ka vonesa shumë të mëdha, por assesi nuk do t’ia lejoj
vetes që të luajnë me këto akte të rënda të krimit. Të luajnë pingpong.
Ta akuzojmë njëri-tjetrin dhe të shndërrohemi në një shoqëri akuzuesish
dhe të akuzuarish. E, në fund, pas një interesi momental të cilin mund
ta kemi, ta harrojmë atë punë. Ka dhjetë vjet që kanë ndodhur këto
raste shumë të rënda dhe ende nuk kemi zbardhje të tyre.
Klan Kosova: A keni marrë informacione periferike ose të faktuara për këto vrasje dhe a keni shënime se çfarë ka ndodhur?
Kadri
Veseli: Nuk dëshiroj të spekuloj. Është e një natyre komplekse e
qëllimeve prapa të cilave kanë mundur të ndodhin dhe të individëve të
cilët i kanë kryer. Por mund të them një gjë - le të mos gëzohet askush
se e ka marrë në qafë dikë dhe nuk do të zbulohet. Ka pasur spekulime
edhe në emër të institucionit tim, por nuk dëshiroj të futem në lojën e
manipulimeve. Ata të cilët pretendojnë për të udhëhequr këtë vend, ata
të cilët pretendojnë të bartin primatin në politikë, po flas për të
gjitha strukturat, me respekt shumë të madh ndaj tyre, ata duhet t’u
japin ndihmë organeve investiguese dhe gjyqësore. Unë besoj shumë, por
edhe e di se ka shumë informacione, ka prova materiale, ka pista të
cilat identifikojnë aktin, kryesit e aktit të krimit dhe bartësit e
tyre. Vetëm duhet t’u jepet kohë dhe hapësirë organeve profesionale
hetuese dhe gjyqësore dhe në të njëjtën kohë vullneti politik duhet të
jetë që të shkohet deri në fund. Nuk është diçka e madhe të nxirret
ligji i veçantë. Në Itali e kemi ligjin anti-mafi, i cili i ndihmon
edhe dëshmitarët që kanë mundur të jenë edhe të implikuar në raste, t’u
japë njëlloj imuniteti. Këto mund të shndërrohen në kancer të shoqërisë
kosovare. Çdoherë në këto dhjetë vjet janë përdorur dhe përdoren si
kanosës i një konflikti.
Klan Kosova: Ju thatë se ka pista, ka informacione. Këto informacione kujt ia keni dhënë?
Kadri
Veseli: Dëgjo! Unë jam duke folur dhe nuk di të spekuloj. Unë po flas
për informacionet e institucioneve zyrtare, të cilat e kanë
përgjegjësinë të investigojnë dhe t’i zbardhin këto raste. Edhe diçka.
Nuk është mirë, për hir të atyre familjeve që kanë pësuar dhe të atyre
njerëzve, të spekulohet me këto raste. Nuk fiton askush prej kësaj. E
rëndësishme është që ato të zbardhen dhe fajtori të dalë para
drejtësisë. Por, është gabim shumë i madh nëse mendohet se dikush mund
të linçohet vetëm me spekulime të tilla.
Klan
Kosova: Atëherë të kthehemi te një rast shumë i veçantë, daljes së një
njeriu, një pretenduesi se ka qenë anëtar i SHIK’ut - Nazim Bllaca. A
ka qenë ky njeri anëtar i SHIK’ut?
Kadri Veseli: Jo, nuk ka
qenë kurrë. As ai, as njerëz përreth tij. Personalisht kam qenë edhe i
prekur edhe i befasuar kur dalin nëpër televizione dhe aty dhe po e
shfrytëzoj këtë moment t’i pyes pse nuk kanë treguar më herët se kanë
dashur të më vrasin shërbimet sekrete serbe. Nuk dua të spekuloj a
është psikopat, a është kriminel apo ka probleme të borxheve, kjo për
mua ka pak rëndësi. Me rëndësi është që ai trajtohet seriozisht nga
organet hetuese. Është me rëndësi se nuk është mirë të manipulohet me
gjëra të tilla, për arsye se e shqetëson një komb të tërë. Me rëndësi
është që ai të tregojë të vërtetën. Nëse e ka marrë në qafë dikë, nuk
do të mund t’i ndihmojë askush. Ka një dënim që vjen nga ligji, po një
dënim është edhe më i madh që këta njerëz do të jetojnë me këto sende
që i kanë bërë, gjithë jetën. Mos të mendojnë se do të mund të jetojnë
një jetë të qetë.
