Shqiptari në Finland vret të dashurën, 4 persona dhe veten

Shqiptari në Finland vret të dashurën, 4 persona dhe veten



Policia në Finlandë thotë se ka gjetur në një apartament në periferi të kryeqytetit Helsinki trupin e personit që vrau katër vetë në një kompleks dyqanesh në qytezën periferike Espoo pasi kishte vrarë më parë ish-të dashurën e tij.

Personi i indentifikuar si 43-vjeçari Ibrahim Shkupolli, i ardhur në Finlandë si azilkërkues nga Kosova, ka vrarë ish-partneren e tij siç duket para se të shkonte për të gjetur të dashurin e saj në qendrën e dyqaneve ku ai punonte.
Policia beson se ai ka vrarë veten. Sipas policisë ai kishte precedent penal.
Katër persona, tre burra dhe një grua, kanë gjetur vdekjen kur ai hapi zjarr me një revolver 9mm mbi turmën e blerësve në kompleksin e dyqaneve Sello.
Dëshmitarët thonë se Shkupolli i veshur me të zeza shkoi në drejtim të dyqanit të ushqimeve Prisma rreth orës 10 të mëngjesit para se të fillonte të qëllonte.
Më vonë policia gjeti në një apartament aty pranë trupin pa jetë të ish të dashurës së tij, që ishte punonjëse e dyqanit Prisma.
Dëshmitarët flasin për skena kaosi pasi u dygjuan të shtënat.
"Shumë njerëz qanin, dhe shumë shitës i zuri paniku," i tregoi një dëshmitar një radioje finlandeze.
Qendra e dyqyneve Sello mbetet tani e rrethuar nga forcat e policisë dhe trenat nuk ndalojnë në stacionin pranë dyqyneve.
Forcim i rregullave për armët
Finlanda ka një traditë të vjetër të gjuetisë, por deri kohët e fundit krimet me armë kanë qenë të rralla.
Qeveria i ka forcuar rregullat kundër armëve pas disa vrasjeve masive në disa shkolla në vitet 2007 dhe 2008.
Në nëntor 2007, një 18-vjeçar vrau shtatë nxënës në shkollën e tij në qytetin Tuusula, para se të vriste veten. Ai kishte lëshuar më parë një video në internet ku paralajmëronte për sulmin e tij.
Në shtator 2008, një 22-vjeçar që përgatitiej për tu bërë kuzhinier vrau 10 persona në një kolegj para se të vriste veten.
Edhe ai kishte lëshuar më parë një video në internet që e tregonte duke qëlluar me armë.
Pas lëshimit të videos policia e kishte intervistuar këtë person, por kishte arritur në përfundimin se nuk kishte arsye të mjaftueshme për t'i hequr liçencën për të mbajtur armë.
Pas këtyre ngjarjeve policia forcoi rregullat për lejet e pistoletave, duke mos u dhënë leje për mbajtje arme atyre që aplikojnë për armë pa bërë një kurs trajnimi për të paktën një vit.
Gjithashtu, aplikuesve u kërkohet një letër nga mjeku lidhur me shëndetin e tyre mendor si dhe të dalin në një intervistë para policisë para se t'u jepet leja për të mbajtur armë.