Skender Korça: Sikur lutem…

nga **Agim Gashi** Sun Jan 17, 2010 4:04 am

Skender Korça: Sikur lutem…

Lutem të mësoj gjuhën time

Që të them se jam ky

Sikur frikësohem nga ai

Që më nxorri zvarrë në diellin me litar

Që lind sipas orarit të tij

Atij që sot më dikton botën time

Muzgun kur ma bjen sa më parë

Pa dashje pa mëshirë

Për të thënë lutjen time

Sikur sytë e babit tim

Sikur lutem…

Është ai që errësirën po ma fal

Me trishtim për të mos parë as biri im

As unë babai i tij që jam verbuar

Në epokën e atij që nuk di gjuhën time

Sikur lehtas më ka zhveshur nga ky që jam

Për një interes të portofolit të tij

Për të mësuar gjeografinë e re

Pa tokë e pa vatan

Sikur lutem…

Nesër në kujtim trishtimi

Fjala më është bërë shkumë goje

Sikur kur ishin ata që ikën

Kur një kamgjik ishte dhurata ime

Sot më është mbushur gusha me frymë

Për një çizme të re

Sikur lutem….

Për birin tim për të jetuar

Në mësim të alfabetit të tij

Të kuptoj se kush qenka ai vetvetja

Kundër barkmadhit që më ka lënë lakuriq

Edhe sot edhe nesër kur nuk e di çka më pret

Sikur lutem…

Sa heroizma prallash kam ditur

Sot i kam harruar ato

I kemi grisur edhe hiroglifet tona

I kemi futur në thes mbeturinash

Ku ruhet historia e tim bir

Sikur lutem…

Sikur lutem…për te dhe yt bir…

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30