Rasti “Bllaca” asnjëherë nuk ka qenë në
Shërbimin Informativ të Kosovës. Ata që e kanë mësuar, realisht janë
munduar të jenë profesionistë por nuk kanë mundur të jenë shumë
profesionalë dhe besoj se e kanë marrë rezultatin e vet.
Klan Kosova: A ka pasur njësit ekzekutues në SHIK?
Kadri
Veseli: Nuk ka pasur kurrë. Shërbimi Informativ i Kosovës ka qenë një
institucion informativo-gjurmues. Që nga themelimi, e kemi pasur të
sanksionuar të mos kemi element ekzekutiv. Kanë pasur dëshirë disa të
paraqiten, të mundohen të keqpërdorin. Asnjëherë, në asnjë rrethanë,
njerëzit që kanë punuar në institucionin të cilin unë e kam udhëhequr,
nuk kanë pasur të drejtë të thonë unë jam në SHIK. Nëse ti deklarohesh
se je punëtor i Shërbimit – ti je out. Nuk mund të jesh në shërbim dhe
të demonstrosh transparencë, as të bësh marketing politik. E ka një
çmim kjo punë.
Klan Kosova: Përmenden dy njerëz aty. Azem Syla dhe Xhavit Haliti si njerëz të SHIK’ut, në hierarkinë e lartë.
Kadri
Veseli: Azem Syla dhe Xhavit Haliti e kanë jetërrefimin e vet. E kanë
punën e vet. Po e them me përgjegjësi. Në asnjë moment, në asnjë
rrethanë nuk kanë qenë punëtor të SHIK’ut. As si punëtor, e as të
implikuar. Vetëm nëse dikush mund të ndodhë t’i keqpërdor relatat që i
kemi pasur gjatë luftës. Ata kanë qenë anëtarë të Shtabit të
Përgjithshëm të UÇK’së. Rasti “Bllaca” duhet të trajtohet në mënyrë
shumë serioze. Nuk duhet lejuar që në rrethana të krizave të cilat i
kemi në procesin e njohjes së Kosovës ta destabilizojmë atë ose të
kalojmë në konflikt.
Klan Kosova: A ju ka thirrur dikush, z. Veseli, që të jepni mendim për këtë rast?
Kadri
Veseli: Jo. Unë e ndiej veten të fyer njëjtë, edhe pse nuk ma ka
përmendur emrin. Në aspektin e investigimit zakonisht shkohet kur
përmenden personat. Realisht, këto janë gjëra të dëmshme.
Klan Kosova: A ju ka ndodhur të dëgjoni për
individë pas luftës që thirren në emër të SHIK’ut, që flasin në emër të
SHIK’ut, por nuk kanë qenë pjesëtarë të tij?
Kadri
Veseli: Natyra e njerëzve të tillë, spekulative, njerëz të dobët nga
morali, kanë nevojë për një forcë. Gjithmonë ka kësi njerëzish. Ata e
gjejnë një moment. Kur s’ka qenë Shërbimi, pas luftës janë thirrur si
polici sekrete, polici ushtarake, pastaj Shërbimi. Tash Zoti e di çfarë
do të përdorin. Ajo çka është kryesore, si në të kaluarën, si tani,
njerëz të tillë duhet të denoncohen tek organet e rendit. Njerëz të
tillë janë njerëz që manipulojnë, njerëz të këqij, njerëz të
pasjellshëm dhe të pamoralshëm.
Klan Kosova: Atëherë, të flasim për
komunikimin tuaj me njerëz të institucioneve. Sa kam unë informacione,
ju menjëherë pas luftës keni pasur kontakte me Demelion, shefin e parë
të UNMIK’ut, pastaj me Kouchner’in, gjeneralin Jackson, me Reindardin,
Menzisin e të tjerë. A e kanë shtuar këta njerëz ndonjëherë
legjitimitetin dhe legalitetin e SHIK’ut?
