Enertin Dheskali: -Cikël poetik- Marre nga vellimi i trete poetik, "Gjak ne kozmos", 170 faqe, 140 poezi, 2009, Enertin Dheskali

Enertin Dheskali: -Cikël poetik- Marre nga vellimi i trete poetik, "Gjak ne kozmos", 170 faqe, 140 poezi, 2009, Enertin Dheskali

-Kohë moderne-

Përtej revolucioneve të heshtura lodhen ditët,
Me gjak të tharë në thonjtë e pushteteve,
Që ndërrohen nën zhurmën vrastare
Që vret klithmat
Pa patur mëshirë për vuajtjet e njerëzve.

Çarçafët e kohës janë zhytur në baltë,
Llogoret dhe plumbat u terën në parajsë,
Në vend të shpresës, tani urrejtjen e blejmë,
Me çmimin e jetës, të zhytur në inflacion.

Kohë boshe, kohë e shtrenjtë, pa shkëlqim,
Mbushur me arna dhe kurvëri politike,
Përroi i së ardhmes përjeton tjetërsim,
Përtej dallgëve të kësaj kohe modernike…

10. 07. 2009

-Shqipëria-

…Ca fusha të gjelbra, si qilima të mëdhenj,
Që këmbët në Adriatik lajnë,
Më tej, ca male të lidhur përdore,
Gjysëm të mbuluar me të bardhin jorgan,
Varfëri dhe dhimbje,
Krenari dhe amshim,
Kjo është Shqipëria ime,
Dheu im…

13. 07. 1999


-Kjo dashuri-

Kjo dashuri i shkriu të gjithë akujt,
Antarktidën e ktheu në një shkretëtirë,
Në planetin e ndjenjave qajnë kujtimet,
Imazhi yt mbi kohën rri shtrirë…

2009