Vlorian Molliqaj:Rënia e flamujve

nga **Agim Gashi** Tue Jan 12, 2010 10:03 pm

Rënia e flamujve

Vlorian Molliqaj 12 janvie

Në
Kosovë gjatë historisë kanë rënë shumë flamuj. Ata ishin flamuj të
pushtuesve. Flamujt e tyre ranë, kurse flamuri shqiptar vazhdimisht u
ngrit. Në emër të tij dhe për të u organizua, mobilizua, rezistua,
luftua, sakrifikua, mijëra dëshmorë ranë për të. Kjo na mbajti gjallë
dhe na forcoi: të qartë në luftë për liri dhe të vendosur me flaurin
kuqezi në zemër.
Por
disa akrobatëve politikë që luftuan për të shpëtuar dhe që rrezikuan
për pushtet e pasuri, sot nuk u bën përshtypje flamuri jonë. Kjo
retroaktivisht tregon se ata as atëherë nuk e patën flamurin në zemër.
Përndryshe s’do ta jepnin atë. Flamuri nuk jepet. Gjaku nuk bëhet ujë.
Pasi
u pasuruan shumë, grumbulluan miliona euro, blejtën llol-lloj
limuzinash luksoze dhe ngritën pallate të larta, ata e ndërruan edhe
flamurin. E shpallën konkursin për flamur. E hoqën flamurin e
identitetit, historisë, rezistencës, sakrificës e çlirimit, flamurin e
Pirros, Skëndërbeut, Hasan Prishtinës e Adem Jasharit, dhe e sollën
flamurin e konkursit me Corel Draw.
Në
institucionet e Kosovës nuk mund të gjendet më flamuri kuqezi. As në
zyren e Kryeministrit. Ai nuk guxon t’i nervozojë ndërkombëtarët, të
cilët heqjen e flamurit tonë e arsyetojnë me mosprovokimin e serbëve.
Kurse serbët nuk janë në institucione, sepse i kanë lënë të shkojnë me
Beogradin, bashkë me territoret të cilat po i kontrollon Serbia. Neve
na ka mbetur vetëm flamuri i huaj.
Para
disa muajsh komuna e Prishtinës vendosi në hyrje të Prishtinës këtë
flamur të kaltër së bashku me Kryeministrin dhe Presidentin. Kurse më
28 Nëntor VETËVENDOSJE!-a e hoqi këtë flamur dhe e vendosi
flamurin tonë kuqezi. Komuna e hoqi flamurin kombëtar dhe prapë e
vendosi atë të kaltrin. Para dy ditësh këtë flamur nuk patëm nevojë ta
heqnim: ai ra vetë. Sepse është flamur i huaj. Flamur i imponuar.
Flamur johistorik. Flamur që s’ta mban dot zemrën lart. Flamur që nuk
rrin.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30