Kadri Veseli:
Së pari, dëshiroj të jem i kujdesshëm, posaçërisht gjatë përmendjes së
emrave. Unë si bartës i atij institucioni nuk e shoh të nevojshme që ta
konsideroj punën time si legale dhe legjitime vetëm duke përmendur
emra. Natyrisht, kemi pasur bashkëpunim në kuadër të atyre
përgjegjësive gjithmonë në rrethana dhe kontekstin kohor në të cilin
kemi vepruar me shumicën e faktorëve vendorë dhe ndërkombëtarë. Duhet
të kihet parasysh se Rezoluta 1244 ka krijuar disa kufizime të cilat
kanë qenë lidhur me qenësinë e Kosovës në kuptimin e ndërtimit të
institucioneve. Edhe policia një kohë ka qenë shumë e kufizuar në
kuadër të ombrellës së UNMIK’ut. Pastaj TMK’ja si forcë, organizatë
civile. Ose, për shembull, për SHIK’un. Ne kemi pasur kontakte, po flas
prej qershorit të vitit 1999 e deri në periudhën e fundit, kur e kemi
materializuar Projektligjin e Agjencisë Kosovare të Inteligjencës. Kemi
pasur kontakte, kemi pasur bashkëpunim, bashkëveprim. Kemi pasur
marrëveshje me të gjithë faktorët vendimmarrës vendorë dhe
ndërkombëtarë. Ka pasur një tentativë në vitin 1999, posaçërisht me z.
Kouchner, ministrin e Jashtëm francez, që të mendohet se a lejon
hapësira legale e Rezolutës 1244 për t’u bërë ndërtimi i një strukture
të shërbimit inteligjent. Realisht, më erdhi përgjigje negative. Pas
mbajtjes së zgjedhjeve nacionale në Kosovë në vitin 2001, ne kemi bërë
edhe një përpjekje, por flas për SHIK’un, dhe s’dua të spekuloj, secili
e mban përgjegjësinë e veprimit të shërbimit, por edhe me partnerët
vendorë, po flas për shërbime vendore, të cilat kanë ekzistuar
faktikisht. Kemi biseduar. Për këtë ka qenë i njoftuar presidenti,
kryeparlamentari dhe kryeministri.
Klan Kosova: Ju jeni takuar me të gjithë kryeministrat?
Kadri
Veseli: Jo. Dëgjo! Unë e kam parë debatin tuaj. Më ka ardhur keq!
Personi im nuk ka nevojë të përdorë mbrojtës ose avokat për
veprimtarinë time. Unë i kam takuar për interesa nacionale. Nuk
dëshiroj të spekulohet me kontaktet. E kemi pasur partneritetin, i cili
ka qenë shumë serioz dhe shumë i sinqertë. Po filloj në mënyrë
kronologjike. Pas zgjedhjeve të përgjithshme kemi filluar, ndërsa në
vitin 2003 kemi bërë një marrëveshje, e cila ka treguar unifikimin e
strukturave inteligjente vendore për të krijuar një shërbim.
Klan Kosova: Kur po i përmendni ju
strukturat vendore, nga ajo që kam njohuri, strukturat vendore kanë
vepruar gati në të gjitha partitë politike. Shërbimi i Ramë Marajt,
pastaj Hysen Gashit, pastaj i Bislim Zyrapit dhe Naim Malokut, shërbimi
i Fadil Lepajës, Albatros Rexhës, Sali Mustafës. A janë këta njerëz që
kanë hyrë në proces të unifikimit të inteligjencës?
Kadri
Veseli: Unë do të flas vetëm për shërbimin tim. Shërbimi im ka qenë
legal. Të tjerët duhet të deklarojnë veten. Unë nuk dua të pretendoj se
a kanë qenë legal apo jo. Unë e kam pasur një mision, të cilit i kam
qëndruar besnik deri në fund. Në vitin 2003, kemi pasur një
marrëveshje, por kemi dështuar prapë për arsye të kufizimeve të cilat
kanë lidhje edhe me statusin e Kosovës. Pas zgjedhjeve nacionale të
vitit 2004, prapë kemi filluar kontaktet. Për rreth dy vjet, flas me
përgjegjësi të madhe, kemi kontaktuar, kemi bashkëpunuar, kemi vepruar
me institucionet më të larta vendore vendimmarrëse dhe ndërkombëtare
për krijimin e projektligjit dhe ndërtimin e bazave legale për
shërbimin e ardhshëm inteligjent të Kosovës.
Klan Kosova: Me cilat institucione keni punuar? Kush ka qenë bashkë me juve?
Kadri
Veseli: Kanë qenë shërbimet, partnerët vendorë. Kanë qenë kryeministrat
e vendit, përfaqësuesit ndërkombëtarë, grupet parlamentare. Në këtë
projektligj kemi punuar intensivisht. Kanë punuar edhe komisionet
parlamentare, konkretisht përgjegjësit e Komisionit për siguri në atë
kohë, Emin Krasniqi nga PDK’ja, Agim Krasniqi nga LDK’ja, Ylber Hysa
nga ORA, Naim Maloku nga AAK’ja. Nuk duhet të krijojmë spekulime. Është
gjynah të manipulohet me njerëzit.
Klan Kosova: Pse përfunduat në vitin 2008, e nuk e përfunduat më herët?
Kadri
Veseli: Ka qenë çështja e statusit. Fatkeqësisht, Kosovës nuk ka mundur
t’i lejohet të ndërtojë një strukturë të veten informative më herët. Në
qershor të vitit 2008, me hyrjen në fuqi të Kushtetutës së Kosovës, në
atë moment e kam konsideruar, edhe sot e konsideroj, se s’ka qenë e
sinqertë, s’ka qenë e rregullt të vazhdohet me veprimtarinë
inteligjente pas krijimit të bazës ligjore, pas hapjes së procesit të
ndërtimit të strukturës së Shërbimit Inteligjent.
Klan Kosova: Pse vendosët ta shpallni të përfunduar misionin tuaj?
Kadri
Veseli: S’ka pasur më bazë juridike, legale ose legjitimitet moral të
vazhdojmë kështu. Ne kemi punuar gjatë gjithë asaj periudhe që të
ndërtojmë një strukturë, e në fund ne të mos e njohim atë.
Klan Kosova: Kur vendosët ju ta shuani
SHIK’un, e keni gjetur momentin e legalitetit dhe legjitimitetit dhe
SHIK’u është shndërruar në AIK.
Kadri Veseli: Nuk është
shndërruar SHIK’u në AIK. Të kemi kujdes. Kemi shkuar në principin e
ndërtimit të bazës ligjore. Hapjes së perspektivës së cilitdo. Është e
njëjta situatë, e cila është zhvilluar edhe në Trupat Mbrojtëse të
Kosovës. Aty iu nënshtruan konkursit dhe rekrutimit. Secili qytetar ka
të drejtë, edhe ata që kanë vepruar, edhe ata që nuk kanë vepruar, t’i
nënshtrohen konkursit dhe pastaj të futen në rekrutim. Kjo ka qenë
marrëveshje, të cilën e kemi bërë ne atëherë. Nuk dua të spekuloj, por
kemi pasur mundësi të bëjmë edhe formën e transformimit.
Klan Kosova: Po, kush e ka penguar?
Kadri
Veseli: Nuk e ka penguar askush, por edhe vetë kam qenë kundër. Edhe
sot jam kundër dhe besoj se nuk kemi qenë gabim. Gjithmonë kishin
vazhduar spekulime për interesa të dikujt. Kur do ta kishte punën në
zor, ose kur do të kishte pasur interesa për të mbuluar një send të
vetin, menjëherë do të kishte thënë aty kanë vepruar këta ose ata. Më
mirë të jetë starti i mirë që nga fillimi.
Klan Kosova: Ku është stafi juaj?
Kadri
Veseli: Stafi im shumica janë qytetarë të vendit. Jetojnë dhe punojnë
me nder. Shumica e tyre kanë qenë të përgatitur në aspektin e edukimit
në mënyrë profesionale. Çdo veprim që e kam bërë, kam biseduar edhe me
ta. Qëllimi im ka qenë që menaxhimi të bëhet përmes delegimit, përmes
konsultimit. E dinë ata mirë kur kemi qenë në proces të negociatave,
bisedave, aty kam përfshirë numrin më të madh të njerëzve. Kam dashur
që ata të jenë pjesë e procesit, të mos e ndiejnë veten se shefi po
merr një vendim të caktuar. Ata i kanë të drejtat e veta. Mund të jenë
pjesë e strukturës, por mund edhe të mos jenë.
Klan Kosova: Pse ju nuk u bëtë pjesë e AIK’ut?
Kadri
Veseli: Pyetje që pak a shumë ndërlidhet individualisht. Nuk dua të
spekuloj, edhe pse ka njerëz që thonë se ka dashur të bëhet por s’ka
mundur. Besoj se i kam shërbyer atdheut tim me ndershmëri deri në këtë
moment dhe do t’i shërbej edhe më gjatë. Ka qenë një vendim që është
marrë më herët se misioni im përfundon në ditën kur krijohet struktura
e re. Ky vendim nuk është marrë në qershor të vitit 2008. Partnerët e
mi, bashkëpunëtorët e mi e kanë ditur shumë më herët.
Klan Kosova: Ju thatë se keni bërë një veprim tjetër tash dhe keni hyrë në një rrugë të edukimit?
Kadri
Veseli: Çdo njeri ka nevojë nganjëherë të ndalet për të bërë një pauzë
dhe një reflektim. Dhe, për të bërë edhe një pushim, nëse mund të them
kështu.
Klan Kosova: Jeni duke pushuar?
Kadri Veseli: Jam i kënaqur me atë çka jam. Me atë çfarë bëj. Unë aktualisht studioj, pa ndërprerë. Punoj në përgatitjen time.
Klan Kosova: Nuk jeni lidhur nga informatat?
Kadri
Veseli: Ka qenë pjesa më sensitive dhe më krenare e jetës sime. Por ajo
periudhë ka kaluar, përfundimisht. Mos e dhëntë Zoti të jemi në ndonjë
rrethanë lufte, nuk di a të vazhdoja më tutje. Jo për shkak të
përshtypjes. Ajo ka qenë shumë e mirë. Por njeriu është mirë ta lërë
një punë, kur është mirë.
Klan Kosova: Nuk më thatë çfarë punoni aktualisht?
Kadri
Veseli: Aktualisht jam në përfundim të një studimi postdiplomik në një
universitet evropian. Jam duke përfunduar disertacionin për reformat
ekonomike dhe transicionin në Kosovë. Kjo është ajo çfarë mund të them.
Po merrem me familjen time. Natyrisht, shumë i relaksuar.
Klan Kosova: Atëherë, duke e ditur që je
baba i tre fëmijëve, besoj që fëmijët nuk do të kishin dëshirë që t’i
kthehesh profesionit të dikurshëm, por nga përvojat e vendeve që ne i
dimë, shumica e njerëzve që kanë udhëhequr shërbime inteligjence kanë
qenë të suksesshëm në politikë dhe goxha të fortë. Këtë disertacion a e
keni linjë për të hyrë në politikë apo çka?
Kadri Veseli:
Jo. Populli thotë shkolla është zanat, e mendjen duhet ta kesh. Mirë
është të përgatitesh, të studiosh. Njeriu mëson çdo ditë. Unë tërë
jetën time kam punuar për të mirën e vendit tim, njerëzit dhe popullin
tim dhe nuk besoj se do të ndalem.
Klan Kosova: Kjo i bie që të është hapur dera politike?
Kadri
Veseli: Dera politike ka qenë e hapur çdoherë dhe është e hapur për
secilin qytetar të Kosovës. Shyqyr Zotit jemi duke jetuar në shtetin
tonë sovran. Kemi punuar për të dhe po e gëzojmë. Normalisht që kemi
dëshirë që gjërat të lëvizin më mirë për arsye se një pjesë e madhe e
popullatës jeton në rrethana jo të kënaqshme sociale, por megjithatë...
Edhe politika është opsion.
Klan Kosova: Besoj se e dinë të gjithë që e
keni mik Hashim Thaçin. Veprimet e juaja politike a janë të lidhura me
personalitetin tuaj e të tij, apo ju lidh diçka më shumë sesa politika?
Kadri
Veseli: Është e vërtetë që e kam mik Hashim Thaçin, por do t’ju them
diçka në lidhje me këto relacionet tona. Këto i tejkalojnë interesat e
ngushta që mund të jenë qoftë politike, apo të kufizuara, apo të një
aspekti të gjerë. Ne e kemi një vazhdimësi të jetës së përbashkët.
Asnjëherë nuk kemi menduar të bëjmë diçka të keqe për këtë vend, por
vetëm diçka të mirë. Hashim Thaçi si një djalë i ri, tani kryeministër
i Kosovës, gjatë jetës së tij ka marrë shumë përgjegjësi të mëdha. Jam
krenar që ka arritur që në mënyrën më dinjitoze të mundshme të
ballafaqohet me sukses me ato vështirësi që nuk kanë qenë të lehta. Po
e përmend vetëm periudhën e Rambouillet. Pastaj periudhën e
transicionit të cilin jemi duke e kaluar ende.
Klan Kosova: Nuk do t’ju lejoj të flisni më
gjatë për Hashim Thaçin. Mjafton që thatë që e keni mik, por nuk besoj
që ndonjë spekulim i mundshëm thotë që ju do të regjistroheni në LDK?
Kadri Veseli: Lidhja Demokratike e Kosovës e ka kontributin e vet të jashtëzakonshëm, historik.
Klan Kosova: Nuk do të jeni pjesë e kësaj partie?
Kadri
Veseli: Unë do të vazhdoj punën time, aktivitetin tim edhe në politikë,
nëse na jep Zoti fuqi dhe shëndet. E, besoj që po. Do të vazhdoj për të
mirën e vendit tim.
Klan Kosova: Dhe, krejt në fund, a keni bëri
ndonjë mëkat gjatë punës tuaj, z. Veseli? A keni gabuar diku dhe i keni
rënë pishman?
Kadri Veseli: Njeriu në jetë edhe gabon. Por
është shumë me rëndësi në jetë që gabimet të mos bëhen me vetëdije. Të
mos veprohet në dëm të shumicës dhe interesit të vendit. Jam shumë i
bindur që krejt atë që kam bërë, e kam bërë për të mirën e këtij vendi
dhe popullit tim. Nëse më pyet në anën tjetër se a do të pendohesha për
diçka? Për asnjë gjë. Jam shumë krenar për atë që kam bërë. Po të
mundja, do ta bëja edhe më mirë dhe çdoherë do të mundohem që të punoj
edhe më mirë.
Për ZSH-Gjergj Kabashi
Agim Gashi- Administrator
- Numri i postimeve : 45955
Age : 70
Location : Kosovë
Registration date : 17/11/2008
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
» IDRIZ ZEQIRAJ - SHIPTARËT NUK JANË "ME BYTHË NË PRUSH", PËR TË FALUR TOKAT
» Akuzat kundër Shefqet Krasniqit Prokurorisë ia kishte konfirmuar edhe BIK-u (Dokument)
» Aktakuzë kundër imamit Shefqet Krasniqi
» Zbulohen tensionet gjatë dialogut në Bruksel, Nikoliqi Thaçit: Ti je kriminel
» Faruk Tasholli - RJEPENI NANËN
» FAMILJA E HAKI IMERIT: AI U VRA NË KOHËN KUR NË PUSHTET ISHIN HASHIM THAÇI E REXHEP SELIMI
» AGIM GASHI - O NE TREN PËR MITROVICË
» Vëllai i tij u pajtua me Thaçin, por ja si ishte kidnapuar Haki Imeri në Brojë e më pas ishte vrarë
» Fadil Maloku:Aferim, Prokurori e Kosovës!
» Djali i Haki Imerit del kundër axhës: Nuk ia fali Thaçit, nuk dua drejtësi kanunore
» IDRIZ ZEQIRAJ:Copëza biografike dhe kujtime për Ibrahim Rugovën
» Presidenti Thaçi i “lahet me 124 pleq” Imer Imerit se nuk ka gisht në vrasjen e vëllait të tij
» Adem Salihaj akuza të rënda ndaj Hashim Thaçit, ja si po mundohet të shpërlahet nga krimet e shumta që ka bërë
» Ndodh edhe ky skandal: Njeriu që grisi fotografinë e Presidentit Rugova merr certifikatën e veteranit të UÇK-së
» BERAT ARMAGEDONI:Lamtumirë, Joshua i Pejës!
» Biografia e Presidentit Rugova - Biografi e shkurtër
» ILIR MUHARREMI : Treni provokativ, artistët në gjumë
» Përveç ROSU-së, ky është shqiptari që rrezikoi jetën për ta ndalur trenin e Serbisë
» ENVER PETROVCI - IN MEMORIAM SEFEDIN NUREDINIT- SEFA